1 Tesalonaika 5:23 - Kamano

²³ Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegva huramantena, Ranti Jisasi Kraisi'ma esianknarera kema hurantezana omanetfa hugahie.

Anumzamofo Routage Avantafere

²³ Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegava huramantena, Ranti Jisas Kraisi'ma esianknarera kema hurantezana omanetfa hugahie.

1 Tesalonaika 5:23 ပူးပေါင်းရင်းမြစ်များ

Luku 1:46

Maria amanage hu'ne, nagu'amo'a Ramofo ragi amigeno,

Joni 17:19

Nagra zamagri huzmeri'na avusese hu'na mani otage hu'noe, ana nehuanki'za zamagranena anazanke hu'za Kagrite avusese nehu'za, tamage hu'za mani otage hugahaze.

Aposol 20:32

Hagi menina nagra Anumzante'ene, Agri asunku'zamofo kere maniho hu'na huneramantoe. Ama kemo'a tamazeri hanave netina, ruotage'ma hu'za mani'naza nagapi tamagra erisanti haregahaze.

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

Romu 15:13

Fore'ma haniguma amuhama nehunazamofo Anumzamo, miko musezane rimpa fruzana tamentintifina antevi'netena, Ruotge Avamumofo hankavefi fore'ma hanigura amuhara hugahaze.

Romu 15:33

Hagi menina rimpa fru Anumzamo tamagrane manisie. Tamage.

Romu 15:5

Anumzamo knazantifima tazeri hankavetigeta kazigazi huta nevumo, Kraisimpina mago tamarimpama huzana tamisigeta, magoke huta manigahune.

Romu 16:20

Arimpa fru Anumzamo'a kofa huno Satana, kagafi azeri antefenka anteno rehapatigahie. Rantimofo Jisasi Kraisi asuntgizamo'a tamagra ne mesie.

1 Korinti 1:2

Korinti kumate nemniza Anumzamofo mono nagamotarega, Kraisi Jisasi'ma tmazeri avusese hurmantegeta ruotge (saints) huta mani'naza nagatega nevuno, mika vahe kokankoka mni'ne'za, tagri Rantie hu'za agi nehaza vahetegane, zamagri ene tagri ene Jisas Kraisi'a Rantimofo kea kreneramune.

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

1 Korinti 14:33

Na'ankure Anumzamo'a ke'onke'za eri savrisavra osu Anumzana omani'ne, hagi rimpa fru Anumzane. Maka Anumzamofo mono kevu naga zmazeri ruotge hu'neakna hiho.

2 Korinti 5:19

Na'ankure Anumzamo'a Kraisimpi ama mopafi vahera, Agrane tazeri mago hu'ne, vahe'mo'zama kumi'ma hu'nazana antahizmino nona hunozmante. Hagi erimago huno manizamofo knare naneke huama hanunegu, tagrira tami'ne.

Filipai 1:10

Ana nehutma maka'zana refko hutma negetma, so'e zantfama hu'nesnia zanku nentahitma, avusese hutma fatgo zampi mani'nesnageno Kraisi'a eteno egahie.

Filipai 1:6

Na'ankure nagra antahi'noe, Anumzamo tamagripi knare eri'zama erigafa hu'nea eri'za erime nevnageno, Krais Jisasi esnia knare eri vgaregahie.

Filipai 4:9

Nagrama nehugetma rempi nehutma e'neritma, nentahitma ke'naza avu'avaza nehinkeno, rimpa fru Anumzamo'a tamagrane manigahie.

Kolosi 1:22

Hianagi menina Kraisi'a ama avufgare eme frino, tamazeri mago huno Anumzamofo avurera tamazeri ruotge hu'neakino, magomo'a kea huoramantege, hazenke vahere huoramantesigetma, havigema huramante zampintira fru hutma manigahaze.

1 Tesalonaika 2:19

Ranti Jisasi Kraisi'ma esia knazupa, na'amo tazeri amuhama humisunazantia mesigeno, nazamo musema hanunazana mesigeno, tazeri antesgahu kini fetoritia Rantimofo avurera megahie? Tamagra ana musezantia mani'naze.

1 Tesalonaika 3:11

Menina tagri Nerafa Anumzamo'ene, Jisasi Rantimokea vanuna kana taveri hanaketa tamagritega vugahune.

1 Tesalonaika 3:13

E'ina hu'neankino, Jisasi'a maka Naga'anema esia knarera tamazeri hanavetina, maka hazenketami omnena, ruotge huta nemanita, manifatgo nehuta, Anumza Nafatimofo avurera hazenke'tamia omanegahie. Tamage.

1 Tesalonaika 4:3

Na'ankure ama'i Anumzamofo avesizane, mani agru hutma maka monko avu'avazampina maniho.

1 Tesalonaika 5:22

Ana nehutma, maka havi avu'ava zampintira maniganeta maniho.

2 Tesalonaika 3:16

Menina rimpa fru Ramo, Agra'a maka knama hakare'zama hanafina, tamarimpa frua tamigahie. Ramo'a makamotane manisie.

Hibru 13:20

Hagi arimpa fru Anumzamo, ugagota sipisipi afu kva ne' Ranti Jisasina fri'nefinti azeri oti'nemofo korama'areti, mevava hagerafi huvempa ke hu'ne.

Hibru 2:11

Na'ankure vahe'ma zamazeri agru hu'nemo'ene, agruma hu'naza nagamo'za, magoke ne'pinti fore hu'nazankino, nensaro nenafuo huno huzankura agazea nosie.

Hibru 4:12

Na'ankure Anumzamofo kemo'a kasefa huno me'neno, eri'za enerino, tarega kaziga asanenea kazimofo asenezama'a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi'nefine, zaferinamofo asinu'afi ufreno tga nehuno, tavutavazane tagutagesamofo avesizana refko nehie.

Jemisi 1:4

Hagi maka kna tamagra oti hanavetita, knazana erita nevinkeno, ana tamavutmavazamo'a hanavetino nevina, Anumzamofo avu'avama huzampina, atupara osnageno, fatgo huno knare hugahie.

1 Pita 1:2

Anumzana Nafatimo'a, ko antahino keno hu'nea kante, Ruotge Avamumo tamazeri agru hu'nea nagamota, Jisas Kraisi amage'ma antageno, korama'a tagitreno sese huramante'nea nagamotma, asunku'zane rimpa fruzamo'a tamagrane aviteno mesie.

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

2 Pita 3:14

E'ina hu'negu ronenimota, tamagra anazama fore'ma hanigura avega ante'nazanki, tamagratmia tamazeri agru hutma Anumzanena tamarimpa frune nemanita, hazenkezana omnena, keaga huramante'zana omnena, ananknagura avega anteta maniho.

Juti 1:1

Juti'na, Jemisi nefu'na Jisas Kraisi kazokzo eri'za e'nerumona, Anumza Nafatimofo avesipine, Jisas Kraisi kavafima kehigeta mni'nazamotarega, ama avona kre'neramue.

Juti 1:24

Hagi menina Anumzamo'a tanafama ruzankura kegva huneramantena, Agra tavaresigeta Agri'a msafi kumitami omanena, tusi'a musezampi manigahaze.