1 Tesalonaika 5:21 - Kamano

²¹ Hianagi rezaganetma makazana ke so'e nehutma, knarema hunesiazana azeri akona hiho.

Anumzamofo Routage Avantafere

²¹ Hianagi rezaganetma makazana ke so'e nehutma, knarema hunesiazana azeri akona hiho.

1 Tesalonaika 5:21 ပူးပေါင်းရင်းမြစ်များ

Proveps-Knare Nomaniza 23:23

Tamage ke'ma mizase'nenunka zgorera otro, ama' antahizanki, huoguma rempima hugamisiazanki, antahi'ama huno refkoma hu'zana erio.

Proveps-Knare Nomaniza 3:1

Mofavrenimoke, nagrama rempima hugamua kea kage'okanio. Hianagi kasegeni'a kagu'tumote erintegeno meno.

Proveps-Knare Nomaniza 4:13

Kagrama hananegu'ma amama kasamua kea otrenka azeri hanavenetinka atregeno ovino. Na'ankure e'i ana kema huoguma rempima hunegamua kemo'a mani'zanka'agna hugahie.

Luku 12:57

Hagi nahigetma tamagra'a refko hutma fatgoma hu'neazana nonkaze?

Joni 15:4

Nagri nagu'afi emaninenke'na, Nagra tmagri tmagu'afi mani'neno. Zafa azankuna'amo agra avesitera rga'a reontegahie, waini zafare azankuna'amo ru okamre snuno'a rga reontegahie. Hagi Nagrite'ma ruokamare'sutma rga'a reontegahaze.

Joni 8:31

Jisasi'a, Jiu vahe zamentinti hu'namokizmia amanage huno zamasmi'ne, Nanekeni'a miko knama erizafa huvava hanuta, tamagra Nagri namage ante disaipol naga manigahaze.

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

Aposol 17:11

Ana Jiu vahe'mo'za antahi'za zamimo'a knare huno ama hu'negu, Tesalonaikama nemaniza Jiu vahe'mo'za nehazaza osu'naze. Na'ankure mono kema ha'ana muse hu'za eneri'za, tamage amagemo'a hu'nefi hu'za maka zupa avon tafepi ke'ankere'naze.

Romu 12:2

Ama mopafi avu'avazanena tagrora oteho. Hianagi tamagra atrenkeno antahintahitamia Anumzamo tmazeri kasefa nehanigeno, tamavutamava zamo'a ruzahe hino. Anama hanuta, tamage Anumzamofo avesizamo'a, knare huno haviza osuno, fatgo hu'ne huta eriama hugahaze.

Romu 12:9

Tamage hutma vahe'mofona zmavesizmanteho. Kefo avu'avazana tamagena hunenteta, knare avu'avazana azeri hankavetiho.

1 Korinti 15:58

E'ina hu'negu tusiza hu'na navesi nermantoa nenfugata nensarogta, oti hanavetita kaza osu maniho. Hakare zupa Ramofo eri'zama eri'zankuke nentahita mniho. Hagi antahio, Ramofo eri'zama tamamu'nama nehagegetma e'neriza zamo'a amnezanknara osugahie.

1 Korinti 2:11

Na'ankure, iza vahepintira mago vahe'mofo antahi'zampima me'nesia antahi'zana keno antahino hugahie? Agri'a avamu'moke agu'afi me'nesia antahi'zana keno antahino hugahie. Anahukna kante Anumzamofo oku'a agu'agesa mago'mo'e huno antahino keno osugahie. Anumzamofo Avamu'moke antahino keno hugahie.

Galesia 6:10

E'ina hu'negu tagrama vahe'ma zmaza huga kankamuma fore'ma hanigetma, maka vahera knare tavutva hunezamita, Ramofonte'ma zamentintima nehaza nagara zamazahutfaza hugahaze.

Efesasi 5:10

Mraguzatitma Rantamimofo avema nesiaza rempi hiho.

Filipai 1:10

Ana nehutma maka'zana refko hutma negetma, so'e zantfama hu'nesnia zanku nentahitma, avusese hutma fatgo zampi mani'nesnageno Kraisi'a eteno egahie.

Filipai 3:16

Hanki tamage kema, ko'ma antahi'nona kea azerikona hu'neta amage'antegahune.

Filipai 4:8

Vgare nanekea nafuhetane nasarhetma maka knafina tamavutamavama hanazana, na'amo tamage zana me'ne, na'ante vahe'mo'a antahi nemie, na'amo fatgoa hu'ne, na'amo avu sese hu'ne, na'amo vahe'mofona asane hugahie. Na'amo agi'a erisaga hugahie. So'e zantfama me'neniane, husga hunte'zama me'nesiana, anazante antahintahi nehutma hampona hutma maniho.

1 Tesalonaika 5:15

Mago'mo'e huno havizama huntesimofona, nona'a havizana huonteno. Hianagi maka kna knare avu'avaza ohunte ahunte nehutma, maka vahetera anahukna tamavutmava huzmanteho.

1 Tesalonaika 5:22

Ana nehutma, maka havi avu'ava zampintira maniganeta maniho.

2 Tesalonaika 2:15

Ana hu'negu nenafugata avoma kreneramita, rempima hurami'nona kerera azeri hanavetita oti hanavetiho.

2 Timoti 1:15

Kagra antahi'nane maka Esia kaziga mani'naza vahe'mo'za natre'za uvu evuma hu'nazana, ana agu'afina Figelusi ene Hemogenesi'ke natrena'e.

2 Timoti 3:6

Na'ankure amu'no zamifina mago'a vahe'mo'za vahe nompi antagrige antagrige hu'za mreneri'za, zamagu'amo hanave otigeno kumipi kna zamisige'za mani'naza a'nemokizmi, kereti zamazeri havia hazage'za, naneke'zmi erizafa nehu'za zamavemanesia zante hakare'a havizana erifore nehaze.

2 Timoti 4:14

Alexandama kopama kreno tuzampaza tro nehia ne'mo'a, tusiza huno natazana nami'ne. Ra Anumzamo anazantera nona'a huntegahie.

Hibru 10:23

Fore hugahie huta tamentinti nehuta huama nehuna zana azeri hanavetisune. Na'ankure huvempama hurantenemo'a hugahuema hu'neazana amanehu nere.

1 Joni 4:1

Ronenimote, vahe'mo'za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na'ankure rama'a havige kasnampa vahera, ama mopafi vuno eno nehie.

Revalesen-Hufo Hu'ne 2:2

Hanavetinka erizama e'nerinka, mragu'zama netinka, maka knazama e'nerinka, kazigazima hunka nevunka, havi zamavu'zmava nehaza vahe'enema tragotenka omaninka, havige hu'za aposol vahe mni'none nehaza vahera refko huzmantenka negenka, havige nehaze hunkama nehanazana, Nagra ke'na antahina hu'noe.

Revalesen-Hufo Hu'ne 2:25

Ana hu'negu nazano menima azerinana zana azeri hanavetinege'na, Nagra a'neno.

Revalesen-Hufo Hu'ne 3:11

Nagra ame hu'na egahuanki, ko'ma eri'nana zana azeri kona huo, ana'ma osnanke'za rumo'za kini fetori ka'a erigahaze.

Revalesen-Hufo Hu'ne 3:3

Ana hu'negu ko'ma rempi hugamizagenka, nentahinka eri'nana kea azeri kona nehunka, kagu'a rukrehuo. E'ina hu'negu, kagrama otinka, kagu'ama rukrehe osnanke'na, omegahie hunka kagesa ontahinana knafi, kumazafa vahe'mo'za neazankna hu'na egahue.