1 Tesalonaika 5:13 - Kamano

¹³ Hagi erizama e'neriza zanku zmesizmanteta, zamagrira zamagi erisaga nehuta, magoke magokemotma tamarimpa frune maniho.

Anumzamofo Routage Avantafere

¹³ Hagi eri'zama e'neriza zanku zamesizmanteta, zamagrira zamagi erisaga nehuta, magoke magokemotma tamarimpa frune maniho.

1 Tesalonaika 5:13 ပူးပေါင်းရင်းမြစ်များ

Jenesis 45:24

Anante Josefe huzmantege'za atre'za vuza nehzageno, anage huno zamsmi'ne, kantega nevuta ha' fra osiho.

Matiu 10:40

Iza'o kagrima kavaresiana, Nagri navaregahie. Hagi aza'o Nagrima navaresimo'a, hunantegena e'nomofo avaregahie.

Maki 9:50

Hagemo'a knare hu'neanagi, haga'ama atresigenka, inankna hunka ete kagra eri haga hugahane? Tamagra hagegna huta amuno tamifina ovesinte avesinte hutma maniho.

Joni 15:17

Nagra ama kasege neramasmue, tmararuna ovesinte avesinte hiho.

2 Korinti 13:11

Hagi nafu nagnaheta huvgare nanekea anage hu'na kreneramue, muse nehuta, mago'ane tamamentintifina hanavenetita, ozeri hanaveti azeri hanaveti nehuta, magoke antahintahi enerita, tamarimpa fru nehinkeno, avesinte zamofone, Anumzamofo rimpa fruzamo'a tamagrane megahie.

Galesia 4:14

Nagri krimo'a knaza tamagrira tami'ne, hianagi ana krima eri'noazankura tamagra tamavugosa huonantege, tamagena huonami'naze. Hianagi tamagra nagrira Anumzamofo ankero avreankna huge, Kraisi Jisas avreankna hutma navre'naze.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Galesia 6:6

Mago'mo'ma Anumzamofo kema rempima hunezamisimofona, rempima hunezamige'za e'nerizamo'za, mika knare'zazamia refko hu'za amigahaze.

Efesasi 4:3

Hakare zupa hanavetima Avamu'ene tragotetma nemanitma, hamprima tamanteno anaki'ma tamante'nea fruzana erigahaze.

Kolosi 3:15

Kraisi rimpa fruzana atrenkeno tamagu'afina kegva hurmanteno, na'ankure tamarimpa fru huta manisazegu kehigetma mago avufga mani'nazanki, miko zupa Anumzamofona susu hunteho.

1 Tesalonaika 5:14

Nerafugate, tagra tamazeri otike hanunketma erizama e'ori zmesrama nehaza vahera zmazeri fatgo nehutma, koroma nehaza vahera zmazeri hankavenetitma, hanavema oti'nesaza vahera zmazeri hanavetiho. Ana nehutma maka vahe enena fru hutma maniho.

2 Tesalonaika 3:16

Menina rimpa fru Ramo, Agra'a maka knama hakare'zama hanafina, tamarimpa frua tamigahie. Ramo'a makamotane manisie.

2 Timoti 2:22

Menia kahefa vahe'mo'za kefo avu'avazanku zamagesa nentahizankna osunka atrenka fro, fatgo zamofo nevaririnka, kmentinti nehunka, vaheku kvesinezmantenka fru hunka manio. Iza'o fatgo huno nemnino, Ra Anumzamofo agihanta nevzisia vahe'ene manio.

Hibru 12:14

Miko vahe'enena hanavetinka karimpa fru hunka nemaninka, mani ruotage nehunka, agru hunka manio. Na'ankure mni ruotage osunesimo'a Ramofona onkegahie.

Jemisi 3:18

Rumokizmima zamarimpa fruma erinezamiza vahe'mo'za, zamarimpa fruzamofo avimaza nehankrazanki'za, nena'ama vasagesazana fatgo avu'avaza hamaregahaze.