1 Tesalonaika 5:10 - Kamano

¹⁰ Jisasi'a tagriku huno fri'neankita, fri'nazo tasimu erita mani'nono, tagra Agrane magopi manisunku huno fri'ne.

Anumzamofo Routage Avantafere

¹⁰ Jisasi'a tagriku huno fri'neankita, fri'nazo tasimu erita mani'nono, tagra Agrane magopi manisunku huno fri'ne.

1 Tesalonaika 5:10 ပူးပေါင်းရင်းမြစ်များ

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

Joni 10:11

Nagra'ni'a knare sipisipi kva ne' mani'noe, Knare sipisipi kva vahe'mo'a Agra'a sipisipireku huno asimura atregahie.

Joni 10:15

Ana hu'negu Nenfa'a, Nagrira nageno nantahino nehige'na, Nagranena Nenfana age'na antahi'na hu'noe, Nagra nasimura sipisipimokizmire atregahue.

Joni 10:17

Ama'na agafare Nenfa'a avesi'nenante, na'ankure Nagra nasimura atretena, hagi ete nasimura erigahue.

Joni 15:13

Mago'mo'ma rone'agu avesinteno, agra asimuma atreno frisimo'a, tusi'a ugota hu'nea avesiza huzmerigahie.

Romu 8:34

Iza huhaviza hurantegahie? Ko Jisas Kraisi'a tagrikura efrino otino Anumzamofona azantmaga kaziga umani'neno, tagri tagi erino Anumzamofontera nunamuna hunerante.

1 Korinti 15:3

Na'ankure miko'zama agatere'neazana nagra ko erite'na, neramasmue. E'i anazana Anumzamofo avontafepi kre'nea kante Kraisi tagri kumiku huno efri'ne.

2 Korinti 5:15

Hagi Agra miko'mofonku fri'negu, iza'o kasefa huno maninesimo'a, agra'a vesizantera omanigahe. Hianagi zamagriku'ma huno fri'teno oti'nemofo Kraisi avesizante manigahaze.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

1 Tesalonaika 4:13

Nafuhegta, mono nerafuza koma fri'namo'za nankna hugahazafi, tamagra ketma antahitma nehutma, Jisasi'ma esigu amuhama nosaza vahe'mo'za zavimanetaza zana osugahaze.

1 Tesalonaika 4:15

Na'ankure amanahu kante Ramofonkea neramasamune, mani'nona vahe'mota ovunenukeno, fri'naza vahe'mo'za otiza ugota hu'za marerigahaze.

1 Tesalonaika 4:17

Anantera tagrama ofritama maninesuna vahe'mota, tavresigeta mrerita hampompi omeri mago huteta, magoka anagamu Ramofona ome tutagiha hunenteta, maka kna Agrane manivava hugahune.

1 Tesalonaika 5:6

E'ina hu'negu atrenketa mago'amo'za nemasazaza huta omaseta, tavumo'a hari nehina, ama' antahintahi e'nerita kva huta manigahune.

1 Timoti 2:6

Tusi'a mizanteti Agra'a avufga atreteno, maka veara miza seranteno, Anumzamo huhampri ante'nea kna eri ama hu'ne.

2 Timoti 2:11

Ama'i tamage naneke, Jisasi'ene fri'nomota, agrane ksefa huta manigahune.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.