1 Tesalonaika 2:14 - Kamano

¹⁴ Na'ankure nerafugta, Anumzamofo nagama Kraisi Jisasimpi Judiama mni'naza naga'mokizmi zmavuzmava zmavaririta tamagra hiho. Na'ankure zamagranena anahukna hu'za tamagri vahe'mo'za knazama tamami'neaza huza, zamagri'enena Jiu vahete'ma hu'nazaza hu'naze.

Anumzamofo Routage Avantafere

¹⁴ Na'ankure nerafugta, Anumzamofo nagama Krais Jisasimpi Judiama mani'naza naga'mokizmi zamavuzmava zamavaririta tamagra hiho. Na'ankure zamagranena anahukna hu'za tamagri vahe'mo'za knazama tamami'neaza huza, zamagri'enena Jiu vahete'ma hu'nazaza hu'naze.

1 Tesalonaika 2:14 ပူးပေါင်းရင်းမြစ်များ

Aposol 11:19

Ananknafi Stivenina ahe nefri'za mago'a nagara zamahe fragu vazige'za, atre'za Fonesiane, Saiprasine, Antiokune, nevu'za ru vahete mono osu, Jiu vaheteke mono kea ome zamasmi'naze.

Aposol 13:50

Hu'neanagi Jiu vahe'mo'za, Anumzamofonku koro nehu'za zamagi me'nea a'nene, zamagi me'nea vene'nene zamarimpare ke hu'za zamazeri otige'za, Poline Banabasi kiznia, ana mopa kazigatira zamahe anati tre'naze.

Aposol 14:19

Hu'neanagi Jiu vahe'mo'za Antioku kumateti'ene Ikonia kumateti e'za, havige nehie hu'za zamagrarega eme zamavrente'za, Polina have knonu ahe'za avazu hu'za rankumapinti ati rami'za megi'a frie hu'za zamagesa nentahiza ome atre'naze.

Aposol 14:2

Hu'neanagi Jiu vahe'mo'za zamentinti ana kegura nosuza, megi'a vahe antahintahi eri savri hazage'za, ana netrena ha' rezanante'naze.

Aposol 14:4

Hu'neanagi ana ran kumapi mani'naza vahe krerafamo'za amu'nompinti refako hu'za, mago'amo'za Jiu vahetega vazage'za, mago'amo'za aposol vahetega vu'za hagerafi'naze.

Aposol 14:5

Megi'a vahe'ene Jiu vahe'mo'zane kva vahe zamine, zamazeri haviza huta have knonu tare netrena zanahefrigahune hu'za nehazageke,

Aposol 17:13

Hu'neanagi Tesalonaika mani'naza Jiu vahe'mo'za antahizama, Poli'a Anumzamofo kea Beria ome huama nehie kema nentahi'za, zamagranena anantega e'za, keomente emente hu'za, zamagu zamagesa eri savari hu'naze.

Aposol 18:12

Kalio'ma, ugagota ra kvama (Gavana) Akaea kumatema mani'nege'za, Jiu vahe'mo'za oti'za mago antahintahi eri retro hu'za, avare'za ke refakohu trate (koti nonte) vu'za,

Aposol 8:1

Stiveni'ma ahe friza zankura Solina rimpamo'a so'e hu'ne. Jerusale kumapina mono vahe'ma zamahe'zamo'a tusiza huno ana knarera avitege'za, maka vahe zgamo'za panini hu'za fre'za Judia kaziga nevazage'za, Samaria kaziga nevzage'za aposol vahe'age mani'naze.

Aposol 8:3

Hianagi Soli'a, mono vahe zamazeri haviza nehuno, mago'mago nompina vuno eno huno vene'nene, a'nene zamazuhu zmavazu hu megi nezmatreno zamavreno kina ome huzmante'ne.

Aposol 9:1

Ana knafinke Soli'a ana zanke huno Ramofo amage' nentaza disaipol nagara zamahe frinaku tusi asi nevazigeno, rimpa henezmanteno, ugota prisi nete vuno,

Aposol 9:13

Hianagi Ananaisi'a ke'nona'a huno, Ra Anumzamoka nagra rama'a vahepinti, nama'a vahe krerafama Kagrite'ma zamentintima nehaza vahe'ma Jerusale kumapima mani'naza zamahe'neana ana ne'mofo agenkea nagra antahi'noe.

Aposol 9:31

Anante Judia kazigane Galili kazigane Sameriama nemaniza mono vahe'mo'za, hagera hu'za nevu'za zamarimpa fru hu'za nemani'za, Anumzamofonku kore hunentageno, Ruotge Avamu'mo zamazeri hanavenetige'za, rama'a mono vahe fore hu'naze.

1 Korinti 10:32

Mago'mofone hunka Jiu vahepino, Griki vahepino, Anumzamofo vahepinena, zmazeri tanafa hu havegnara osiho.

1 Korinti 7:17

Ra Anumzamo'a magoke magoke'mofoma inankna avamente mni'nesigeno, Anumzamo'ma agima hu'nesimo'a, ana avamente manino. Ama anahukna tra ke miko mono nopina nezamasamue.

Galesia 1:22

Judia kazigama mono nagama Kraisimpi mni'namo'za, nagrira navufina onage'naze.

1 Tesalonaika 1:1

Nagra Polinagi, Sailasi'ene Timotigata ama avona Tesalonaika kumate Anumzamofompi mani'naza nagamotarega kreneramune. Anumza Nafatine, Ranti Jisas Kraisi asunku'zamo'ene, rimpa fruzamo'a tamagrane mesie.

1 Tesalonaika 1:6

Tamagranena, tagrama nehunaza tavaririta nehuta, Ramo'ma nehiankna nehutma, tamagra Anumzamofo naneke e'nerizageno, rama'a knazana neramizanagi, Ruotge Avamumo tamazeri otigetma muse nehaze.

1 Tesalonaika 3:4

Na'ankure tamage huta tamagra nema korapama mni'neta tamasami vava huta, knazampina ufregahune huta hunonankino, ana knazamo'a, antahinaza kante fore huno evu'ne.

2 Tesalonaika 1:1

Nagra Poli'nagi Sailasi'ene Timotigata Tesalonaika mni'naza mono nagamota Anumza Nafatine, Ranti Jisasi Kraisinte tragotetma mni'nazamotarega, ama avona kre'neramunankino,

2 Tesalonaika 1:4

E'ina hu'negu, tamentinti nehutma, maka tamazeri havizama nehazafine, knazama tamizafima kazikazi hutmaneaza zankura, Anumzamofo mono nagamofo amu'nompina tamagri tamagenkema nezamasamita, tamagrikura akaginerone.