1 Tesalonaika 1:10 - Kamano

¹⁰ Hagi monafinti Anumzamofo mofavremo esigu avega anteta mani'nomofo, frinefinti azeri oti'nea Ne' Jisasi, Anumzamofo rimpa hezampinti tahokeno taguvazi'nea zankura kea neheze.

Anumzamofo Routage Avantafere

¹⁰ Hagi monafinti Anumzamofo mofavremo esigu avega anteta mani'nomofo, frinefinti azeri oti'nea Ne' Jisasi'a, Anumzamofo rimpa hezampinti tahokeno taguvazi'ne.

1 Tesalonaika 1:10 ပူးပေါင်းရင်းမြစ်များ

Jenesis 49:18

Ra Anumzamoka nahoke ahesnanegu, kvega mani'noe.

Matiu 1:21

Ne'mofavre ksentegahianki, ana mofavremofo agi'a, Jisasi'e hunka agi'a antemio, na'ankure Agra vahe 'amokizmi kumi'zmifinti zamaza hugahie.

Matiu 16:27

Vahe'mofo mofavremo ankero tmima'ane, Nfa'amofo hanavefi esuno'a, Agra magoke magoke'moma hu'nenia avu'avate anteno mizana amigahie.

Matiu 16:28

Nagra tamage hu'na neramasmue, meni ama otitma mni'nafintira mago'amota ofri'mni'netma negesageno Vahe'mofo mofavremo'a kini manino egahie.

Matiu 3:7

Hianagi agrama kege'za hakare'a Farisi vahe'ene, Sadusi vahe'ma mono ti frekure hu'za ageno, Joni'a anage huno zamasmi'ne, tamagra ha' osifavemofo mofavre nagare, aza tmasmino amuma ne-ea Anumzamofo rimpahe zampintira fregahaze.

Luku 2:25

Hagi mago nera Jerusale kumate mani'nea ne' agi'a Simioni'e. Ana nera fatgo nekino, kazigazi huno Anumzamofo amage nevuno, Israeli vahe'mokizmi zamahoke ahesnia vahe fore hanigu avega anteno mani'negeno, Ruotge Avamumo'a agripina avite'ne.

Luku 3:7

Higeno Joni'a, agrite'ma mono ti frerantesie hu'za e'naza vahe krerfa, anage huno zamasmi'ne, tamagra ha' osifave'mofo mofavre nagare! Aza hanigetma Anumzamofo rimpa hezampintira korera fregahaze?

Aposol 1:11

anage hu'na'e, Galili vahe'mote na'a higetma amarera oti'netma monafinka negaze? Ama ana Jisasi tmatreno monafi negageno mreri'neaza huno, ete anahu kna huno egahie, huke zamasmi'na'e.

Aposol 17:31

Na'ankure ama mopama Agrama refako hania kna, agra'a fatgo avu'ava zampi ko huhampri tegeno me'ne. Mago ne' huhampri ante'neana miko vahera amate huzameri huno fri'nefinti azeri oti'ne.

Aposol 2:24

Hianagi Anumzamo'a fri'nefinti azeri otino, fri'zamofo atazampinti azeri so'e hu'ne. Na'ankure frizamofo hanave'amo'a azerintega osu'ne.

Aposol 2:32

E'i ana Jisasina, Anumzamo'a fri'nefinti azeri otigeta, tagra maka'mota tavufinti ke'nona zanku nehune.

Aposol 3:15

Hagi tamagra Asimu'mofo agafa ahe fri'nazanagi, Anumzamo azerioti nemofo, tagra tamage huta tavufinti ke'no'a zanku nehu'e.

Aposol 3:21

Ama ana Nera monamo avare'anagamu tenesigeno umani'nenigeno, Anumzamo'a mika zana azeri kasefa hugahie, Anumzamo ko' huama hu'ne, korapa knafima ruotge kasnampa vahe'mofo zamagipi huvempa hu'naze.

Aposol 4:10

tamagra ne Israeli vahe'enena antahi ankereho. E'i Nazareti Jisas Kraisima tamagra ma aheta hantizageno, Anumzamo'ma azeri oti'neama, e'ina ne'mofo agire, amama tamugama oti'nea nera kri'amo'a knare huntegeno oti'ne.

Romu 1:4

Hagi Ruotge Avamumo'a hihamu'ane huama huno, Anumzamofo Mofavre azeri oti'negeta, Jisas Kraisi'a Rantimo'e nehune.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

Romu 4:25

Na'ankure tagri kumiku Jisasina atregeno efri'nemofo azeri oti'nea zamo, Anumzamofo avurera tagrira tazeri fatgo vahera se'ne.

Romu 8:34

Iza huhaviza hurantegahie? Ko Jisas Kraisi'a tagrikura efrino otino Anumzamofona azantmaga kaziga umani'neno, tagri tagi erino Anumzamofontera nunamuna hunerante.

1 Korinti 1:7

E'izanku maka Avamupi neramia musezampina atupa nosuta, Rantimo Jisas Kraisi'ma eama hanigu, tamagu'areti aveganentaze.

Galesia 3:13

Kasegemofo kazusifintira Kraisi'a mizaseranteno taza hu'neankino, ana kazusia Agra'a erino taza hu'ne. Na'ankure anage huno avontafepina krentene, maka vahe'mo'za keka zafare'ma hanti'nesamo'za kazusifi mani'naze hu'ne. (Diu-Kas 21:22, 23)

Filipai 3:20

Tagri kumara monare me'negeta, Tazahu ne'ma eramisigu negeta tagesa are'are nehuta, Ranti Jisas Kraisi'ma esigu avega ante'none.

Kolosi 1:18

Kraisi'a Agranena mono kevu nagamofo aseni'a manine. Fri'naza vahepintira Agra esera fripintira oti'negu, anamiko zampina Agrake aseni'a mani'ne.

1 Tesalonaika 1:7

Ana hu'negu tamagra maka Masedoniane Akaia kumate mni'naza mono vahetera, mago knare avamezankna hutma mani'naze.

1 Tesalonaika 2:16

Megi'a vahe'mofontema zmahokeheno zmaguvazisia kema huama nehunkeno, rehiza hunerantazageno, anama hazazamo'a kumima hu avamena agatereno avite'ne. Hianagi e'inahukna vahetera, henka Anumzamofo rimpahezamo zamagritera megahie.

1 Tesalonaika 2:7

Tamage, Kraisi aposol vahe'ma mni'nonazamo knazana tamigahianagi, tagra akoheta mani fru nehuta, mofavrema nererama amima nemino kegvama hunteankna nehune.

1 Tesalonaika 5:9

Na'ankure Anumzamo'a rimpahe'zama'a erigahaze huno huorantene. Hianagi Ranti Jisasi Kraisimpinti tahokeno taguvazizana erisunegu huhamprirante'ne.

2 Timoti 4:1

Timotiga Anumzamofo avufine, Kraisi Jisasima kasefa huza mani'naza vahe'ene, fri' vahe'ene refko huzmantesia ne'mofo avufi, Agra'ama eama nehinkeno, Agri'a mona kumamo efore hania knagura,

Taitus 2:13

ana knama esigu avega anteneta muse nehune, tusi'a msa'afi efore hanigu, Ra Anumzantima, Tzahu ne' Kraisi Jisasi esigu avega ante'none.

Hibru 10:27

Hianagi Anumzamo'ma refkoma hurante zankura tusi kore nehuta, Anumzamofo ha'renentesia vahe'ma amuhonentake tevefima tasegesagu avega antegahaze.

Hibru 9:28

Hu'negu Kraisi'a magoke zupa frino rama'a vahe kumira eritrezamtene. Agrama henkama esu'no'a kumiti eritrerante'nakura omegahianki, Agriku'ma tusiza hu'za avegama ante'namokizmi zmahokeno zmavrenaku egahie.

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.

1 Pita 1:3

Ranti Jisasi Kraisi Nefa Anumzamofo agi'a erisaga hanune, Agri'a tusi'a asunkuzamo higeta, tagu'a rukrehe hunkeno kasefa tasimura tamigeta, Jisasi'ma friteno oti'nea zankura amuhara nehune.

1 Pita 2:21

Na'ankure tamagrira ana knaza erisazegu tamagi hu'ne. Kraisi enena anahukna huno atazana erino huraveri hu'neankita, Agrama hu'neankna tavutava huta avaririgahune.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

2 Pita 3:12

Ananknama esie hanutma eriza enerinkeno, ame huno eno. Anankna zupa tevemo mona te fanane nehanigeno, makazana te mramra huno, te mekitrere hugahie.

2 Pita 3:14

E'ina hu'negu ronenimota, tamagra anazama fore'ma hanigura avega ante'nazanki, tamagratmia tamazeri agru hutma Anumzanena tamarimpa frune nemanita, hazenkezana omnena, keaga huramante'zana omnena, ananknagura avega anteta maniho.

Revalesen-Hufo Hu'ne 1:18

Kasefa hu'na mni'nomona ko frite'na, oti'na mani'noanki, keho, henka'a ofri'na manivava hugahue. Fri'zane, fri vahe'mofo kumate ki nofira Nagra azeri'noe.

Revalesen-Hufo Hu'ne 1:7

Keho, Agra hampompi ne-eankino, (Dan 7:13) maka vahe'mo'za negesageno, keka zafare'ma krugruma renaza vahe'mo'zanena negesageno, maka ama mopafi vahe'mo'za zavi krafa hugahaze. Hanki e'ina hu'zana fore hugahie. Tamage.