1 Pita 5:14 - Kamano

¹⁴ Magoke magokemotma fatgo huno ruotge hu'nea avu'ava hutma, agi hene agona ahene hutma maniho. Kraisimpima mni'naza nagamotma, rimpa fruzamo'a tamagrane mesie.

Anumzamofo Routage Avantafere

¹⁴ Magoke magoke'motma fatgo huno ruotge hu'nea avu'ava hutma, agi ohene ahene hutma maniho. Kraisimpima mani'naza nagamotma, rimpa fruzamo'a tamagrane mesie.

1 Pita 5:14 ပူးပေါင်းရင်းမြစ်များ

Matiu 5:47

Tamagrama nermafunke'za zamazeri so'e hanazana, na'a mago'a zana hugahaze? Megi'a vahe'mo'za zamagranena anahu kna nehaze.

Joni 14:27

Tamarimpa fru Nagra tamagripi nentoe, Nagra narimpa frua tamagri neramue, ama mopafi vahe'mo'za nermizankna tamarimpa frua Nagra noramue. Atrenkeno tamaguamo'a kna nosina korora osiho.

Joni 16:33

Ama'ina naneke Nagra neramasmuana, Nagripinti tamarimpa fru erigahaze. Ama mopafina hazenke zane, kasuzamo egahianagi, oti hanavetiho, na'ankure Nagra ama mopa hago agtere'noe.

Joni 20:19

Ana zupa kinaga, eri'za knamofona ese zupa Sonta, haninkige'za amage nentaza disaipol naga'mo'za Jiu kva vaheku zamagoro hu'za kafa eri ki'za no agu'afi mani'nageno, Jisasi eazamo amu'nozmifi eme otino zamagriku anage hu'ne, Tamarimpamo fru hino, huno zamasmi'ne.

Joni 20:26

7'a zgegna agaterege'za, rosaza hu'za amage' nentaza disaipol nagamo'za, Tomasi'ene magopi kafana erigi'za mani'nazageno, zamagri amu'nompi Jisasi eme otino, Tamarimpa fru eriho, huno hu'ne.

Romu 1:7

Anumzamo'ma tmavesinteno kema higeta mika Romu kumate mni ruotge hutma mni'naza nagamotarega, Anumza Nafatimofone Rantimofo Jisasi Kraisi asunku'zamo'ene, rimpa fruzamo'a tamagra ne megahie.

Romu 16:16

Maka Kraisi mono nagamo'za tmagri'tega musenke atrazageno vie. Fatgo huno ruotge hu'nea avu'ava hutma agi hene, agona ahene hutma maniho.

Romu 8:1

Ana hu'negu menina Krais Jisasi'ene hagerfi'naza vahera, havi vahere huozamantegosie.

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

1 Korinti 16:20

Maka Anumzamofo naga'mo'za musenkezmia atre nermantaze. Hanki tamagra nena anazanke huta mono naga'mota muse ohunte ahunte hiho.

2 Korinti 13:12

Mago magomofona avataginka azeri fru huo.

2 Korinti 5:17

E'ina hu'negu mago'mo'ma Kraisimpima manisimofona Anumzamo'a azeri kasefa vahe fore nehie. Antahi ani huo, korapa avu'avamo'a fnane nehigeno, kasefa avu'ava fore nehie.

Efesasi 6:23

Tafuhetane, tasareheta tamamentinti nehutma ovesinte avesintema nehaza naga'motma, Anumza Nerafanteti'ene, Ranti Jisas Kraisine rimpa fruzamo'a tamagrane mesie.

1 Tesalonaika 5:26

Maka tafu'hemotma mono tamavutamava hutma tamafukre tamafakre hiho.

1 Pita 1:2

Anumzana Nafatimo'a, ko antahino keno hu'nea kante, Ruotge Avamumo tamazeri agru hu'nea nagamota, Jisas Kraisi amage'ma antageno, korama'a tagitreno sese huramante'nea nagamotma, asunku'zane rimpa fruzamo'a tamagrane aviteno mesie.

3 Joni 1:14

Hianagi mensintfana tamagenakure hu'na nagesa nentahue, magopi mani'neta keaga hanunegu nehue.