1 Pita 4:14 - Kamano

¹⁴ Hanki Kraisi agi tamagripi me'nenige'za, tamazeri haviza hanazana, asomu erigahazanki muse hiho. Na'ankure hanavenentake msa'ane Avamu'ene Anumzamo'enena tamagrane mani'ne.

Anumzamofo Routage Avantafere

¹⁴ Hanki Kraisi agi tamagripi me'nenige'za, tamazeri haviza hanazana, asomu erigahazanki muse hiho. Na'ankure hanavenentake masa'ane Avamumo'ene Anumzamo'enena tamagrane mani'ne.

1 Pita 4:14 ပူးပေါင်းရင်းမြစ်များ

Matiu 5:11

Vahe'mo'ma huhaviza huneganteno, knonkeve negamino, maka hankromofo nanekea havige huno hugofi neganteno, Nagriteku huno hugantesimoka, Asomu erigahane.

Matiu 5:16

Anahu kante tavika'a atregeno, vahe'mokizmirera remsa hanige'za, knare kavu kvara nege'za, monafi mani'nea Negfana ra agi amigahaze.

Luku 6:22

Vahe'moza antahi haviza hunermante'za, tamahenati'za, kema neramasu'za, Vahe'mofo Mofavre'reku huza havi tamagima tamisazana! Anumzamo'a asomu huramantegahie.

Joni 15:21

Hianagi Nagri nagimo tmagripi me'nenigeno'a, e'ina hu'zana hurmantegahaze, na'ankure hunantege'na e'nomofona ke'za antahi'za osu'nagu ana hurmategahaze.

Joni 8:48

Jiu vahe'mo'za anage hu'za kenona'a asmi'naze, hufatgo huta negasmune, Kagra Sameria vahe mani'nankeno hankromo kagu'afi fre'nefi?

Joni 9:28

Zamagra ana kemofo nona'a knara kefinti fra vazinte'za, kagra Agri amage nentana disaipol ne' mani'nananki, tagra Mosese amage nentona vahe mani'none!

Joni 9:34

Farisi vahe'mo'za anage hu'naze, Kagrira miko kumi'zampi ksegante negenka, tagri rempi hurami'za nehano? Anage nehu'za Jiu mono nompintira (Sinagog) avazu hu'za, atufe atrageno vu'ne.

Aposol 13:45

Mika vahe eritru nehzage'za Jiu mono vahe'mo'za nezmage'za kanive reneznantegeno Poli hiankegura mago zamarimpa huoznante'za, ana vahe'mo'za ha' reznante'naze.

Aposol 18:6

Ana nehigezama ha'ma rente'za krunagema huntaza vahera anakre ku'a (saket) zafino kugusopa rupopo nehuno anage huno zamasmi'ne, tamagri kora kumimo'a tamagritami tamasenire megahie! Nagripina mago knazani'a omane'tfa hugahie. Amareti agafa huno vaniana, Jiu vahe'rompage megi'a vahete vugahue.

Aposol 28:22

Hianagi menina kagripinti kema antahinaku nehune, na'ankure mika kotegati vahe'mo'za antahu'nana ama ana kevugura (sekt) huhaviza huneramantaze.

Aposol 5:41

Hige'za aposol nagamo'za ana kanisol naga zamureti'ma zamatre'za nevu'za, Anumzamofo avure mani'neta Jisasi agire'ma eriga knaza erune, nehu'za muse hume vu'naze.

2 Korinti 12:10

E'ina hu'negu, kema nasazano, nazeri haviza hanazo, knaza fore hanio, amuho erisua knafina rama'a muse nehuna, narimpa fru hu'na hanavenia omnea knafina nemanue. Na'ankure Kraisinku hu'na hanaveni'a omanea knafina, hanavenia e'nerue.

2 Korinti 4:10

Tagra mika zupa, tavufgafina Jisasi fri'za erita vano nehunke'za, Jisasi nomani'zana, tagri tavufafi anazanke huno eama hige'za negaze.

2 Korinti 4:16

Ana hu'negu tavresra nosie. Tamage tavufgamo'a frino negasrianagi, knane knanena avamutimofona erikasefa nehie.

Galesia 1:24

Na'ankure nagrite'ma fore'ma hu'neazankura, Anumzamofo agi erisaga hu'naze.

Hibru 11:26

Agra Isipi kumamofo feno erizankura nontahino, Kraisintekuma natama erisuana knare hugahie huno agesa antahine. Na'ankure Anumzamo'ma henkama ra mizama amizanku anara hu'ne.

Jemisi 1:12

Rehe'za ne-esigeno kazigazi huno agatereno vania vahe'mo'a asomu'ma erisiana, kini fetori eriankna huno manivava asimura erigahie. Anumzamo agri avesinentaza vahe ko huhampri zamante'nea, asimu erigahie.

Jemisi 5:11

Antahi'naze, knazampima ufre'za azeri agatere'naza vahera muse hiho hunezamantone. Jopu'ma knazampima kazigzi huno agatere'nea zamofo agenke'ane, henka'ama hunte'nea zamofona antahi'naze. Ramofompina asunku'zane, vahe'ma avesinteno asuraginte'zana avite'ne.

1 Pita 2:12

Hagi maka kna tamagra megi'a vahe'mokizmi amunompima mani'netma, knare tamavutmava nehinke'za, zamagrama huhavizama huramantesu'za, knare tamavutamavaza zamagra nege'za, Anumzamo'ma refkoma hania knarera, ana tamavutamava hu'naza zankura, Agi erisaga hugahaze.

1 Pita 3:14

Hianagi tamagrama fatgo tamavutamava'ma nehanage'za, tamazeri haviza hugahazanagi tamagra asomu erigahazanki, korera osuta tamazeri kore hanaza zankura antahintahi hakare osiho

1 Pita 3:16

tamagu'tamagesafina ama' huta fatgo hutma maniho. E'inahu'ma hanutma, Kraisi'enema knare'ma hutma mni'naza zanku'ma havigema humaneramantesia vahe'mo'za zmagazegu hugahaze.

1 Pita 4:16

Hianagi iza'o mono vahe'ma mni'nenigeno, atama amisaza zankura agazegura osino. Hianagi e'i ana mono agima eri'neazankura, Anumzamofo agi erisaga hino.

2 Pita 2:2

Rama'a vahe'mo'za zmagra'a monkozamofo zmavesi'za nevaririsageno, anazanteku tamage kemofona huhaviza hunte'gahaze.