1 Pita 3:11 - Kamano

¹¹ Kefo avu'avazampintira atreno, knare avu'avaza nehuno, rimpa fruma huno mni'zanku hakeno avaririno.

Anumzamofo Routage Avantafere

¹¹ Kefo avu'avazampintira atreno, knare avu'avaza nehuno, rimpa fruma huno mani'zanku hakeno avaririno.

1 Pita 3:11 ပူးပေါင်းရင်းမြစ်များ

Proveps-Knare Nomaniza 16:17

Fatgo vahe'mofo kamo'a, ranka me'nege'za, kefo avu'avazamofona azeri agateregahaze. Iza'o kva hu'neno ana kama avaririmo'a, agra'a agu'nevazie.

Proveps-Knare Nomaniza 16:6

Tamage huta Ra Anumzamofo avesinteta mani fatgo huta manisunkeno'a, Ra Anumzamo'a kumitia eritregahie. Ra Anumzamofonku'ma kore hunteta Agri agorga manisunazamo, kefo zampintira tazeri amane hugahie.

Proveps-Knare Nomaniza 3:7

Kagraka'a antahizankura knare hu'ne hunka eri antesga osunka, Anumzamofonku koro huntenka agorga'a nemaninka, havi avu'avazana kamefi humio.

Matiu 5:45

E'inama hanuta monafi nemnia Nfatimofo mofavre manigahaze. Agra zgegu higeno, zgea knare vahete ene, havi vahetera neregeno, fatgo vahete'ene, fatgo osu vahete enena kora atregeno nerie.

Matiu 5:9

Ha'ma erifru nehazamo'za, asomu erigahaze. Na'ankure zamagrikura Anumzamofo mofavre hugahaze.

Matiu 6:13

Nehunka tatregeta rerahe'zampina uoframaneno, hianagi hankromofo azampintira tza hunka tavro. [Na'ankure Kagri mona kumamo mevava hugahie. Tamage.]

Maki 14:7

Hianagi zamunte omane veara, hakare kna tamagra ne maninenageta, ina knare'ma, knare tmavu tmavama huzmante'nakuma hanutma, amne huzamantegahaze. Hianagi Nagra hakare kna tamagra nena omanigahue.

Luku 1:79

Zamagrama hanimpi manine'za frizamofo turinapi mni'namokizmia masa nezamino, tagrira tazeri fatgo huno rimpa fru kante tavereno vugahie.

Luku 6:35

Hianagi ha' vahe tamia tamavesinezmanteta knare tamavutmava hunezmanteta nofi'ma hu'za erisazana mago'zana ete nona'a erigahune huta ontahiho. E'i'nama hanuta mizantamimo'a rama'a me'nena, tamagra Mrerisa Anumzamofo mofavrerami manigahaze. Na'ankure susu hunontaza vahe'ene, havi vahe'mokizmi'a so'e hunezmantaze.

Luku 6:9

Jisasi'a zamagriku anage hu'ne, Nagra tmantahinegoe, mni fruhu kna (Sabat) zupa knare zama hanuna zamo kasegefina knarera hunefi, havi tavutavama hanuna zamo knarera hu'ne? Vahera zamaza hugahumpi, vahera zamazeri haviza hugahune?

Joni 17:15

Nagra ama mopareti zamavre atrogura nosue, hagi havi ne'mofo azampinti zamazeri anovazisanegu nehue.

Romu 12:18

Tamagrama ana hugahanutma, miko vahe'enena tmarimpa fru huta manigahaze.

Romu 14:17

Na'ankure Anumzamofo Kumara, neza ne'zane, ti nezana omanene. Hianagi Ruotge Avamupi fatgo avu'avazane, arimpa fru'zane, musenkase hu'za me'ne.

Romu 14:19

E'ina hu'negu atrenketa musezama mono kevufima fore'ma hanea zanku nehuta, tagra'ragara ozeri hankaveti, azeri hanaveti huta tamentintifina hageta ra hanune.

Romu 5:1

E'ina hu'negu tamentinti hanuta Anumzamofo avufina fatgo vahera manigahune. Na'ankure Jisasi Kraisi Rantimoma hu'nea zamo higeta, tagra Anumzamo'enena trimpa fru huta nemanune.

Romu 7:19

Nagrama knare'zama hugahue'ma huazana nosue, hagi havi'zama osugahue huaza nehue.

Romu 7:21

E'ina hu'negu nagrama kasegema koana, fatgo zama hunakure huazana kumimo tvaonire me'neankina ana zana nosue.

Romu 8:6

Hu'negu ko'ma kumima nehuna tavutava zanku'ma antahizamo'a fri kante tavreno nevie. Hianagi atrenkeno Avamumo antahintahitamia kva huramantena asimu erino rimpa frune manizampina viho.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Galesia 6:10

E'ina hu'negu tagrama vahe'ma zmaza huga kankamuma fore'ma hanigetma, maka vahera knare tavutva hunezamita, Ramofonte'ma zamentintima nehaza nagara zamazahutfaza hugahaze.

Kolosi 3:15

Kraisi rimpa fruzana atrenkeno tamagu'afina kegva hurmanteno, na'ankure tamarimpa fru huta manisazegu kehigetma mago avufga mani'nazanki, miko zupa Anumzamofona susu hunteho.

1 Timoti 6:18

Zamagrira huzamasmige'za knare'za nehu'za, knare eri'zamo feno zamigna hanige'za, upama hu'nesaza vahe zamaza hu'zanku nentahi'za, feno zamia retro hiho,

Hibru 12:14

Miko vahe'enena hanavetinka karimpa fru hunka nemaninka, mani ruotage nehunka, agru hunka manio. Na'ankure mni ruotage osunesimo'a Ramofona onkegahie.

Hibru 13:16

Hagi knare tamavu'tamavama nehuta, atupama hanaza vahe'ma zamaza huzankura tamagera okaniho. Na'ankure e'inahukna avu'avapima tagra'ama amivgareta amizankura, Anumzamo'a muse nehie.

Jemisi 4:17

E'ina hu'negu, iza'o fatgozama hu'zama antahineno, anazama osanimo'a kumi hugahie.

1 Pita 3:12

Na'ankure fatgo vahe'mokizmia Anumzamo'a avua anteno kegva hunezmanteno, nunamuzmia antahi nezamie. Hianagi havi zamavu'zmavama nehaza vahe'mokizmia, Anumzamo'a zmefi huzamino ha'renezmante. (Sam-Zga 34:12-16)

3 Joni 1:11

Ronenimote havi zamu'zma'ma nehazamokizmi zamavu'zmavara e'oriho. Hianagi knare'ma hu'nenia tamutma hiho. Mago'mo'ma knare avu'ava'ma himo'a Anumzamofo vahe mani'ne, hagi mago'mo'ma havi avu'ava'ma nehimo'a, Anumzamofona onke'ne.