1 Pita 2:18 - Kamano

¹⁸ Eri'za vahe'motma, kegvama huramante'nesaza vahe'mokizmia kore huzmantetma zamagorga nemanitma, fru hu'za knarema huramante'naza kva vahe'mokizmi zamagorgagera omanita, havizama huramantesaza kva vahe'mokiminena zmagorga maniho.

Anumzamofo Routage Avantafere

¹⁸ Eri'za vahe'motma, kegavama huramante'nesaza vahe'mokizmia kore huzmantetma zamagorga nemanitma, fru hu'za knare'ma huramante'naza kva vahe'mokizmi zamagorgagera nemanita, havizama huramantesaza kva vahe'mokizminena zamagorga maniho.

1 Pita 2:18 ပူးပေါင်းရင်းမြစ်များ

Proveps-Knare Nomaniza 10:32

Fatgo vahe'mofo zamagi'pintira vahe'mokizmi zamazahu naneke atineramie. Hianagi kefo vahe'mokizmi zamagi'pintira, akrehe krehe kemo atineramie.

Proveps-Knare Nomaniza 11:20

Hagi akrehe akrehe avu'avazama agu'afima me'nea vahe'mofona, Ra Anumzamo'a agotenezmante. Hianagi fatgoma hu'za nemaniza vaheku, Ra Anumzamo'a muse hunezmante

Proveps-Knare Nomaniza 3:32

Na'ankure Ra Anumzamo'a akrehe krehe zmavu'zmava'ene vahekura avesra huno agote'nezmanteno, fatgo zmavu'zmavama nehaza vaheku avesi'nezmante.

Proveps-Knare Nomaniza 8:13

Ra Anumzamofonku koroma huntezana kefo avu'avama huzankura kagotegahie. Agra'a agima erisga nehuno, avufga ra nehuno, havi avu'ava nehuno, akrahe akrehe ageru'ma aru'zana navesra hunentoe.

2 Korinti 10:1

Nagrani'a Poli'na, Kraisi anterami avu'avazampinti'ene fru avu'avazanteti tamantahinegoe. Nagra tamagranema mani'nena fru avu'ava huramante'noanagi, afete'ma mani'nena hanave naneke huneramantoe.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Taitus 3:2

Zamagra mago mofonkura amefiga'a kea huonte'za, agazone zampi nemni'za, zamarimpa fru hu'za mani'ne'za, maka vahera agazone huzmanteho,

Jemisi 3:17

Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.