1 Korinti 9:19 - Kamano

¹⁹ Na'ankure mago vahetera kina vahekna osu'noe, nagra hakare vahe'mofo kazokzo eri'za vahe mani'ne'na, rama'a vahera zmavregahue.

Anumzamofo Routage Avantafere

¹⁹ Na'ankure mago vahetera kina vahekna osu'noe, nagra hakare vahe'mofo kazokzo eri'za vahe mani'ne'na, rama'a vahera zamavregahue.

1 Korinti 9:19 ပူးပေါင်းရင်းမြစ်များ

Proveps-Knare Nomaniza 11:30

Fatgo vahe'mofo avu'avamo'a, asimu eri zafagna hu'ne. Hagi iza'o vahe'ma agu'mavazimo'a ama' antahi'zane vahe mani'ne.

Matiu 18:15

Mono negafu'ma kumi'ma hugantesigenka, vutna tanagragu umani'neta ana havizama hu'nesia zana ome azeri fatgo hunto. Agrama keka'ama antahisiana, negfuna avare kamatane.

Romu 1:14

Eri'za eri'na, Griki vahe'ene, ko knafi vahekna vahe'ene antahintahiza me'nea vahe'ene, antahintahiza omne vahe'mokizmine, zmaza hanugu Nagrira hunantene.

Romu 11:14

Mago'a kankamumpinti megi'a vahe'mota tamagripi eri'zani'a enerisugeno, Jiu vahe'nimo'za kniveneresageno, zmahoke ahesiegu nehue.

Romu 15:2

Mago'magomota tava'ontirema nemanisamokizmi knare'zanku huta zmaza nehanunke'za, zmentintifina hanaveti'za hage'za marerisaze.

1 Korinti 10:29

Kagrika'a antahintahizankura nosuanagi, rumofo antahintahizanku nehue. Inankna hu'za nagra navesite'ma huazana refko antahintahifina nehaze?

1 Korinti 10:33

Nagranena anahukna hu'na maka'zama huazampina, maka vahe'mo'zama muse hanazaza nehu'na, nagra knare'zankura nosuanagi, hakare vahe'mokizmi knare'zanku nehanugeno, rama'amokizmia Anumzamo zamagu'vazigahie.

1 Korinti 7:16

Hu'negu inankna hunka a'moka, ve'kamofo avu'ava'zana antahigahane? Hifi inankna hunka vemoka, akamofo avu'ava'zana antahigahane?

1 Korinti 9:1

Nagra kina vahe omani'nofi? Nagra Jisasi aposol eri'za vahera omni'nofi? Jisasina Rantimofona onke'nofi? Tamagra Ramofonte eri'za eri'noa rga'a omni'nazafi?

2 Korinti 12:14

Hanki antahiho, ko tare zupa ome tamage'noe, meni mago'ene ome tamageku nehuankina tamagrira kna ontamigahue. Na'ankure mofavremo'za nerera nefazana kva hunonteanki, Nererake nefake mofavre'amo eriniazana antenteno nevuno kegva hunente. Ana hunegu tamagripintira mago'zana e'origahuanki, tamagri tamagu tamemo so'e hanigu navenesigena nehue.

2 Korinti 4:15

Tamagri knarezanku, ama ana miko zana nehunankino, Anumzamofo asunkuzamo ra huno rama'a vahete vuno eno hania'zamo'a, Anumzamofo ra agi amino musema hunte'zamo avitegahie.

2 Korinti 4:5

Na'ankure tagra'a nanekea huama nosunanki, Jisas Kraisi'a Ra mani'negeta, tagra Jisas Kraisinku huta tamagri kazokzo eriza vahe mani'none.

Galesia 5:1

Kraisi'a kinafinti katufe tamente'neanki kina vahekna huta omnita, oti hanavetita nemnita, ete mago'ane kasegemofo kinafina omaniho.

Galesia 5:13

Tamagra nenafugata Anumzamo'ma tamagima hu'neana kinafintira katufeta manisazegegu kea hu'ne. Ru tamagra antahita hago kinafintira katufeta mni'none nehuta, korapa tamarimpamofo avu'ava hanagi, anara osugahaze. Tamagra ovesinte avesinte hu avu'ava zampinti oza aza hiho.

1 Timoti 4:16

Kagrama kavukvama nehanazana kegvanegrinka, rempima vahema hunezmina kenena kegva nehunka, maka zupa anazanke hunka nevanankeno'a, Anumzamo kagrira kagunevazino, keka'a antahinamokizmia zmagu'vazigahie.

2 Timoti 2:10

Na'ankure ana agafare maka vahe'mo'za knare hanazegu kna zampina mase'na oti'na nehue. Ana hanuge'za hamprima zamante'nea nagamo'za Krais Jisasi'a zamaresige'za manivava konariri msa'a (glori) erigahaze.

1 Pita 3:1

Anahukna kante, a'nemotma neramave agorga nemaninke'za, mago'a Anumzamofo kema amagema nontesaza neramave'za nege'za, mago kea osugahazanagi, knare tamavutamavaza nege'za zamagu'a rukrahe hugahaze.