1 Korinti 7:34 - Kamano

³⁴ Ana hu'negenokino ana ne'mofona avesi'zamo'a fako nehie. Arave osu a'mo'o, mofamo'enena Ramofo zanku antahintahi neha'e. Avufgare ene avamupina ruotage hugahie. Hu'neanagi arave hu'nenia a'mo'a, ama mopafi zanku antahintahi nehuno, nevena inankna hu'na azeri muse hugahue nehie.

Anumzamofo Routage Avantafere

³⁴ Ana hu'negenokino ana ne'mofona avesi'zamo'a fako nehie. Arave osu a'mo'o, mofamo'enena Ramofo zanku antahintahi neha'e. Avufgare ene avamupina ruotage huno mani'zankuke nehie. Hu'neanagi arave hu'nenia a'mo'a, ama mopafi zanku antahintahi nehuno, nevena inankna hu'na azeri muse hugahue nehie.

1 Korinti 7:34 ပူးပေါင်းရင်းမြစ်များ

Joni 10:13

Na'ankure agrira zgo erizante avrente'nazankino sipisipigura agesa ontahino, agra zamatreno fregahie.

Romu 6:13

Atrenkeno mago tmavufgamo kumimofo eri'zana e'norina, Anumzamofo tamavufga ami vgareho. Na'ankure tamagra ko fri'nazane, hu'neanagi menina kasefa maniza erita mani'naze. Hagi ana miko tamavufgamo'a knare'zama eriforehu erizaza me'nenkeno, Anumzamofona ragi amino.

1 Korinti 6:20

Na'ankure tmagrira Anumzamo'a ko tusi'a mizanteti miza sermante'ne. E'ina hu'negu tamavufgareti Anumzamofo Agi'a erisaga hugahaze.

1 Korinti 7:33

Hu'neanagi arave hu'nesia ne'mo'a, ama mopafi zanku antahintahi'amo'a nehinkeno, nenaro azeri muse huzanku antahigahie.

1 Korinti 7:35

E'i ama ke'ma nehuana, tamagri'ma tamazeri hanavetinigu nehu'na, i'o hunoramante'na tamazeri amuho nosue. Hu'neanagi mopafizamo tamazeri fako hinketa, havizampina uofreta Ramofonte hanavetita manihogu neramasamue.

2 Korinti 11:28

E'i ana knazama eri'nofinena, mago mago knafina mono kevugura, inankna hu'za nemanize hu'na tusi antahiantahi nehuazamo'a kna nami'ne.

2 Korinti 8:16

Tamagriku kazigazi hu'na antahi neramuankna antahintahi, Taitus ami'nea Anumzamofo muse hunentoe.

Filipai 1:20

Nagra mani'ne'na antahuampi, namema eritena antahuana, mago'zama nagazema erinami'zana osutfa hugahue. Hagi mika zupa nagra Kraisinte hanaveti'na manigahue, korapa'ma mani'noaza hu'na manisnuo, frisnua zamo'a, Kraisi ragi amigahie.

1 Tesalonaika 5:23

Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegva huramantena, Ranti Jisasi Kraisi'ma esianknarera kema hurantezana omanetfa hugahie.

1 Timoti 3:5

Hu'neanagi naga'a kvagri so'e nosnimo'a, ina kna huno Anumzamofo mono' nona kegva hugahie?

1 Timoti 5:5

Ana hianagi agraku nemnisia kento a'mo, Anumzante amentinti nehuno hanine zgene nunamuna huno Anumzana antahigegahie.

Taitus 3:8

Ama'na nanekea antahi ankerenka, antahi ani' hanana naneke nehue. Hagi amama ksami'nua nanekea kagra hanavetinka vahera zamasmige'za, Anumzamofonte zamagu'a nentesamo'za kva hu'ne'za knare zanke'za hugahaze. Ama zamo'a knare'za fore nehuno, vahera zamaza hugahie.