1 Korinti 4:5 - Kamano

⁵ E'ina hu'negu refko osuta atreta avega ante'nenkeno, huhamprinte'nea knama Ramo'ma esuno'a, Agra hanimpi oku'a frakino vahe'mofo tumopi me'neasizana, emeri ama nehuno, vahe'mofo agu'afi me'nesiazana eriama hugahie. E'i anankna magoke magoke'mofona, Anumzamo huzmasga huzmantegahie.

Anumzamofo Routage Avantafere

⁵ E'ina hu'negu refko osuta atreta avega ante'nenkeno, huhamprinte'nea knare'ma Ramo'ma esuno'a, Agra hanimpima oku'a frakino vahe'mofo tumopima me'nesiazana, emeri ama nehuno, vahe'mofo agu'afi me'nesiazana eriama hugahie. E'i anankna, magoke magoke'mofona, Anumzamo'a huzmasga huzmantegahie.

1 Korinti 4:5 ပူးပေါင်းရင်းမြစ်များ

Proveps-Knare Nomaniza 12:8

Antahizama'amo knare'ma hu'nesia nera, vahe'mo'za husga huntegahaze. Hianagi antahiza zmimo'ma fatgoma osu vahera, vahe'mo'za zamavesra huntegahaze.

Matiu 10:26

Zamagrikura korera osiho, hakare fraki'neazana efore hugahie, hakare'zama oku'a me'neazamo'a efore hugahie.

Matiu 24:30

Ana hanigeno Vahe'mofo Mofavremofo avame'zana monare fore hanige'za, mika kazigati nagate nofite vahe'mo'za zmasunku nehu'za negesageno, Vahe'mofo Mofavre'a tusi'a hanave' ane masazama'afi mona hamponte eramigahie.

Matiu 24:46

Kazokzo eriza ne'mo kegva huno mni'nesigeno, kva'amo eno emegesimo'a muse hino.

Matiu 25:21

kva'amo'a kenona hunteno, knare'zantfa hane, kagra knare hunka fatgo eri'za nere. Osi'a zantera knare hunka kegva hanku, nagra kavare antesnugenka rama'a zante kegva krigahane. Hagi enka Nagrane muse eme huo hu'ne.

Matiu 25:23

kva'amo ke nona huno, knare'zantfa hane, kagra knare hunka fatgo eriza nere, osi'a zantera knare hunka kegva hanku, nagra kavere antesnugenka rama'a zante ke kva krigahane. Hagi enka Nagranena musena eme huo hu'ne.

Luku 6:37

Rumokizmi maniza refako'ma huozmantesankeno'a, kagri mni'zanena Anumzamo'a refako huogantegahie. Vahe'mofo kumi'zmi atrezmantesnage'za Anumzamo'a tamagri'enena kumitamia atreramantegahie. Haviza huramantesia vahe'mokizmi kumizmi atrezmante'nage'za tamagri'enena atreramantegahaze.

Joni 21:22

Jisasi ke nona'a agri asmino, Nagrama, Agriku mani'nesige'na ete'na esuema hanua knarera, kagri'zana omne'neanki, na'ane hugahane? Kagra namage anto!

Joni 21:23

Higeno anama hu'nea kemo'a Jisasinte zamentinti nehaza nagate vuno eno higeno, ama'na disaipol nera ofrigahie hu'naze. Hianagi Jisasi'a, agrikura ofrigahie huno osu'ne, hianagi frisio manisio Nagrama mani'nesigena e'tena esue hanuazamo'a kagri'zana omne'neanki, na'ane hugahane? huno hu'ne.

Joni 5:44

Tamagra inankna huta tamentintia hugahaze, tamagri'ma ru vahe'mo'za tmagima erisaga nehazana, magoke Anumzamo tmagri'ma muse hurmante'sia zankura ohakre'gahazo?

Romu 14:4

Kagra izaga rumofo eri'za vahera refko hunezmantane? Agri'a kva'amo refko hunteno, kagra eriza ka'are otigahananki, kagra evuramigahananki huno huntegahie. Hu'negu Ramoke azeri otisigeno, otino manigahie.

Romu 2:1

E'ina hu'negu tamagra antahisazana rumo'za haviza hu'naze hutma refko huzmante gahazanagi, tamagranena anahukna hutma havi vahe mani'nazankitma mago'a kea osugahaze. Tamagrama rumokizmigu havi vahe maninazankiza zamata erigahaze hutama huzmantesazana, tamagranena anahukna hu'nazankino, tamagri'enena anazanke hurmantegahie. Na'ankure rumofoma refko nehamoka, kagranena ana hukna hu'nane.

Romu 2:16

Hagi mago kna ne-enkino Anumzamo'a Jisas Kraisimpi ana miko vahe'mofo oku'a antahintahizmia refko hugahie. Ama knare musenkemo hu'nea kante neramasamue.

Romu 2:29

Tamage Jiu vahema mni'nakuma hanuza, kasegemofo amage antegahaze. Tamage oku avufgama tga huzana agu'afi tumo'amofo Anumzamofo Avamumo erifore hugahianki, amega avufgare erifore osugahie. E'inama nehaza vahe'mo'za vahe'mofo tegatirompage, Anumzamofontegati ra zmagima erisaza zanku nehakaze.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

1 Korinti 1:7

E'izanku maka Avamupi neramia musezampina atupa nosuta, Rantimo Jisas Kraisi'ma eama hanigu, tamagu'areti aveganentaze.

1 Korinti 11:16

Hu'neanagi mago'mo'ma ke hafra amana kegu'ma haniana, nagrama hanuana, tagra ru tavutva ovaririgahune. Maka Anumzamofo veamo'za anahukna antahi'za erigahaze.

1 Korinti 11:26

Na'ankure ama bretine, ama kapufinti'ene nesaza zupa, anazamo'a Ramofo friza huama nehanigeno, ete Ramo'a egahie. (Mat 26:26-28, Mak 14:22-24, Luk 22:17-19)

1 Korinti 15:23

Hu'neanagi mago magomofona fripinti'ma azeri oti'siana kankamuma'a metere hu'ne. Esera Kraisi oti'neankino anantera, Agrama ete esnia knafina, Kraisi naga'moza otigahaze.

1 Korinti 3:13

magoke magokemofona eri'zama'amo'a eama hugahie. Refkoma hania knarera tevereti kreno eri'zama'amofona nena'a eriama hugahie. Na'ankure magoke magokemo e'neria eri'zamofo hanave'a, tevenu kreno eriama huno kegahie.

1 Korinti 3:14

Hagi iza ana tra'mofo agofetu eri'za eri'nesia eri'zamo tevema oresigeno'a, mizama'a erigahie.

1 Korinti 3:8

Avimzama ase'nemo'ene tima ami'nemo enena magoke eri'zanke e'neriankino, eri'zama eri'na'a avamente ante'ne miza zani'a erigaha'e.

2 Korinti 10:18

Na'ankure agra'agu knare hu'noe huno nehimo'ompage, Anumzamo'ma hu izo hu'nesimoke agra'agura musena hugahie.

2 Korinti 10:9

Hanki tmazeri koro hunaku ama avontamina krenoramue.

2 Korinti 4:2

Hianagi tagra agazegu huno oku'a huga avu'avara nosune, vahe'mokizmi rezmatga huta zmazeri havizahu avu'avazana nosuta, Anumzamofo kegaga eriruvahe huta vahe'mokizmia rezmatga nosune. Hianagi Anumzamofo avure ene vahe'mokizmi antahizampina, tagripina tamage'zamo eama hanigeza kegahaze.

2 Korinti 5:10

Na'ankure tagra ana miko'mota Kraisi avuga keaga refkohu trate otisunkeno, magoke magokemota ama tavufgare mani'neta, knare'zano havizano hu'nesuna avamente anteno, mizana tamitere hugahie.

1 Tesalonaika 5:2

Na'ankure tamagratmi antahi'naze, Ramo'ma esianknamo'a, kumazafa vahe kenage eankna huno egahie.

Hibru 4:13

Mago'zamo'e huno Anumzamofo avurera, Agrama tro'ma hunte'nea zantamimo'a fraokigosie. Hianagi refkoma hanimofo avurera, ana maka'zamo'a amateke'za nehanigeta, tagranena tamage kege asamigahune.

Jemisi 4:11

Nafuhetma, huhaviza ohunte ahunte osiho. Iza'o nefuma huhaviza huntege refakoma huntesimo'a, agra kasegemofo huhaviza nehuno, refako nehie. Kasegema refako'ma hananana, kasegea amage nontananki, kasege refako hu vahe nemanine.

Jemisi 5:7

Nafuhetma, tamarimpa antefru hutma mani'netma, Ramo'ma esigura avega anteho. Hoza vahe'mokizmi zamageho, zamarimpa antefru hu'za mani'ne'za, hozazamifima e'se ko runtege, vgare ko runtenige'za hozazmifinti knare nezama hamarenaku avegama nentazankna hiho.

Jemisi 5:9

Nafuhetane nasarahetanena, keaga refkohu trate otisageno refako huramantegahianki amu'nontamifina ha' orente arente osiho. Refako hu nera kafante otine!

1 Pita 1:7

ana knazamo'a tamentintimofona azeri ama huno, kolima tevefi kre agru huno azeri henteofaza hiankna nehiankino, tamentintimo'a koli'a agaterene. E'ina hu'negu ruzahu ruzahu knazama e'nerisageno, tamentintimo'ma hanavematino mesiana, Jisasi'ma eama hania knazupa, husga huramanteno, ra tamagia tamigahie.

1 Pita 5:4

Hagi Kraisi'ma ugota Sipisipi kva ne'ma efore'ma hania zupa, hanave'amo'a vgaore kini fetori eme tamigahie.

2 Pita 3:12

Ananknama esie hanutma eriza enerinkeno, ame huno eno. Anankna zupa tevemo mona te fanane nehanigeno, makazana te mramra huno, te mekitrere hugahie.

2 Pita 3:4

anage hugahaze, egahue huno Rantimimo'ma huvempama hu'neana, omeanki inazupa egahie? hu'za hugahaze. Korapa'ma mni'naza kva vahe'mo'za frizageno, ese agafa huno maka'zama troma hu'neazamo'a, zahera osuno anankante me'neaza huno me'ne.

Juti 1:14

Hagi Inoku'a, Adamunteti maniza e'naza vahepintira 7nire ehanati'nea naga nofipinti ne'mo ama ana vahekura kasanampa kea hunteno anage hu'ne, Ramo'a hampriga osu'nea ruotge hu'namo'zane ne-eanki keho.

Revalesen-Hufo Hu'ne 1:7

Keho, Agra hampompi ne-eankino, (Dan 7:13) maka vahe'mo'za negesageno, keka zafare'ma krugruma renaza vahe'mo'zanena negesageno, maka ama mopafi vahe'mo'za zavi krafa hugahaze. Hanki e'ina hu'zana fore hugahie. Tamage.

Revalesen-Hufo Hu'ne 20:12

Anantera fri'naza vahe zmagogeno, zmagi me'nea vahe'ene, zmagi omne'nea vahe'mo'za, keaga refkohu trate otinageno, avontafe tamina eri vakarentene, magora asimu eri avontafeki, fri'naza vahe'mo'za zamagrama hu'naza zmavuzmavama krente'nea avontafe tamimpinti refko hunezmantegena ke'noe.