1 Korinti 3:5 - Kamano

⁵ Apolosi'a inanknahu nere? Poli'na iza'ne? Tagra eri'za vahetfa mani'no'e. Ramo hurantegeta tagra eri'zana e'neru'e. Anumzamo tagripi huvazino tamaza higeta tamentinti'a hu'naza eri'za ne' tre'ne.

Anumzamofo Routage Avantafere

⁵ Apolosi'a inanknahu nere? Poli'na iza'ne? Tagra eri'za vahetfa mani'no'e. Ramo hurantegeta tagra eri'zana e'neru'e. Anumzamo'a tagripi huvazino tamaza higeta tamentintia hu'naza eri'za ne' trene.

1 Korinti 3:5 ပူးပေါင်းရင်းမြစ်များ

Matiu 25:15

Mago'mofona 5tauseni'a zago amino, mago'mofona 2 tauseni'a zgo amino, magomofona 1tauseni zgo ami'ne. Hanave zamimofo avamente refako huzamiteno, atreno afete kana vu'ne.

Luku 1:2

Ese agafare'ma Ramofo eri'za e'neri'za zamavunuma ke'naza vahe'mo'za, anama ke'nazaza krente'naza hunerasamizageta, ama ana naneke krente'none.

Joni 3:27

Joni'a anage hu'ne, mago vahe'mo'a, mago zana e'origahie, ana hugahianagi monafinkati mago'zama amisigeno'a amne erigahie.

Aposol 18:24

Mago Jiu nera, agi'a Apolosi'e, Aleksandria kumate kasente'naza nera, knare keaga nehuno avontafera antahi ankere'nea ne'mo Efesasi e'ne.

Aposol 19:1

Apolosi'ma Korintima mani'negeno, Poli'a agu'afinka kuma tamimpi ufreno vuno Efesasi kumate uhnatino, mago'a disaipol naga anantega ome zamageno erifore nehuno,

Romu 15:16

Kraisi Jisasi eri'za erina megi'a vahetega prisi vahe' kna hu'na, Anumzamofo knare musenke huama nehue. Ana hanige'za megi'a vahe'mokizmia Ruotge Avamumo zmazeri ruotage hu'nige'za, Anumzamo muse huno eneria kre sramnagna hugahaze.

1 Korinti 12:28

Hagi, mono eri'za erisagu Anumzamo huhamprizmante'nea vahera, esera aposol nagare, anantera kasanampa vahere, anantera rempi huzami vahere. Ana huteno Anumzamo'a kaguvazama hu vahe zmazeri otino, mago'amokizmia vahe'ma krifintima zmazeri kanamre muse'za nezamino, mago'amokizmia vahe'ma zamaza hu muse'za nezamino, mago'amokizmia kva eri'za eri muse'za nezamino, mago'amokizmia ruzahu ruzahu ageru ru muse'za zami'ne.

1 Korinti 16:12

Hu'neanagi Apolosi, nerafu kazigagu hu'za hue. Tmagritegama nerafuzanema esia kazigatira, nagra razampi azeri hanaveti kea nesamue. Hagi menima esiana agri'a avesi omne'neanagi, kankamuma me'nenkeno'a egahie.

1 Korinti 3:10

Anumzamo'a asunku zama'areti nami'nea avamente, nogi antahi'zane vahekna hu'na nomagi trara eri agafa hunte'noge'za, mago'a vahe'mo'za anante negize. Hianagi magoke magokemo'a, nankna huno kinaku hanuno'a, kva hu'neno ana agofetura nona kino.

1 Korinti 3:22

Poli'na fi, Apolosi pi, Sefasi pi (Pita), ama mopafi kasefa huno mni'zampi, fri zampi, meni knafi, henkama esiankna maka tamagri'za me'ne.

1 Korinti 3:7

Anahigu avimza kri'nemo' o tima ami'nemo enena razana omne'neanki, Anumzamo maka zana azerinena nehie.

1 Korinti 9:17

Nagra navesite knare musenkemofonte miza e'ori eri'za erisu'na, mizama'a me'neanki'na erigahue. Hianagi navesite'ma e'norinuna, Anumzamo antahinamino, kegva huo hunante'nea eri'zanki'na e'nerue.

2 Korinti 11:23

Zamagra Kraisi eriza vahepi? Ama nanekema hanuana neginagi vahe'mo'za nehazankna nehue. Nagra zamagterena tusiza hu'na Anumzamofo eri'za e'nerina, zamagterena kina nompina rama'a zupa manina, rama'a zupa kanonutira nahetere hazage'na frikante vu'noe.

2 Korinti 3:3

Kraisintegati kretregeno e'nea avontafe kna huta eama nehazageta, tagra kegva nehune. Ana avona avo zotaretira onkre'neanki, kasefa huno mani'nea Anumzamofo Avamuteti krente'ne. Hagi ana avona havere kreonte'neanki, vahe'mofo tumopi krentene.

2 Korinti 3:6

Agra anazanke huno tagrira huranteno hankave tamigeta kasefa hagerafi kea hu'nea zamofo kegva hu'neta erizana e'nerune. Avompima krentenea zankura nosunanki, avamupi zanku nehune. Na'ankure Avompima krente zamo'a zamahe nefrie. Hianagi avamumo'a, zmasimu nezamie.

2 Korinti 4:1

E'ina hu'negu Anumzamo'ma asuragi rante'neazamo higeta, tagra ama erizana e'nerune, e'igu tagrira tavesra nosie.

2 Korinti 4:5

Na'ankure tagra'a nanekea huama nosunanki, Jisas Kraisi'a Ra mani'negeta, tagra Jisas Kraisinku huta tamagri kazokzo eriza vahe mani'none.

2 Korinti 4:7

Hianagi tagra mopa kavogna hunonkeno zgo'amo mareri'nea fenomo agu'afinka me'neakna hu'none. Tamage hankevea tagritegatira nomeanki, Anumzamofontegati ne-e.

2 Korinti 5:18

Ama ana kasefa huno mani avu'avara Anumzamofontegati e'ne. Kraisimpi tagrira tazeri mago nehuno, erimago huno mani erizana tagri tamine.

2 Korinti 6:1

Tagra eri'zama e'nerunana magoka Anumzamo'ene e'neruna nagamota hankavetita neramasmune, Anumzamofo asunku'zana eriteta, atrenkeno amnezanknara osino.

2 Korinti 6:4

Hakare'azama humpina Anumzamofo eriza vahe mni'none huta eriama nehune. Hakare'a knazampima ufronana kazigazi huta nevuta, maka tatafima nevuta, knazampina unefronke'za,

Efesasi 3:7

Ama Knare Musenkemofo (Gutnius) eri'za vahe nagra mani'noe, Anumzamo asunku hunanteno muse'za hanavea nami'nea hanave'afi eri'zana e'nerue.

Kolosi 1:23

Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Kolosi 1:25

Nagrama vahetema kegvahu eri'za vahe'ama mani'noana, tamagrama tamaza huzama erisagu hunantege'na, ana miko Anumzamofo nanekea huama nehue.

1 Timoti 1:12

Krais Jisasi tagri Ramo, hihamu nami'negu muse hunentoe, na'ankure Agra nagri antahi namiteno, erizani'a erigahane huno huhampri nante'ne.

1 Pita 4:10

Magoke magokemotma Anumzamo'a so'e musezama'a taminegu, ana musezanteti rumokizmia so'e tamavutamavaza hunezmantenkeno Anumzamofo so'e avu'avazamo'a, tamagripina aviteno vino.