1 Korinti 3:16 - Kamano

¹⁶ Tamagra Anumzamofo mono no mani'nageno, Anumzamofo Avamu'mo'ma tamagu'afima mani'neana ontahi'nazo?

Anumzamofo Routage Avantafere

¹⁶ Tamagra Anumzamofo mono no mani'nageno, Anumzamofo Avamu'mo'ma tamagu'afima mani'neana ontahi'nazo?

1 Korinti 3:16 ပူးပေါင်းရင်းမြစ်များ

Joni 14:17

E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

Romu 6:16

Tamagra amage antegahune hanaza zamofo kazokzo eri'za vahe'ma mni'nazana ontahi'nazo? Tamagra amne kumimofo kazokzo eri'za vahera manigahazanagi, ana zamo fri kante tamavreno vugahie. Anumzamofo amage antesutma fatgo nomaniza erigahaze.

Romu 6:3

Hifi Jisas Kraisi enema mikamota hagerefita mono ti freankna huta friteta, oti'nazana tamagra ontahinazo?

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

Romu 8:9

Hu'neanagi kagrira kumi kavukavazamo'a kava hunogante. Hagi Anumzamofo Avamumo kva hunegante. Tamage huno Anumzamofo Avamu'mo tamagu'afima mani'nenketa, Avamumofo kvafi manigahaze. Antahiho, Kraisi Avamumo zamagu'afima omani'nenimo'za, Kraisi vahera omani'naze.

1 Korinti 3:17

Iza'o Anumzamofo noma erihaviza hanigeno'a, Anumzamo'a anamofona azeri haviza hugahie. Na'ankure Anumzamofo nomo'a ruotge hu'negenka, kagra ana no mani'nane.

1 Korinti 3:9

Na'ankure tagra Anumzamofo eri'za vahe manuketa, tamagra Anumzamofo hozane, nonkna hutma mani'naze.

1 Korinti 5:6

Tamagra tamagi erisaga nehzageno knarera nosie. Sikonima herazafima, osi'a zistima antageno ana mika'zama azeri zonereana tamagra ontahi'nazafi?

1 Korinti 6:16

Huge, iza'o savri a'ene monkozama himo'a, ana a'ene mago zanavufga eri'nesa'ana ontahi'nazafi? Na'ankure avontafepina amanahu ke hu'ne, Taremokea erimago znavufa segaha'e hu'ne. (Jen-Agf 2:24)

1 Korinti 6:19

Tmavufamo'a Ruotage Avamumofo mono no me'negeno, Ruotge Avamuma Anumzamo'ma tmagri'ma tmi'nea avamumo'ma anampinkama mni'neana tamagra ontahi'nazo? E'ina hu'negu tamagra 'a su'ana omni'naze.

1 Korinti 6:9

Anumzamofo Kumara fatgo osu veamo'za erisanti ohregahaze hu'nea kea tamagra ontahi'nazafi? Atrenkeno tmagri'a antahintahimo'a tmazeri havia osino! Monko avu'ava'zamo azeri haviama nehia vahe'ma, amema'a omne zante monoma hunentea vahe'ma, ru vemofo a'nene, aravema hu'nea vemo'o, a'mo'ma atreno ru vene savri nehiane, vene'nemo vene'nene monko'za nehia vahe'mo'zane,

1 Korinti 9:13

Ra mono nompima eri'zama e'neriza vahe'mo'za, kre sramna vunaku ra mono nompi eri'za neaza ne'zampinti, ne'za zmia e'nerize. Higeno kre sramnavu itare eri'za e'neriza vahe'mo'za, ne'za zmia kre sramna vu itareti e'nerizanki tamagra ontahi'nazo?

1 Korinti 9:24

Zmagare zokago vahe'mo'za zmagama razafina, hakare vahe'mo'za zmaga nerazanangi, magoke'mo zamagatereno mizana e'nerianki ontahi'nazo? E'ina hukna kante tamaganeretma mizana erigahaze.

2 Korinti 6:16

Hagi inankna huno Anumzamofo mono none, havi anumzamofo mono nomo'a erimago znarimpa hugaha'e? Na'ankure tagra asimu erino maninea Anumzamofo mono noma'a mani'none. Anumzamo'a anage hu'ne, Nagra zamagu'afi mani'nena, zamagri'ene kana vano hugahue. Nagra zamagri Anumza mani'nugeno, zamagra nagri vahe manigahaze hu'ne. (Lev-Pri 26:12)

1 Timoti 3:15

Hianagi mago'a zamo'ma nazerinke'na omesugenka, nagrama avoma kre troana kagra kenka antahinka hu'nane, vahe'mo'za inankna hu'za Anumzamofo nagara zamagra kegva hugahaze, kasefa huno mni'nea Anumzamofo mono nonte'ma, atru re'nea anumza zafa, tamage kemofo agafa'e.

2 Timoti 1:14

Ruotge Avamu'ma tagu'afi maninemo kza nehanigenka, antahi kamino kami'nea kmentinti'a kegva huo.

Hibru 3:6

Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Jemisi 4:4

Tamagra monko a'nemo hiankna hutma, ru anumzante mono hunentaza vahe'motma, ama mopafi avu'avazamofonte'ma tragoneteta ana avu'avama hanazana, Anumzamofona ha'rentegahazanki tamagra ontahi'nazo? E'ina hu'negu iza'o ama mopafi zante tragotesimo'a, Anumzamofo ha' vahe fore nehie.

1 Pita 2:5

Tamagranena asimu eri havegna hu'nazageno, avamupi mono nona kiaza nehigetma, avamupi ruotge prisi vahe'mofo nonkna nehutma, Anumzamo avesi'nea ofa Jisasimpi avamupina hunentaze.

1 Joni 4:12

Mago vahe'mo'e huno Anumzamofona onke'ne, tagrama rumokizmigu ovesinte avesintema hanunkeno'a, Anumzamo'a tagrane manina, Agri avesizamo'a fatgo huno tagrane megahie.