1 Korinti 16:19 - Kamano

¹⁹ Esia kaziga mani'naza mono naga'mo'za muse ke atrermantaze. Akuira ene Prisila ene noznifima nemniza mono nagamo'zanena anahukna hu'za zmagu'areti musenkea atrenermantaze.

Anumzamofo Routage Avantafere

¹⁹ Esia kaziga mani'naza mono naga'mo'za musenke atreramantaze. Akuira'ene Prisila'ene noznifima nemaniza mono naga'mo'zanena anahukna hu'za zamagu'areti musenkea atrenermantaze.

1 Korinti 16:19 ပူးပေါင်းရင်းမြစ်များ

Aposol 16:6

Zamagra Pamfaliane, Galasia kaziga ugatere'za nevzageno, Ruotge Avamu'mo mono ke Esia kaziga huzanku i'o huno huzamantege'za agatere'za vu'naze.

Aposol 18:18

Mago'a rama'a knama Korinti kumate Poli'a maniteno'a, afuhe'mokizmia hufru huno mani'neho hunezmanteno, votifi hageri tkaheno Siria nevigeke Prisila'ene Akuilake agrane vu'na'e. Na'ankure Anumzamofo avure'ma huvempama hu'negu, Sensarea kumate Poli'a anuzokara vagateno erivo'vo hu'ne.

Aposol 18:2

Anantega mago Jiu ne' ome keno erifore hu'neana, Pontusi kasente'naza ne' agi'a Akuila'e, mensin'tfa nenaro Prisila ene Italiti ena'e. Na'ankure Sisa Klaodiasi'a mika Jiu vahe'ma Romu nemani'za vahera atretma viho huno huzmantegeno Poli'a zanagri ome zanage'ne.

Aposol 18:26

Agra korora osuno, agafa huno osi mono nompina hu'ama huno mono nompina keaga hu'neanagi, zanagrama agri kema nentahikea, Prisilake, Akuilakea avareke va'azamoke Anumzamofo avu'avara mago'ene huhagro huke fatgo kante asami'na'e.

Aposol 19:10

Amanahu'zana tare kafufi fore huno vu'ne, tarega Jiu vahe'ene Griki vahe'ma Esia provinsifi nemani'za vahe'mo'za Ramofo naneke antahi'sazegu anahura hu'ne.

Aposol 2:9

Tagra rukotegati rukotegati (Amama mani'nona vahera) Patia mopareti'ene, Medes mopareti'ene Elami mopareti'ene, Mesopotemia mopareti'ene, Judia mopareti'ene, Kapatosia mopareti'ene, Pontasi mopareti'ene, Esia mopareti'ene,

Romu 16:15

Filogusima, Juriama, Nereusi ene nesaro a' ene, Olimpasi ene, ana miko Anumzamofonte mani'naza nagatega musenke huramantene hutma zmasamiho.

Kolosi 4:15

Nagri musenkea Laodisia kumate mani'naza mono naga'ene Nimfa'ema nehaza a'ene noma'afima atruma hu'za monoma nehaza nagara ome zmasamiho.

2 Timoti 4:19

Prisilane Akuila kizniregane, Onesiforus nompi nemniza nagategane musenke vie.

Falimoni 1:2

nersaro Apiane, magoka Anumzamofo eri'zama e'neruna ne' Arkipusine mono naga'ma, nonka'afima atruma nehaza nagamotaregane ama avona kreneramune.

1 Pita 1:1

Nagra Pita'na Jisas Kraisi aposol ne'mo'na, Anumzamo'ma huhampri tamente'nea nagamotma, mopatmi atretma panini hutma Pontusi kazigane, Galesia kazigane, Kapodosia kazigane, Esia kazigane, Bitinia kazigama fretma vu'naza nagamotarega ama avona kreneramue.

Revalesen-Hufo Hu'ne 1:11

Amama kana zantamina avontafe krenka, 7ni'a kumate me'nea mono nontaminte atregeno vino. Efesasima, Smenama, Pegamamima, Taitariama, Sadisima, Fildafiama, Ledosiama hunka krezamio.