1 Korinti 15:13 - Kamano

¹³ Hu'neanagi friteno oti'zama omneneresina, Kraisi enena ora otisine.

Anumzamofo Routage Avantafere

¹³ Hu'neanagi friteno oti'zama omneneresina, Kraisi'enena ora otisine.

1 Korinti 15:13 ပူးပေါင်းရင်းမြစ်များ

Aposol 23:8

Na'ankure Satusi vahe'mo'za fripinti o'otigahie nehu'za, ankero vahera omanine nehu'za, avamura omani'ne hu'nazanagi, Farisi vahe'mo'za ana maka'zana me'ne hu'za antahi'naze.

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

Romu 8:23

E'i ana zantamimoke'za zmata e'norizanki, tagranena Anumzamo kumipinti miza serantenemota, Ruotge Avamumofo ese rga'a kna huneta tagua'fina krigi neruta, tusiza huta Anumzamoma tazeri mofavre'a zama hanigura avega nentone. E'i ana zana kinafi tavufgamo mni'neaza Anumzamo katufesnigeta fru huta mni'snuna zanku avega nentone.

1 Korinti 15:12

Hagi Kraisi'a fripinti oti'ne hu'za huama hu'nazana, inanka huta mago'amota amu'nontmifintira, vahe'mo'za fripintira o'notize huta nehze?

1 Korinti 15:14

Anumzamo'a Kraisina fripinti azeri ora oti'neresina, mono nanekema huama hu'nazamo'a amne'zankna higeno, tamagri tamentintimo'enena amne'zankna hisine.

1 Korinti 15:20

Hu'neanagi Kraisina fripinti Anumzamo azeri oti'neazamo'a, fri'naza vahe'mokizmia ese ne'za hozafinti eriankna hu'ne.

1 Tesalonaika 4:14

Na'ankure tagrama tamentintima hunana Jisasi'a friteno oti'neankino, anahukna huno Anumzamo'a zmentintine vahe'ma fri'naza vahera zmazeri otisige'za, Jisasi'ma esiankna zupa magoka egahaze.

2 Timoti 4:8

Henka tagenoka hania zupa, fatgo avu'avazamofo kini fetori antani nantesiana antenante'ne. E'i Ra Anumzama fatgo huno naneke fgagohu ne'mo, ana knama ehnatisia zupa namigahie, nagrikera onmigahie. Hagi maka veama avesi nente'za eama hanigu Agri avegamanentaza nagamozane erigahaze.

Hibru 13:20

Hagi arimpa fru Anumzamo, ugagota sipisipi afu kva ne' Ranti Jisasina fri'nefinti azeri oti'nemofo korama'areti, mevava hagerafi huvempa ke hu'ne.

Hibru 2:14

Mofavre'mo'za zamavufgane korane mani'nagu, Agranena zamagrikna huno ama avufare eme frino, fri'zamofo hankavema sata'ma kinama hurante'nea hanavea azeri amnezankna hu'ne.

1 Pita 1:3

Ranti Jisasi Kraisi Nefa Anumzamofo agi'a erisaga hanune, Agri'a tusi'a asunkuzamo higeta, tagu'a rukrehe hunkeno kasefa tasimura tamigeta, Jisasi'ma friteno oti'nea zankura amuhara nehune.

Revalesen-Hufo Hu'ne 1:18

Kasefa hu'na mni'nomona ko frite'na, oti'na mani'noanki, keho, henka'a ofri'na manivava hugahue. Fri'zane, fri vahe'mofo kumate ki nofira Nagra azeri'noe.