1 Korinti 14:26 - Kamano

²⁶ E'ina hu'negu nenfugatane nasareheheta na'a efore hugahie? Eme atru hanaza zupa, mago'mo mono zgamera nehinkeno, mago'mo rempi huneraminkeno, mago'mo ksefa'za Anumzamo averi haniaza huama nehinkeno, mago'mo ru ageru nerinkeno, mago'mo rekrehe hugahie. Hagi e'i ana maka'zama hanaza zamo'a, knare huno mono kevua zamaza huno, Ramofompina zmazeri hankavetigahie.

Anumzamofo Routage Avantafere

²⁶ E'ina hu'negu nenfugatane nasareheheta na'a efore hugahie? Eme atru hanaza zupa, mago'mo mono zagamera nehinkeno, mago'mo rempi huneraminkeno, mago'mo kasefa zama Anumzamo'ma averi haniaza huama nehinkeno, mago'mo ru ageru'ma nerinkeno, mago'mo rekrehe hugahie. Hagi e'i ana maka'zama hanaza zamo'a, knare huno mono kevua zamaza huno, Ramofompina zamazeri hankavetigahie.

1 Korinti 14:26 ပူးပေါင်းရင်းမြစ်များ

Romu 1:13

Nafuhetane nasaraheta antahisazegu nehue. Nagra nantu eme antenermantena eri'za tamagripi enerisugeno, megi'a nagapi hu'neaza huno Avamumofo rga'a tamagripima efore hanigena kesua zankura, rama'a zupa antahintahini'a retro hu'noanagi mago'a zamo nazerigena, omena mani'nogeno menina ama knarera ehanatie.

Romu 12:7

Ru vahe'mokizmi zamazahu musezama tagripima menesigeta, so'e zantfa huta zamaza hanune. Hagi rempi huzame musezama erinesuta, rempi huzami so'e hanune.

Romu 14:19

E'ina hu'negu atrenketa musezama mono kevufima fore'ma hanea zanku nehuta, tagra'ragara ozeri hankaveti, azeri hanaveti huta tamentintifina hageta ra hanune.

Romu 15:2

Mago'magomota tava'ontirema nemanisamokizmi knare'zanku huta zmaza nehanunke'za, zmentintifina hanaveti'za hage'za marerisaze.

1 Korinti 14:15

Hu'negu nagra na'a hugahue? Antahintahi'nireti nunamuna nehu'na, Avamu'niareti ene nunamuna hugahue. Avamu'niareti zgamera nehu'na, antahintahi'niareti enena zgamera hugahue.

1 Korinti 14:2

Na'ankure mago'mo ru ageru araniana vahetega norie. Hagi Anumzamofontega ru agerura nerie. Na'ankure mago'mo'a ana agerura antahi ama nosianagi, agra'a avamupi frakino oku me'nea ageru nerie.

1 Korinti 14:27

Iza'o ru ageru'ma aranuno'a, taremoke ana znagerura ri'o. Hagi tagufa agetere'amo'za oriho. Mago'mo ru agerura nerina, mago'mo rekrehe hunete'na hiho.

1 Korinti 14:40

Hianagi maka zama hanaza zamo'a, fatgo huno knare kante hiho.

2 Korinti 12:19

Tamagrama tamagesa antahizana, tagrikura zmagra'a ke erihanavetinaku nehaze hutma tamagesa nentahizafi? Tamage e'inahu tamagesa nentahizanagi, Anumzamofo avurera Kraisinku keaga nehuta tamagrima tamaza hanigeta hageta mrerisaza zanku tamavesi neramantona nerafugatagu nehune.

2 Korinti 13:10

Na'ankure tamagri'enena omani'noanagi, ama agafare avona krenetamuanki'na, nagrama tamagranema manisuna knazana ontaminaku nehue. Ramo'ma himamuma nami'nea hanavereti, tamazeri haviza hunakura nosuanki, tamazeri hanavetisugeta hagetma tamentintifina marerisazegu nehue.

Efesasi 4:12

Eri'za erisaza'zama, naga'amokizmi (Saints) zami'neana, non kiaza hu'za Kraisi avufa eri ra hugahaze,

Efesasi 4:16

Agripi miko avufamo omoni, emeni huno azeri hanavetisigeno, magoke magoke avufamo'a ruzahu ruzahu eri'za e'nerino, miko avufamo'a ra huno knare avesi'zampi hagegahie.

Efesasi 4:29

Hanki tamagipintira vahe'mokizmia havi nanekene urinke'nena ozmasmitma, zamaza nehutma, hanaveti'za manisaza nanekege nehnageno, antahisamokizmi'a zamaza hugahie.

Efesasi 5:19

atruma nehanutma, Deviti zgame ene (Sams), mono zgame'ene, avamu'mofo zgame nehutma, Rantmimofona tamagu'areti musena hunenteta,

1 Tesalonaika 5:11

E'ina hu'negu mago magomotma, ozeri hanaveti azeri hanaveti nehutma, menima nehazaza hutma mago magomofona zmazeri hanavetita maniho.