1 Korinti 13:1 - Kamano

¹ Nagrama vahe zmagerupintiro, ankero vahe'mokizimi zmagerura rugahuanagi, vahe'ma avesinte'zama omne'nenke'na, bero'mo ra ageru riankna nehu'na, zavena ahageno ageru riankna hugahue.

Anumzamofo Routage Avantafere

¹ Hagi nagrama vahe zmagerupintiro, ankero vahe'mokizimi zmagerura rugahuanagi, vahe'ma avesinte'zama omne'nenke'na, bero'mo ra ageru riankna nehu'na, zavena ahageno ageru riankna hugahue.

1 Korinti 13:1 ပူးပေါင်းရင်းမြစ်များ

Matiu 25:45

Hanageno Agra ke nona huzmantegahie. Tamage hu'na neramasmue, amama zamagi omne'nea vahe'pinti, mago zmimofoma mago'zama huonte'nazana, Nagri huonte'naze.

Maki 16:17

Hagi zamentinti hanamo'za amanahu avame'za erigahaze. Nagri nagirera havi avamura hunente'za, kasefa zamageru arugahaze.

Romu 14:15

Hagi mago'a zama nenesana zankuma mono negafuma antahi havizama nehanigenka, kagra mago'ane avesi zampina nomanine. Atrenkeno nezama nesasazamo'a Kraisi'ma zamagrikuma huno fri'neamokizmia zmarimpa zamazeri haviza osino.

1 Korinti 12:10

Hagi mago'mofona ruzahu ruzahu kaguvaza eri fore hu museza nemino, mago'mofona kasnampa ke huamahu museza nemino, mago'mofona avamutmima rezagneno ke museza nemino, mago'mofona ruzahu ruzahu zmegeru'ma ru museza nemino, hagi mago'mofona ruzahu ruzahu zmageru'ma rukrehe hu museza ami'ne.

1 Korinti 12:16

Hagi agesamo huno, nagra avurga omninoanki'na, mago avufa omni'noe haniana, e'i ana kema haniazamo'a, avufafintira azeri otregahie.

1 Korinti 12:8

Hagi mago'mofona Avamupina knare antahintahiza (wisdom) nemino, mago'mofona ama' antahi'za (knowledge) nemie. Hianagi magoke Avamu'mo,

1 Korinti 13:8

Avesinte'zamo'a vgaoregahie. Ana hu'neanagi kasnampa ke hu'zamo ene, ru vahe zmageru ru'zamo ene, knare antahintahizamo'a vgaregahie.

1 Korinti 14:2

Na'ankure mago'mo ru ageru araniana vahetega norie. Hagi Anumzamofontega ru agerura nerie. Na'ankure mago'mo'a ana agerura antahi ama nosianagi, agra'a avamupi frakino oku me'nea ageru nerie.

1 Korinti 14:4

Iza'o ru ageru nerimo'a, agra'a azeri hanavenetie. Hu'neanagi iza'o kasnampa ke nehimo'a, mono kevumofo zmazeri hanavenetie.

1 Korinti 14:5

Nagri'ma navemanesiana, maka'mota ru tamageru'ma aranazegu navenesie. Hu'neanagi ra navesi'zana, maka'motma kasnampa ke hiho nehue. Hagi iza'o kasnampa ke nehimo'a, ru ageru nerimofona azeri agatere'ne. Hu'neanagi ru agerutamima nerimo'ma, ana ageru'mofo agu'agesa eri ama hanigeno'a, mono kevua zmazeri hanavetigahie.

1 Korinti 8:1

Vahe'mo'za kaza osu'za havige anumza zmazanteti tro hunte'ne'za, kresramna vunte'naza ne'zanku krenami'naza zanku tmasami'za hue. Tagra antahi'none ana mikamota antahizana eri'none. Antahi'zamo'a tavufa erisaga hianagi, avesinte'zamo'a zmazeri hanavenetie.

2 Korinti 12:4

Hianagi Monafi (Paradise) avreno marerigeno, agra vahe'mo huama osuga'za ome antahine.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

1 Timoti 1:5

Hianagi tagrama rempi hune'zmuna zamofo agafa'a, zamesi nezmante'za zamagu'areti agru hu'ne'za, knare zamagu'zamagesareti zamentinti hugahaze.

1 Pita 4:8

Makazama agatere'neazama hanazana, vaheku'ma ovesinte avesinte hu avu'avazana otretfa hiho, na'ankure avesinte avu'avazamo'a, rama'a kumi refinete.

2 Pita 2:18

Ana vahe'mo'za rankege nehu'za, havige ke zamireku zamavufga ra nehu'za, vahera zamazeri oti ke hu'za monko zamavuzmava nehu'za, maka zamagra zamavufarera monko zamavuzmava nehaze. Zamagra monko zamavuzmavamofo zamesizana notre'za, e'inahu zamavuzmava nehu'za zamentintimo hanave oti'nea vahera zamami'mi hu'za zamavazu nehaze.

Revalesen-Hufo Hu'ne 14:2

Ana higena mago agerura antahuana monafintira agerura rama'a timofo agasasamoma hiaza nehigeno, monagemoma hiaza nehigena, mago ageruma antahuana kita (harp) ahazageno neriankna ageru nerigena antahi'noe.