1 Joni 4:6 - Kamano

⁶ Tagra Anumzamofo nagare, Anumzamofoma keno antahino hu'nemo'a, ketia nentahize. Hianagi Anumzamofo naga'ma omani'namo'za ketia nontahize. E'inama higeta keta antahita huta tamage Avamuki, havige avamuki huta nehune.

Anumzamofo Routage Avantafere

⁶ Tagra Anumzamofo nagare, Anumzamofoma keno antahino hu'nemo'a, ketia nentahie. Hianagi Anumzamofo naga'ma omani'namo'za ketia nontahize. E'inama higeta keta antahita huta tamage Avamuki, havi avamuki huta nehune.

1 Joni 4:6 ပူးပေါင်းရင်းမြစ်များ

Luku 10:22

Jisasi'ma nunamu huvgamareteno agafa huno kea zmasami'ne. Nafanimo makazana kegvahu hihamu namine. Mago vahe'mo'a, izane Nagrira ke'za antahiza osu'nazanki, Nefake antahine, Nefa'a iza'e, Nemofoke antahine. Nemofo'ma avesite zmavrea vahe'mokizmia, Nefana zamaveri nehie.

Joni 10:16

Ruga'a sipisipini'a ama kegina agu'afina omni'naze, Nagra anahu kna hu'na zamaresuge'za, nagerura nentahi'za, zamagra magoke afu kevu hu'za mani'nageno, magoke afu kva vahe manigahie.

Joni 10:27

Nagri sipisipimo'za nagerura nentahize, hige'na Nagra zamantahi'noge'za, Nagrira namage neaze,

Joni 10:3

Kafante kva ne'mo agrira kafana anagintegeno, sipisipimo'za agri ageru nentahize. Ana afu kva ne'mo Agri'a sipisipimokizmi zamagi neheno, zamavreno vugota nehie.

Joni 13:20

Tamage hu'na neramasmue, Nagrama huntesugeno vnia vahe, avreno azeri so'e huntesimo'a, Nagri navreno nazeri so'e hunantegahie. Iza'o Nagri'ma nazeri so'e hanimo'a, Agra hunantege'na e'nomofo azeri so'e hugahie.

Joni 14:17

E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

Joni 15:26

Tmazama hu'zama huntesugeno Nenfantegati tmagrite esuno'a, Agra Tmage Avamukino Nagri nagenkea eriama hugahie.

Joni 16:13

Hianagi Tmage Avamu'ma esuno'a, agu'vazi zamanteno tamage nanekemofo eri ama huno tmasmigahie. Na'ankure Agra'a antahintahi'ane, hanave'arera ana nanekea osugahie, hianagi na'ano Agrama antahisia kege nehuno, henkama esia zamofonku tmasmigahie.

Joni 18:37

E'inage higeno Paeroti'a asmi'ne, higenka Kagra kinio? Jisasi ke nona'a hu'ne, Kagra Nagriku'ma kinie nehanana tamage. Ama'na kegafare Nagra ama mopafina efore hu'noe. Nagra ama'na agafare ama mopafina e'noe, tamage naneke huama hunaku e'noe. Maka vahe'mo'za tamage nanekegu zamave'ma nesimo'za, Nagri nagerute zamagesa ante'za nentahiza tamage nehaze.

Joni 20:21

Ru'ene Jisasi zamasmi'ne, Tamarimpamo fru hino, Nenfa hunantege'na e'noaza hu'na, Nagra anazanke hu'na huneramantoe.

Joni 8:19

Zamagra amanage hu'za asmi'naze, Negfa'a iga mani'ne? Jisasi'a kenona'a zamasmi'ne, Nagri'ma onage nesnutma Nenfana antahita keta osugahaze, hagi tamagra ma Nagri'ma nage'anke resuta, anahu kna hutma Nenfana kegahaze.

Joni 8:23

Jisasi anage huno zamasmi'ne, tamagra amafinti vahe mani'naze, Nagra anagamutire, tamagra ama mopafi vahe mani'naze, Nagra ama mopafi vahera omni'noe.

Romu 1:1

Nagra Poli'na, Kraisi Jisasi kazokzo eri'za ne'mo'na, Anumzamo aposol eri'za erio huno huhampri'nanteno, knare musenke'a huama hanugu nazeri ruotge hunantene.

Romu 11:8

Avontafepi krenteneana, Anumzamo'a zamazeri zmavutoko hu avamu nezmino, zmavua onke'sazegu reso nehuno, ke ontahisazegu zmagesa renknirege'za, ontahiza manime e'za ama knare ehanati'naze. (Diu-Kas 29:4, Ais 29:10)

1 Korinti 14:37

Mago'mo'ma huno kasnampa vahe mani'noe huge, avamupi antahi'zane vahe mani'noe huno hanimofona, atrenkeno anamo'a amama kreramua avona, Ramo huo huno hunte'nea kasege huno agra'a antahi'ama hino.

2 Korinti 10:7

Tamagra mago'amota amega avufgage negeta agu'afina nonkaze. Hagi Kraisi vahe mani'noe huno hanave antahintahi nentahinimo'a, atregeno agra'a agu'afi refko huno negeno, nagra Kraisi vahe mani'noe huno nentahina, tagra'enena Kraisi vahe mni'none hugahune.

2 Tesalonaika 1:8

Hanki Anumzamofo ke'za antahiza nosuza, Ranti Jisasi Kraisi knare musenke novaririza vahera, nona'a huno knazana eme zamigahie.

1 Timoti 4:1

Hu'neanagi Ruotge Avamumo huama huno nerasmie, mago'a kna esnia knafina mago'amo'za zamentinti atre'za evunerami'za, rezmatagahu avamu'ene, hankro'mofo naneke rempi huzamisage'za zamagesa anteza antahigahaze.

2 Pita 3:2

Anumzamofo ruotge kasnampa vahe'mo'zama hu'naza ke'mo'a, avufa'a fore hugahie. Ranti Taguvazi Ne'mo aposol vahepi huvazino tamasami'nia kasegea tamagera okaniho.

1 Joni 4:1

Ronenimote, vahe'mo'za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na'ankure rama'a havige kasnampa vahera, ama mopafi vuno eno nehie.

1 Joni 4:4

Mofavre naganimote Anumzamofo mofavre mani'naze. Mani'nageno tamagu'afima mani'nea Avamu'mo'a, mopafima mani'nea havige avamura agatere'ne.

1 Joni 4:8

Vaheku'ma avesima onte vahe'mo'a, Anumzamofona keno antahino osu'ne. Na'ankure Anumzamo'a avesizamofo agafa'e.

1 Joni 5:19

Tagra antahi'none, Anumzamofo mofavre naga mani'nonkeno, ama mopamo'a havige ne' Sata hanavefi me'ne.

Juti 1:17

Hu'neanagi navesima neramantoa nenafugata tamagera okaniho, Rantimofo Jisasi Kraisi aposol naga'mo'za tamasimiza,