1 Joni 4:17 - Kamano

¹⁷ Ana avesizamo'ma fatgo huno tagranema mesigeta, refkoma hania knarera, hanavetita otigahune. Na'ankure ama mopafi mani'nonanagi, Jisasikna huta fatgo huta mani'nonkeno'e.

Anumzamofo Routage Avantafere

¹⁷ Ana avesizamo'ma fatgo huno tagranema mesigeta, refko'ma hania knarera, hanavetita otigahune. Na'ankure ama mopafi mani'nonanagi, Jisasikna huta fatgo huta mani'nonkeno'e.

1 Joni 4:17 ပူးပေါင်းရင်းမြစ်များ

Matiu 10:15

Tamage hu'na neramasmue, Anumzamo'ma keagama refako huzupa, Sodomune, Gomora kumate korapa hu'neazana, agatereno ranknaza erigahie.

Matiu 10:25

Amne amage'a nentea ne'mo'a rempima humi ne'a knara hugahie, hanigeno kazokzo eri'za vahe'mo'a kva ne'agna hugahie. Hagi mago nagamofo ugotama huzmante'neasia ne'kuma ugagota hankrore (Belzabul) haniana, naga'amofonena mago'ane havi zamagi zamigahie!

Matiu 11:22

Tamage hu'na neramasamue, Taia vahe'mo'zane, Saidon vahe'mo'za Anumzamoma vahema refakoma huknare osi'a knaza erigahazanki, tamagra rama'a knaza zamagareta erigahaze.

Matiu 11:24

Tamage hu'na neramasmue, vahema refakohu knarera, Sodomu mopafi vahe'mo'za erisaza knazana, agateretma ra knaza erigahaze.

Matiu 12:36

Hianagi Nagra amanage hu'na nermasmue, Anumzamo'ma vahe'ma refakoma huknarera, miko'a havigema nehaza kere, tamagenoka huzmante'gahie.

Joni 15:20

Ko'ma tmasmi'noa kegu tamagesa antahiho, kazokzo eri'za ne'amo'a, kva vahe'a knara osu'ne. Nagri'ma nazanva ante'nesu'za, tamagri enena anahu kna hu'za tmazanva antegahaze, ke'ni'a amage antenare'sina, tmagri kea ana zanke hu'za antahizasine.

Joni 17:22

Kagrama hanavema Nagri nami'nana hanavea, Nagra zamagri zami'noe, ana hanuge'za zamagra mago hu'za manisaze. Tagrama mago huta mani'no'a kna hu'za manisazegu zami'noe.

Romu 8:29

Hu'negu Anumzamo'a korapa antahineno Nemofo kna hihogu huhamprizamante'ne, hanageno Nemofo'a rama'a mofavre nagapina kota mofavre manigahie.

Hibru 9:27

Hu'negu vahe'mofonku'ma hunteneana, magoke zupa fritesuno'a kegagarera otigahie huno huntene.

Jemisi 2:13

Na'ankure vaheku'ma kasunku huozmante vahe'moka, Anumzamo'a asunkura huogantegosie. Hianagi kagrama vahe'mofoma kasumantagintesanana, Anumzamo'a kagri'enena asuragigante'na vahe'ma refko huknarera, keaga hugante kemofona agateregahane.

Jemisi 2:22

Antahi ama huo, Abrahamu'ma amentintima hiazamofona avu'avapi erinteno, ana avu'ava higeno amentintima hu'neazana erignare hu'ne.

2 Pita 2:9

Hankino e'i Anumzamofo fatgo avu'avama nehaza vahema, zamagu'mavazi'nea kankamuna antahineankino, hazenke zampintira zmagu nevazino, havi zmavu'zmavama hanaza vahe'mo'za menintetira knazampi manime vu'za, vahe'ma refkoma huzmante knarera uhnatigahaze.

2 Pita 3:7

Hianagi ama mopane monane henkama refkoma hanianknarera Agra tevenuti kre fanane hugahue, huno kea huntegeno me'ne. Hagi Anumzamofo avu'avama nosaza vahe'enena zmahe fnanene hugahie.

1 Joni 2:28

Hagi menina osi mofavre naganimote, Kraisimpi mani'nenkeno, Agrama efore'ma hanigetma oti hanavenetita, ete esigetma tamagazegura huta korera osugahaze.

1 Joni 2:5

Hianagi aza'o Agri kema amage antesimofona, tamage e'i ana vahepina Anumzamofo avesizamo fatgo huno megahie. E'inama hanigeta tagra antahita keta nehuta, Agripi manigahune.

1 Joni 2:6

Mago'mo'ma Anumzane mani'noe hanimo'a, Jisasi'ma vano hu'nea kna huno vano hugahie.

1 Joni 3:1

Kesunana Nerafa'ma rimpama hagerafi ramino avesi'zama tanteneazana Anumzamofo mofavre hurante'ne. Ana hu'negu tagrikura Anumzamofo mofavre hu'za hugahaze. Tamage! Ama ana agafare ama mopafi vahe'mo'za antahi orami'naze. Na'ankure zamagra ke'za antahi'za Agrira osu'naze.

1 Joni 3:3

Ana hu'neankino maka vahe'mo'za zamavuma keteza mani'ne'za zamentintima nehaza vahe'mo'za, zamagrazmi zamazeri agru nehu'za, Jisasi'ma mani'neaza hu'za nemanize.

1 Joni 3:7

Osi mofavre naga'mote, atrenkeno mago'a vahe'moza reramatga osiho, fatgo avu'ava nehaza vahe'mo'za fatgo vahe'mani'ne'za, Jisasi'ma mani'neakna hu'za fatgo hu'za nemani'ze.

1 Joni 4:12

Mago vahe'mo'e huno Anumzamofona onke'ne, tagrama rumokizmigu ovesinte avesintema hanunkeno'a, Anumzamo'a tagrane manina, Agri avesizamo'a fatgo huno tagrane megahie.