1 Joni 3:5 - Kamano

⁵ Hanki tamagra antahi'naze, Jisas Kraisi'a efore'ma hu'neana kumi eri atre'naku e'neakino Agripina kumira omane'ne.

Anumzamofo Routage Avantafere

⁵ Hanki tamagra antahi'naze, Jisas Kraisi'a efore'ma hu'neana kumi eri atrenaku e'neakino, Agripina kumira omane'ne.

1 Joni 3:5 ပူးပေါင်းရင်းမြစ်များ

Matiu 1:21

Ne'mofavre ksentegahianki, ana mofavremofo agi'a, Jisasi'e hunka agi'a antemio, na'ankure Agra vahe 'amokizmi kumi'zmifinti zamaza hugahie.

Luku 23:41

Tagra tamage huta hazenke hu'noa zamofo nona'a, eriga knaza eneru'e. Hianagi ama ne'mo'a mago hazenke osu'ne.

Luku 23:47

Sondia vahe'mokizmi kva ne'mo anazama hiazama negeno'a, agafa huno Anumzamofo agi erisaga nehuno, tamage ama fatgo ne'kino hazenkea omnene hu'ne.

Joni 1:29

Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie!

Joni 1:31

Nagra antahi'na ke'na Agrira osu'noanagi, Israeli vahemo'za Agrira antahiza keza hnaze hu'na, nagra ena mono tina eme frezmante'noe.

Joni 14:30

Nagra za'zatera nanekea ontamasmigahue, ama mopa kva nehia ne' Sata'a hago ne-e, agrira hanave'a omne'neankino, Nagrira nagateoregahie.

Joni 8:46

Amama, mani'nafitira izaga Nagrikura kumi hu'ne hunka nanekea hunantegahane? Nagrama tamage nehusugetma, nahnigetma tamentintia osugahaze?

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

1 Timoti 1:15

Ama'i tamage nanekegino, hakare'a vahe'mo'za zamentinti hugahaze. Na'ankure Krais Jisasi'a kefoza nehaza vahe zamahokehesigu ama mopafina erami'ne. Ana agu'afina nagra zamagtere'na hakare vahera kefo'zana hu'noe.

1 Timoti 3:16

Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

Hibru 4:15

Hu'negu tagrima antahineramino, asunku'ma hurantega ugota prisi ne'tia mani'ne. Na'ankure miko tagrama unefrona rehe'zampina Agranena ufreneanagi, kumira osu'ne.

Hibru 7:26

E'inahukna ugagota prisi ne'mo tazeri knarera hugahie. Na'ankure Agra ruotge huno kumi'a omanegeno kumi'mo magore huno azeri haviza osu'ne. Menina kumi vahepinti azeri ruotge higeno, monafinka ragi erino mani'ne.

Hibru 9:26

Hanki anara hugara hu'nesiana, ama mopama troma huneregatira fri vava huno visine. Hianagi anara osu'ne. Kumi'mofo hanavema eri atrenaku, Agra'a avufga tagrikure huno vgare knafi avufga agu'za runo magoke zupa, ana maka knamofonkura fri'ne.

Hibru 9:28

Hu'negu Kraisi'a magoke zupa frino rama'a vahe kumira eritrezamtene. Agrama henkama esu'no'a kumiti eritrerante'nakura omegahianki, Agriku'ma tusiza hu'za avegama ante'namokizmi zmahokeno zmavrenaku egahie.

1 Pita 1:18

Na'ankure tamagrama ketma antahitma hanazana, korapa tamagehe'za zamaza osu zamavuzmava nehaza kante nevazagu, anampinti miza seramantene. Miza seramante'neana haviza nehiazanu, silvane kolireti miza seoramantene.

1 Pita 1:20

Na'ankure korapa Anumzamo'a, monane mopane tro osu'neno, tazama hanigura Kraisina huhamprinte'ne. Hianagi menina vgare knafina tamagri'ma tamaza hanigu efore hu'ne.

1 Pita 2:22

Agra kumira osuno, mago havigea agipintira osu'ne. (Ais 53:9)

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

1 Joni 1:2

Ana asimu'mo eama higeta tagra negeta, huama huta mevava asimura, Nefa ene me'nea tagrite eama hu'neazanku neramasmune.

1 Joni 1:7

Hu'neanagi tagrama msare'ma vano huta, Agrama msare mani'nea kna'ma nehuta, tagra trogoteta manisunkeno'a, Anumzamofo Nemofo Jisasi koramo mika kefozanti sese hunerante.

1 Joni 2:1

Osi mofavre'nimota kumi osnazegu ama avona kre'neramue. Hianagi mago vahe'mo'ma kumi'ma haniana, tagrira amu'no netia Nerafa'ene mani'ne, ana nera fatgo ne' Jisas Kraisi'e.

1 Joni 2:2

Agra'a kumitimofona nona huno apaserante'ne, tagri kumike sese huorante'neanki, maka mopafi vahe kumi'ene sese huzmante'ne.

1 Joni 2:29

Tamagrama ketma antahita Kraisima hanazama fatgoma Agrama hu'nenigetma, tamagranena ko'ma antahi'nazane, iza'o hakare vahepintima fatgo zmavuzmava hanamokizmia nezmafa manigahie.

1 Joni 3:8

Mago'mo'ma kumi avu'ava himo'a, Sata vahe nemanie. Na'ankure Sata'a ese agafare kumi hu'negure. Ama ana agafare Anumzamofo mofavremo, eama huno Sata erizana eri haviza hu'naku mopafi efore hu'ne.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.