1 Joni 3:3 - Kamano

³ Ana hu'neankino maka vahe'mo'za zamavuma keteza mani'ne'za zamentintima nehaza vahe'mo'za, zamagrazmi zamazeri agru nehu'za, Jisasi'ma mani'neaza hu'za nemanize.

Anumzamofo Routage Avantafere

³ Ana hu'neankino maka vahe'mo'za zamavuma kete'za mani'ne'za zamentintima nehaza vahe'mo'za, zamagrazmi zamazeri agru nehu'za, Jisasi'ma mani'neaza hu'za nemanize.

1 Joni 3:3 ပူးပေါင်းရင်းမြစ်များ

Matiu 5:48

E'ina hu'negu tamagra monafi neramafama fatgo huno agru hu'nea kna hutma fatgo hutma agru hiho huno zamasmi'ne.

Luku 6:36

Nafatmimo'ma asunku hunermanteaza hutma, tamagranena tmasunku huzmanteho.

Joni 17:19

Nagra zamagri huzmeri'na avusese hu'na mani otage hu'noe, ana nehuanki'za zamagranena anazanke hu'za Kagrite avusese nehu'za, tamage hu'za mani otage hugahaze.

Aposol 15:9

Hankino tagrira Anumzamo'a ruzana huranteno, zamagrira ruzana huozmante'ne, zamentinti nehazageno zamagu'a zamazeri agru hu'ne.

Romu 15:12

Ete mago'ane kasnampa ne'mo Aisaia anage hu'ne, Jesimpinti efore hanimo'a, Agra megi'a vahe'mokizmi kva mani'nenke'za, Agrite zmazama huzankura amuhara hugahaze hu'ne. (Ais 11:10)

2 Korinti 7:1

Na'ankure tagrira Anumzamo huvempa hurante'negu, navesima neramantoa ronenimota, tagra'a tazeri avusese hanune. Ama tavufgafine avamupima miko kefozamo'ma tazeri haviza hania zampintira, mani ruotage nehuta Anumzamofo koro huntesune.

Kolosi 1:5

Tagrama tamage knare musenke nentahita, fore'ma hanigeta kesune huta avegama ante'naza zamofompinti, amentinti hu'zane, avesinte'zana monafi anteramantegeno me'ne.

2 Tesalonaika 2:16

Menina Ranti Jisasi Kraisine, Anumza Nafatimo, avesinerante'mo mani vava mani'zane, knare amuhazane asunkuzama'areti neramino,

Taitus 3:7

Hu'neankita tahokeheno asunku zama'areti, kumipinti tazeri fatgo hu'negu huhamprima tantegeta avegama ante'nona mani'vava mani'zana erigahune.

Hibru 12:14

Miko vahe'enena hanavetinka karimpa fru hunka nemaninka, mani ruotage nehunka, agru hunka manio. Na'ankure mni ruotage osunesimo'a Ramofona onkegahie.

Hibru 6:18

Anumzamo'a huvempa hu'nea ke'ane, hugahuema hu'nea kemoke eri'ante amama hiana, Anumzamo'a havigea osugahie hu'ne. Ana hu'negu tagra maka havizama ne-enketa, Agritega freta vuta kasefa hanavea ome enerita, fore'ma hanigu tamentintima nehu'naza azeri hanavetigahune.

Hibru 7:26

E'inahukna ugagota prisi ne'mo tazeri knarera hugahie. Na'ankure Agra ruotge huno kumi'a omanegeno kumi'mo magore huno azeri haviza osu'ne. Menina kumi vahepinti azeri ruotge higeno, monafinka ragi erino mani'ne.

Jemisi 4:8

Anumzante erava'o hinkeno, Agranena tamagaritera erava'o hino. Kumi vahe'motma tamazana sese nehutma, tare tagufa antahintahine vahera tamagu'a eri avusese hiho.

1 Pita 1:15

Hianagi Ruotge Hu'nemo'ma tamagima hu'nea ne'kna nehuta, makazama hanafina mni ruotge hiho.

1 Pita 1:3

Ranti Jisasi Kraisi Nefa Anumzamofo agi'a erisaga hanune, Agri'a tusi'a asunkuzamo higeta, tagu'a rukrehe hunkeno kasefa tasimura tamigeta, Jisasi'ma friteno oti'nea zankura amuhara nehune.

2 Pita 1:4

E'i ama anazampi mareri agatereno, knarezantfa hu'nea huvempa kea huhamprirante'ne, hu'negu tagranena, Agri'a avu'avazama'a nehuta, ama mopafi kefo tavesizamofo havizampintira agateregahune.

2 Pita 3:14

E'ina hu'negu ronenimota, tamagra anazama fore'ma hanigura avega ante'nazanki, tamagratmia tamazeri agru hutma Anumzanena tamarimpa frune nemanita, hazenkezana omnena, keaga huramante'zana omnena, ananknagura avega anteta maniho.

1 Joni 2:6

Mago'mo'ma Anumzane mani'noe hanimo'a, Jisasi'ma vano hu'nea kna huno vano hugahie.

1 Joni 4:17

Ana avesizamo'ma fatgo huno tagranema mesigeta, refkoma hania knarera, hanavetita otigahune. Na'ankure ama mopafi mani'nonanagi, Jisasikna huta fatgo huta mani'nonkeno'e.