1 Joni 2:16 - Kamano

¹⁶ Na'ankure maka mopafi me'neazana, avufamofo avesi'zane, kenunu hu'zane, agraguke antahi'enena ama mopafizane. Nerafapintira nome-e, hianagi ama mopafinti fore hu'ne.

Anumzamofo Routage Avantafere

¹⁶ Na'ankure maka mopafi me'neazana, avufamofo avesi'zane, kenunu hu'zane, agraguke antahi'zanena ama mopafizane. Nerafapintira nome-e, hianagi ama mopafinti fore hu'ne.

1 Joni 2:16 ပူးပေါင်းရင်းမြစ်များ

Jenesis 3:6

Hanki a'mo ana zafa rgama keana nezama ne'amo'a knare higeno, avuma keazamo enena knare hu'neankino, avesizamo'a ana zafa rga'ama mago'mo'ma nesniana knare antahi antahiza erigahie. Hanki ana zafa rga tagino neneno, neve ene mani'negukino amigeno ne'ne.

Jenesis 6:2

Hanki vahe'mo'ma mofa'ne ksentea mofanezga, Anumzamofo mofavre naga'mo'za ke zamasane hu'za zamesia a'ne eri'naze.

Proveps-Knare Nomaniza 27:20

Fri vahe kumamo'ene, fri vahe'mo'za avima notazankna huno, vahe'mofo zmavenesia zamo'a zamura nosie.

Proveps-Knare Nomaniza 6:25

Ana a'mofo agi agonagura kegasanea osuge, atregeno kavazu hunaku'ma avuretima revumima hugamisia zamo'a kavazua osino.

Matiu 4:8

Ete ru'ene Sata'a avreno Jisasina mago za'za agonarega mrerino, maka mopa kagi'afina avenerino, konariri zama'a averi hu'ne.

Matiu 5:28

Hianagi Nagra neramasmue, aza'o mago a' negeno kesane hanimo'a, hago ana a'ene monko'za agu'afina hu'ne.

Luku 4:5

Sata'a Jisasina avareno zaza agonare marerino, maka ama mopafima me'nea ranra kumatamina ame huno averi'ne.

Romu 13:14

Hu'neanagi atrenkeno, Ramo, Jisas Kraisi tamagripina mani'neno, kefozama hu tavesizana eri atreno.

1 Korinti 10:6

E'inahu zama zamagripima fore'ma hu'neazamo'a, tagritera avame'za me'neno huraverina, e'inahu kefo avu'ava'zana kerasane osugahune.

Galesia 5:17

Na'ankure avufgamofo avesizamo'a, Avamumofo avesizanena ha'rentegeno, Avamumofo avesi'zamo'a avufgamofo avesi'zana ha'renenteankino, amu'nozanifina ha' orente arente'za me'neankinka, nazano hunaku'ma hanana zana osugahane.

Galesia 5:24

Hagi Krais Jisasimpi mani'namo'za, zamufamofo avu'avazane, zmesi'zanena rugeka zafare ahe fri'naze.

Efesasi 2:3

Zamagri amu'nompina korapara tagranena anazanke huta maka havi tvesi'zante amage ante'none, tagu'afine amega tavufafine tave'manesiaza hutere nehuta, tagra ana kefozampi fore huta amage' nentonkeno, Anumzamofo asi vazi'zamo tagrite ene maka vahete ene e'ne.

Taitus 2:12

Tagri rempi huramino mono ontahi avu'avazane, ama mopafi zanku avesi'zanena atreho nehuno, hagi tmufa kva huta, fatgo huta anumza (godly) avu'avate ama kna'afina maniho,

Taitus 3:3

Korapara mago'a knafina tagra'nena, haviza huta knare osuta negi neneta, ke ru hanentagita, havige reravatga hzageta, kefo zamofo avu'avapi kina hu'neta, vahe'mofo zanku kersane nehuta, vahe antahi haviza hunezmanteta, tagrati antahi haviza ohu ahu hu'none. Vahe zamatagri naneke nehunkeno,

Jemisi 3:15

E'inahukna havi antahintahizana, monafintira nomeanki, ama mopafi kefo hankrotegati ne-e.

Jemisi 4:16

knare hu'none hutma tamufaga marenerize. Ana mika tamufga mareri'zana kefo avu'ava'za nehaze.

1 Pita 1:14

Ke amage'ante mofavremoza nehazaza nehutma, koma ontahinetma hu'naza tamavutamavamofo avesizana ovaririho.

1 Pita 2:11

Navesima neramantoa nenafugta, tamagra zoka vahe mopazmi omne vahekna hutma ama mopafina mni'naze. E'ina hu'negu, tamavufamofo havi avesizamo'ma ha'ma reneramantea zampina uofreho hu'na nagra huneramasamue.

2 Pita 2:10

Mago'a vahe'mo'za havi miza erigahaze, e'inahu vahe'mo'za zmaguamo'a otige'za, monko'za hu zmagesama nentahiza, tra kea kefenkami netre'za, ana vahe'mo'za zmavufga ra nehu'za, ugota ankero vahema huhaviza huzankura korora nosaze.

2 Pita 2:18

Ana vahe'mo'za rankege nehu'za, havige ke zamireku zamavufga ra nehu'za, vahera zamazeri oti ke hu'za monko zamavuzmava nehu'za, maka zamagra zamavufarera monko zamavuzmava nehaze. Zamagra monko zamavuzmavamofo zamesizana notre'za, e'inahu zamavuzmava nehu'za zamentintimo hanave oti'nea vahera zamami'mi hu'za zamavazu nehaze.