1 Joni 1:7 - Kamano

⁷ Hu'neanagi tagrama msare'ma vano huta, Agrama msare mani'nea kna'ma nehuta, tagra trogoteta manisunkeno'a, Anumzamofo Nemofo Jisasi koramo mika kefozanti sese hunerante.

Anumzamofo Routage Avantafere

⁷ Hu'neanagi tagrama masare'ma vano huta, Agrama masare mani'nea kna'ma nehuta, tagrama trogoteta manisunkeno'a, Anumzamofo Nemofo Jisasi koramo mika kefozantia sese hunerante.

1 Joni 1:7 ပူးပေါင်းရင်းမြစ်များ

Matiu 6:12

Kumitia atre'rantegeta, anahu kna huta kumi hurante'namokizmi'a atre'zmanta maneno.

Joni 1:29

Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie!

Joni 12:35

Jisasi'a kenona anage huno zamasmi'ne, Osi'a knafi Msamo'a tmagri amu nompina me'ne. Msama me'nenire kana nentenkeno hanimo'a tmagate oreno, iza'o hanimpima nevimo'a, iga nevio antahino keno nosie.

Romu 13:12

Hanizamo'a kofta huno vagaresigeno, masama fore'ma hania zamo'a kofta hu'ne. Ana hu'negu hanizamofo avu'ava zama nehuna zana netreta, msamofo ha' kukena hanune.

1 Korinti 6:11

Mago'amota e'inahu vahe korapara mni'nazanagi, Anumzamo sese hurmanteno, tmazeri ruotge hu'ne. Na'ankure Ramofo Jisas Kraisi Agifine, Anumzantimofo Ruotage Avamupi higetma, tamagra Anumzamofo avufina fatgo vahe mni'naze.

Efesasi 1:7

Kraisi koranu tahokeheno miza seneranteno, maka kumitia eri fnane nehuno, tusi'a asunku zama'areti Agra asuragiranteno taza hu'ne,

Efesasi 5:8

Na'ankure korapara hanizampi mani'nazane, hianagi menina Ramofo Msafi mofavre'aza hutma, ana msafi vano hutma maniho.

1 Timoti 6:16

Agrake'za ofrino mani'vava hugahie, tusi'a msa'afi mani'neankiza vahe'mo'za urva'o osugahaze. Mago'mo'e huno onke'neanki'za onkegahaze. Agripi Ra agine, hanave'anena mevava hugahie. Tmage.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Hibru 9:14

Hagi tamagesa antahiho, Kraisi koramo'a razankrefa me'neankino, fri avu'avazama nehunkeno tagutagesa azeri agru higeta, kasefa huno mni'nea Anumzamofona monora hunentone. Na'ankure manivava Avamumofo hankavere, Kraisi'a kefozama'a omne ne'mo, Anumzamofontera Agra'a avufga tagri kumikura aguza rune.

Jemisi 1:17

Mika knare huno fatgo hu'nea, musezana anagamuti eneramie, monafinkati masazamofo Nefantegati ne-e, avu'azama'amo zahe osuno turinamo hiankna huno zaza huteno, atupa huteno osugahie.

1 Pita 1:19

Hianagi haviza osuno afuhe omne sipisipi anenta, Kraisi mrerisa koranu miza seramante'ne.

1 Joni 1:3

Keta antahita hu'nonazanku, tagra tamagri enena neramasmunankita, tamagra tagri'ene emeri mago hutma manisageta, tamage huta Nefane, Nemofo Jisas Kraisi'enena tragoteta manigahune.

1 Joni 1:5

Menina knare musenke Agripinti antahi'nona ke neramasmune, Anumzana msa mani'neakino, Agripina hanizana magore huno omanetfa hu'ne.

1 Joni 5:6

Jisasi Kraisi'a mopafi e'neana, mono tine, keka zafare kora tagi atrenaku e'ne, tintekera ome'ne. Hianagi mono tine kora tagi atrenaku e'ne huno, Avamu'mo huama nehie. Na'ankure Avamu'mo'a tamage nehie.

1 Joni 5:8

Avamu'mo'ene, tima frezamo'ene, korama'amo enena mago zamarimpa hu'za huama nehaze.

2 Joni 1:4

Nagra tusi muse hue, na'ankure nagrama ke'na erifore'ma huana, mago'a mofavre' naga kamo'za tamage kemo'ma hu'nea kante amage'ante fatgo hu'za nemani'za, Nerafa'ma kema humarante'nea kante ante'za avariri fatgo hu'naze.

3 Joni 1:4

Antahuama mofavre naganimo'za tamage kemofompi mani'naze hazazankura, nagra mago'a knama nehua musena, agatere'na tusi muse hu'noe.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.

Revalesen-Hufo Hu'ne 12:11

Zamagra ana ne'mo'ma ha'ma huzmantea hara, Sipisipi anentamofo koranteti'ene agenke'ama huama hazareti agatenere'za, zamagra zmavufagura nontahi'za, zamagri'ma zmahe frizanku enena korera osu'naze.

Revalesen-Hufo Hu'ne 7:14

nagra anage hu'na asami'noe, Ranimoka kagra antahinane hu'na hugeno, Agra anage huno nasami'ne, ama'i zmagra tusi'a hazenkezampi ufretageno ha' vahe'mo'za nezamahazageno, zaza kukenazamia Sipisipi Anentamofo koranteti sese hugaru huzmantageza efeke hu'namoze.