Luku 18:34 - Anumzamofo Routage Avantafere

³⁴ Hianagi amage'ma nentaza disaipol naga'mo'za fritena otigahue hiankemofo agafa'amo'a frakino oku'a me'nege'za, ana kemofo agafa'a antahi amara osu'naze.

Kamano

³⁴ Hianagi amage'ma nentaza disaipol nagamo'za fritena otigahue hiankemofo agafa'amo'a frakino oku'a me'negeno, ana kemofo agafa'a antahi amara osu'naze.

Luku 18:34 ပူးပေါင်းရင်းမြစ်များ

Maki 9:32

Hianagi ana naneke antahi ama nosu'za, antahige'zankura koro hu'naze.

Luku 18:33

Ana nehu'za, sefu amite'za, ahefrisageno friteno, ete tagufa knazupa otigahie.

Luku 2:50

Hianagi anagema hiankemofo agafa'a nerera'ene nefakea antahi amara osu'na'e.

Luku 24:25

Jisasi'a amanage huno zanasami'ne, Kasnampa vahe'mo'za hu'naza maka nanekegura negi nenetma tamagu'afina tamentintia nosaze!

Luku 24:45

Anante Jisasi'a zamaza huno antahintahizmia zamazeri ama hige'za, maka Anumzamofo avontafepima krente'nea kea antahini hu'naze.

Luku 9:45

Hianagi ana nanekea zamagritera frakino me'nege'za anankea antahi amara osazageno, zamagra ana nanekemofo agu'agesa'a antahi ama osu'za, azeri akona osu'naze. Ana nehu'za ana kegura koro hu'za antahi onke'naze.

Joni 10:6

Hagi Jisasi'a fronka kefinti zamasmineanagi, zamagra nankna kema Agrama zamasmiana, ana kemofo agafa'a antahi amara osu'naze.

Joni 12:16

Hagi agri amage nentaza disaipol naga'mo'za e'inama pusante hiazana antahi so'e osu'naze. Hianagi Jisasi'ma hanave'afi mrerino, Ra agi erige'za zamagra zamagesa nentahi'za, e'i Agriku huno avontafepina krente'negeno, amazana Agrite fore hie hu'naze.