3 Mose 3:14 - Anumzamofo Routage Avantafere

¹⁴ Ana afupintira arimpama erinovazi'nea afovane, maka agusu agesezama'anena, tevefi negreno,

3 Mose 3:14 ပူးပေါင်းရင်းမြစ်များ

Zmavarene 12:9

Hagi onte'nenia afuro, kavofima kre'nesaza afura onetma, aseni'ane, agigo'ane agusu agese zama'anena, maka tevefinke kregahaze.

Proveps-Knare Nomaniza 23:26

Mofavre'nimoke, kagu'tumoka'a Nagri nenaminka, kvuma ke'sanana, Nagri navu'navate kento.

ZEREMAIA 20:18

Nahigeno antanimo'a kasenante'nege'na, maka zupa hazenke zampine asunku zampinena mani'na ne-e'na, maka zupa nagazegura hu'na neoe.

3 Mose 3:13

atru'ma hu seli nomofo avuga agra ana ofama hu'naku'ma azerino esia meme afu'mofo asenire azana anteteno, anankena akafrinkeno, Aroni ne' mofavre'zamo'zama pristi eri'zama e'neri'zamo'za korama'a tagi'za erite'za kresramna vu itamofo maka asoparega rutri tri hugagigahaze.

3 Mose 3:15

tare kreso'ane, erinoma vazi'nea afovane, asumnane, eri tagatino erino,

3 Mose 4:31

Anantera arimpa fru ofama hu'neankna huno, maka afova tagatitregahie. Ana hanigeno pristi vahe'mo'za ana afova'a eri'za kresranma vu itare vu'za, Ra Anumzamofonte ome Kresramana vanageno, knare sramna nentahino muse hugahie. E'ina'ma pristi ne'mo'ma hanigeno'a, ana ne'mofo kumi'amofo nona hinkeno, Ra Anumzamo'a kumi'a atrentegahie.

3 Mose 9:20

ana afu'mofo amimizafi eri antageno Aroni'a kresramana vu itare kre'ne.

Matiu 22:37

Jisasi'a kenona'a asmino, Rana, kagrika'a Anumzana, mika tumokareti ene, mika kagu kamenteti ene, mika antahintahi ka'areti avesinto. (Diu-Kas 6:5)

Matiu 26:38

amanage huno zamasmi'ne, Nagu namemo'a tusiza huno kna nehuno, nazeri fri kante nevie. Amare mani'neta Nagrane kvahuta maniho.