Tite 3:5 - Féké Testament 1947

⁵ tane ga ti ka ba mboro ndingna pina guédék ko̱ na fèna mi nding ya, da ka ba mboro ko̱na haïo nè mi ko̱ kème kou na, ka mboro toura on ko̱ mi mboung na ba aféké, da baï féra na tèn fékékè ka mboro Saint‐Esprit,

Tite 3:5 ပူးပေါင်းရင်းမြစ်များ

2 Tim 1:9

Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

1 Corinthienli 6:11

Da njoukou hanali mbéo mbéo an zéng baï mi ndé kaou on jinguèl. Da ouime tourou tou, da ouime wal bi baï a Ouone fènè tou; da ouime gui guédék tou ka bil ling a Nanjou Jésus‐Christ, da ka mboro Esprit a Ouone na.

1 Titili Takarata a Pierre ko̱ dé 3:21

Gba mèrèn mbi on mi kou oui kassénaï on kéng, on mi sa ba yana baptême, ko̱ tane ti ba toura dakame an naïn‐mone ya, da ba sana bongbaï a bèla laou tounafèn an nona Ouone, ka mboro tomnahoul a Jésus‐Christ, an woro houli,

1 Titili Takarata a Pierre ko̱ dé 1:3

Mi same ba Ouone Baba a Nanjou na Jésus‐Christ, ko̱ ka mboro ndingna haïo nè nyèta kè mboung na ba aféké baï jingna oliya ko̱ yan, ka mboro tomnahoul a Jésus‐Christ an wora houli,

Romainli 12:2

Da oui tane féré laou baï ka mbora sakanaï ya, da oui komo, baï an ouime kaïn tèn jing féké laou‐kèrafèn, mono on, an ouime lé baï touna fèn on ko̱ mi na mara fal toula Ouone, fèn on ko̱ bèlta da mapélékè jing nè, da na guédék.

Éphésienli 2:4

Da Ouone ko̱ mi jing nguèra haïo baï kakaïya sénahang nè ko̱ kème sé hang na jing rou,

Éphésienli 5:26

baï an kème wal église bi baï a Ouone baï ko̱ kème tourou nè ka mbi ka mboro baïnjaka fènè tou.

Romainli 11:6

Da tokoré on mi yé ka ba mboro ndingna mbo̱l on mi tane ti ba baï pina ba aféké ya, maléba ndingna mbo̱l mi tane ti ba ndingna mbo̱l ba aféké ya. Da tokoré mi yé ka ba mboro pina, on mi tane ti ba ndingna mbo̱l ya, maléba pina mi tane ti ba pina ya.

Hébreuli 4:16

Mono on, dadaon an name guè bèl kangala njaka bara ndingna mbo̱l ndo̱t tane waou, an na mi jing haïo da nza ndingna mbo̱l baï léna mbèla ka name on ko̱ fèn mi nak na.

Colossienli 3:10

da oui bou ba féké njoukou on, ko̱ mi kaïn féré jing féké tounafèn, baï tèna mahana ka tétéme mona kè on ko̱ mi mosso nè jinguèl tou.

Galateli 2:16

da name toutou ko̱ njoukou mi gui guédék tane ti ka ba mboro ndingna pina guingna ya, da ka ba mboro tounassaon a Jésus‐Christ, mono on na fèna mi la Christ‐Jésus bi laou na tou, an name gui guédék ka mboro tounassaon a Christ, da tane ti ka ba mboro ndingna pina guingna ya, baï ko̱ ka mboro ndingna pina guingna yé naïn‐mone hana mbéo ba guina guédék tane tiya.

Romainli 3:20

Baï ko̱ ka mboro pina guingna tane ma baï ndingna naïn‐mone hana mbéo gui guédék an nonè ya, baï ka mboro guingna mi ko̱ none békéfèn wéré bi kala.

1 Titili Takarata a Pierre ko̱ dé 2:10

Oui on jinguèl oui tane ti ba mèran njoukouli ya, da kassénaï oui ba njoukouli a Ouone, oui on ko̱ tane ga jing haïo jinguèl ya, da kassénaï oui jing haïo tou.

Éphésienli 4:23

da oui féré ka tèn fékékè ka bil a esprit laou‐tounafèn abaï,

Romainli 3:28

Mono, na ko̱ko̱ ko̱ njoukou mi gui guédék mbo̱l tounassaon, da mi tane ti ka ba mboro ndingna pina guingna ya.

Romainli 9:11

Da ko̱ goundi mi tane ga tèn ya, da ko̱ kli ga nding bèlafèn maléba békéfèn ya, da baï badinafèn a Ouone ka mboro on ko̱ kè sane kli mi na bi, da mi tane ti ka ba mboro pina ya, da ka ba mbora kè on ho̱kè ko̱ mi di kli,

Saint Luc 1:78

Mbo̱l ndingna bèla haïo a Ouone na, Mono ko̱ bèla séssé mi tèn an nonkala gui mona tou,

Saint Luc 1:54

Kè lé mbèla njou‐bakara nè, Israël, An ndingna haïo nè mi tane hou laou‐è ya,

Saint Luc 1:50

Da kème nding haïo hi mèran njoukouli tèn mèran njoukouli, Hi kli on ko̱ mi waou nè.

Tite 3:4

Da ko̱ bèla go̱ro̱ a Ouone Njou‐yana‐baï‐toul ama tèn sénahang nè jing njoukouli mi tèn tou,

Romainli 9:30

Mono on, yé na sa ba fèn lé? mèran gentili on ko̱ mi tane ga sé mboro guédék ya, da klime jing guédék, tongna guédék on ko̱ mi gui ka mboro tounassaon.

Romainli 9:16

Mono on, ti ba a kè on ko̱ ji, maléba a kè on ko̱ mi ngou ya, da ba a Ouone ko̱ mi nding haïo.

Romainli 4:5

da kè on ko̱ mi tane nding pina ya, da kè la bilaou a kè on ko mi nding njou‐pongna Ouone gui guédék, mi kèn tounassaon amè kon toulè, mahana ko̱ kè ba guédék.

Saint Luc 1:72

Da baï ndingna haïo hi tangko nali, Ka bi laou‐è toul tangna fofoto bina go̱njakèli an none hana,

Hébreuli 6:6

Da afal da kli lé ka mborokè, on lata baï an klime féré tèn fékékè ka mboro hèkèna békéfèn, baï ko̱ klime féré bara Goune a Ouone ba aféké bi di‐croix baï akli fèn kli, da bi chonron nonè an nona ro̱kè.

Saint Matthieu 3:11

Babaï, mè nding baptême hi oui ka mbi, baï an ouime hèkè békéfèn baï; da kè on ko̱ gui fali kè njèrèn ta mi bon, da mè tane ga mapélékè baï bouna sabo̱ko̱ nè ya. Yé kè nding baptême hi oui ka ba Saint‐Esprit, da ka ba hèlè.

Romainli 11:14

Mono ka touya mè ma zara mèran njou‐naïn monili an klime passèra, da mè ma kou hanali an woro kli.

Hébreuli 10:22

An name guè monè jing go̱ro̱ on ko̱ na ka babaï, on ko̱ mi mba jing tounassaon, da kè wèn séme kon toul go̱ro̱ na baï toura béké laou‐tounafèn na tang da kè tourou kli‐mona ka bèla mbi,