Tite 3:2 - Féké Testament 1947

² klime tane poukou njoukouna mbéo ya, klime fa baï jing hana ya, klime kaou vomboï, da bou mone kli guè koukoula jing njoukouli bon,

Tite 3:2 ပူးပေါင်းရင်းမြစ်များ

Éphésienli 4:31

Da oui yèng bina gnana bo̱ko̱ bil baï da joungna hèrè, hèrè, da fanabaï, da poukounafèn tèn mèrèn Sènafènli bon mi ourou guèfal an woro baï.

Éphésienli 4:2

jing go̱ro̱ kaouna lome da bouna mone baï guè koukoula, tèn vonamboï, oui pan mone baï jing hana ka mboro sénahang,

1 Timothée 3:3

Kè tane hou houl vin ya, da tane ti ba njou‐wanafèn ya, da kème jing ndingna fèn pan bil bon, kè tane nza baï ya, da sé hang mbori ya.

1 Titili Takarata a Pierre ko̱ dé 3:10

Baï kè on ko̱ sé hang yana, Da kè ji ko̱na séssé ko̱ bèlta, An kème dèn léme sélè baï békéfèn; An kème dèn njakè baï sana rokonafèn.

1 Titili Takarata a Pierre ko̱ dé 3:8

Baï aféké on mi pane, oui bon bi hang baï toul laou kèrafèn mbéo, ka ko̱ hana passé, oui sé hang hana ta mahana ka yindi, ka ko̱ssé hi hana, da bou mone baï guè koukoula.

TAKARATA A JACQUES KO̱ DÉ 4:11

Yindi, oui tane sa bèlya kon toul hana ya. Njoukou on ko̱ mi sa bèlya kon toula yine hana, maléba kème wal baï kon toula yine nè kème sa bèlya kon ba toul guingna, ka wal baï hi ba guingna. Da tokoré mome wal baï kon toul guingna, mo tane ti ba njou‐pèngna fèn on ko̱ guingna mi koung ya, da mo ba njou‐walabaï.

Galateli 5:22

Da léna a Esprit ba, sénahang, jangnandaï, go̱ro̱ iki, kaouna vomboï, pan bil, bèla go̱ro̱, laïnabi,

Saint Matthieu 11:29

Oui bi hola gnana bi hana ni bi toul baï, da ya sanamboura ni, baï ko̱ mè nding fèn vomboï, da go̱ro̱ ni kaou lome; da laou baï ma nza mborokè baï yana tana nè.

1 Titili Takarata a Pierre ko̱ dé 2:1

Mono on, oui kon joungna go̱ro̱ bon pa, da vaïnafèn bon da ro̱ko̱nafèn bon da fanahang da béké baïli bon.

TAKARATA A JACQUES KO̱ DÉ 3:17

Da cho̱kna on ko̱ mi gui ka nonkala ka titilikè mi na tang fofoto, da afal mi jing vona go̱ro̱ ka pan, ka ji bo̱ko̱ baï rèkè dèk, ka mba jing haïo, da jing bèla lénakè ka tane lang ya, da tane mong fèn ya.

Galateli 6:10

Mono on, mane mboro bon, dadaon name nding bèlafèn hi njoukouli bon, da ta maïya an name nding bèlafén jing yine tounassaonli.

Galateli 6:1

Yindi, tokoré oui mi ko̱ njoukouna ko̱ mi lé ka mboro békéfèn, oui ko̱ ba a Esprit, oui sé ka ki nè gui bèla mboro jing esprit ndingna pan bil. Dadaon njoukou mane mbéo mbéo bon mi ènrèn monè fènè baï an kème ndé lé an guèl yaknafèn kéng ya.

1 Timothée 3:11

Mono dadaon, an waïnli kéng mi kaou ka mbonatoul, tane ti ba waïn poukounafènli ya, kli mang mone kli, waïn dikna laou kli jing fènli bon.

1 Thessalonicienli 2:7

Da name kaou ka pana bil an woro baï; mahana ko̱ ma mi mbé dodok goune nèli fènè.

Philippienli 4:5

Oui yèng an njoukouli bon mi toutou pana go̱ro̱ baï, Nanjou mi hèdi tou.

1 Corinthienli 9:19

Baï ko̱ tongna ko̱ mème tane ga kaou koï a njoukouna mbéo ya, mème tèn ba koï kli bon ka laou ni, baï an mème jing njoukouli nyèta guèbambèl.

2 Corinthienli 12:20

Baï ko̱ waou mi i mi ko̱ tokoré mème guè, ka touya mè ba ko̱na oui mahana ka on ko̱ mème tane ji ya, da oui ba ko̱na mi mahana ka on ko̱ ouime tane ji ya. Waou mi i mi baï ko̱ ka touya mè ma jing njakana, fanahang, hèrè, wala hana, fanabaï, dina ling njoukou, joungna mone, ndingna nzaou.

2 Corinthienli 10:1

Da mè Paul fèni, mè sa jo̱jo̱ baï mbo̱l bouna mone koukoula da ndingna pan bil a Christ, — mè on ko̱ mème pane jing oui go̱ro̱ ni kaou lome, da ko̱ mème tane ti jing oui ya, mè bi hang ni toul baï,

Pinali a Njou‐Mboro‐Pinali 23:5

Da Paul mi féré sa: Yindi, mè tane ga tou ko̱ kè ba zaworo sacrificateur ya, baï ko̱ on mi dé: Tane ma an mome sa baï bèlya kon toul ling a zaworo a mèran njoukou noli ya.

Jude 1:10

Da kli on, kli kèkè fèn ko̱ kli tane ga tou ya, fèn on ko̱ klime tou ka naïn‐mone, mahana ka naïnli tane tounafèn ya, kli bo mone kli an bil fèn on.

Jude 1:8

Da mahana on kli on kéng mi hi dakame hi naïn‐mone ka lo̱la akli, da kli pong njaka bara, da pouk jonafènli.

2 Pierre 2:10

da ta bon, kli on ko̱ sé fal naïn‐mone kli ka nzala naïn‐mone a fèn dakame, da jèk gangna pouli. Kli nding ndo̱t ka kaou wang, da kli tane ngou waou baï kèkèna jonafènli ya,

1 Titili Takarata a Pierre ko̱ dé 4:4

Da baï on laou kli dou baï ko̱ oui tane ngou mahana jing kli ya, baï ndingna békéfèn nyèta ta mahana ko̱ klime nding, da kli sa bèlya kon toul baï.

1 Corinthienli 6:10

maléba njou‐riyali, maléba njou‐fana hangli, maléba njou‐houl houl vondi, maléba njou‐poukouna fènli, maléba njou‐sènafènli, yé kli ba yana pélé bilkaou a Ouone tane tiya.