Tite 3:14 - Féké Testament 1947

¹⁴ Da dadaon njoukou nali mi ndé tou bong ndingna bèla pina kéng, baï jingnafèn on ko̱ mi pènrèn kli, mono on an klime tane kaou bo̱on tane léna lénakè ya.

Tite 3:14 ပူးပေါင်းရင်းမြစ်များ

Colossienli 1:10

baï séna ka mboro on ko̱ ma an nona Nanjou, ko̱ mi bi wélé toulè jing fènli bon, da oui lé lénakè jing bèla pina bon, da taïnkon ka mboro touna Ouone.

Tite 3:8

Baïnjaka aïn mi na lodok, da mè ji an mome sa toul fèn aïnli njèrèn ta, baï kli on ko̱ mi la bilaou a Ouone tou, mi bi hang kli toul ndingna bèla pina bon. Fèn aïnli mi bèlta an njoukouli mi jing fèn an ndourou.

Philippienli 1:11

Da an ouime mba ka léna a guédék on ko̱ mi ba ka mbora Jésus‐Christ, baï hina jonafèn ka jone Ouone.

Saint Matthieu 7:19

Dili bon on ko̱ mi lé bèla lénakè ya, yé kli ma koung ka wou kon hèlè.

2 Pierre 1:8

Da tokoré fèn aïnli mi na bil baï da ti guèbambèl, on ma yèng oui tèn jo̱jo̱ ya, malèba oui ti ba tou ya, baï touna Nanjou na Jésus‐Christ.

Philippienli 4:17

Tane ga ti ba ko̱ mème nza toul ndo̱ko̱ ya, da mème nza lénakè on ko̱ ma taïn nguèra abaï kon.

Éphésienli 4:28

Njoukou on ko̱ mi ri fèn dadaon an kème tane ri fèn ba aféké ya, da dadaon kème nding bèla pina jing ndo̱kè. Mono on, an kème jing fènli bi ndo̱kè baï hina njoukou on ko̱ fèn mi nak nè.

Saint Jean 15:16

Tane ga ti ba ouime ko̱ nza mi ya; da ba mème ko̱ nza oui, da sane oui tèn kala tou, baï an ouime sé, ka lé lénakè, da léna abaï ma na bi, da fèna on ko̱ ouime oui jing Baba, ka ling ni, yé kè ma hi oui.

Saint Jean 15:8

Ka mboro aïn mi ko̱ Baba ni mi ya jonafèn, tokoré ouime lé lénakè nyèta, mono yé oui ba njou‐séna bong nili.

2 Thessalonicienli 3:8

Da name tane ga son fèna an ndo̱ka njoukouna bo̱on ya; da, jing pina da to̱ko̱nassé, name nding pina ka séssé tèn hangnachoung baï an njoukouna an woro baï mi tane ko̱ na fourou monè ya.

Pinali a Njou‐Mboro‐Pinali 20:35

Da mème to̱ko̱ mboro fènli bon hi oui an ouime nding mahana ka on, dadaon oui lé mbèla njoukouli on ko̱ mi tane ti njèrèn ya, da oui bi laou baï toul baïnjaka Nanjou Jésus, ko̱ kè fènè mi sa: Samnafèn mana baï hinafèn ta yanafèn.

Saint Matthieu 21:19

Da kè ko̱ di njouï an bèl domboro, kè gui bèlkè; da kè ko̱ lénakè ya, ba goïkè ho̱kè, kè sa hi di on: Bo̱l tèn kassénaï mo ma ba léna ba aféké tane tiya, kambèlè. Da koukoulion di njouï mi ho̱ko̱ bon.

Pinali a Njou‐Mboro‐Pinali 18:3

da baï ko̱ kème nding mbé pina mahana ka kli, kème kaou jing kli, da klime nding, baï ko̱ kli ba njou‐mossona tenteli.

1 Thessalonicienli 2:9

Baï ko̱ oui tane ga yangnaran ya yindi, ndingna pina na tèn houna mbi an mona, name nding ka hangnachoung tèn séssé, an name tane son fèna abaï ya, ko̱ name sa mboura bèlabaï a Ouone hi oui jinguèl tou.

Romainli 15:28

Mono on, afal ko̱ mème nding fèn aïnli o̱tou, ka hi toul ndo̱ko̱ bon hi kli tou, yé mè ma sé guè mone baï, baï tana sé guè guèl Espagne.

Romainli 12:13

Oui hi fèn mone baïli, ko̱ mi nak njou‐lana‐bilaouli hi kli. Oui nding ko̱ko̱ guèbassoko.

Philippienli 4:16

Da tongna an pou Thessalonique oui pi fèn on ko̱ mi nak mi guè hi mi bo̱ko̱ mbéo da ndé pi ba an bo̱ko̱ sérékè.

Tite 2:8

Jing njèran baïnjaka on ko̱ njoukou mi tane ma baï sana baï kon toulkè ya, mono on an chonron mi sé bakèo̱, da kè ma jing fèna bèlya baï sana kon toul ling na ya.