Tite 2:14 - Féké Testament 1947

¹⁴ kè on ko̱ mi hi monè fènè baï toula, baï an kème ma baï chona na an mboro séla guingna bon, da baï a kè fènè mi tourou mèran njoukou tang fofoto, baï tèna ba dodok njoukou nèli, ko̱ none mi sènta baï ndingna bèla pina bon.

Tite 2:14 ပူးပေါင်းရင်းမြစ်များ

Hébreuli 9:14

Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?

Éphésienli 2:10

Baï ko̱ na ba fèn pina a Ouone ko̱ kème mosso ka bila Christ‐Jésus baï an name nding bèla pina, bèla pina on ko̱ Ouone mi badi jinguèl ka tang ambèl tou, dadaon an name sé rou.

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

1 Titili Takarata a Pierre ko̱ dé 1:18

Baï ko̱ oui toutou ko̱ mi cho oui ti jing fènli ko̱ poume maléba l’argent maléba l’or ya, ka mboro poulame séna abaï on ko̱ baba abaïli to̱ko̱ hi oui jinguèl.

Tite 3:8

Baïnjaka aïn mi na lodok, da mè ji an mome sa toul fèn aïnli njèrèn ta, baï kli on ko̱ mi la bilaou a Ouone tou, mi bi hang kli toul ndingna bèla pina bon. Fèn aïnli mi bèlta an njoukouli mi jing fèn an ndourou.

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

Galateli 3:13

Christ mi cho na an bo̱ko̱ poukounafèn an guingna tou, ko̱ kè fènè mi tèn ba fèn poukouna baï toula, baï ko̱ mi dé: Poukounafèn mana an toula njoukouli on bon ko̱ mi haka an toul di.

Galateli 2:20

Mè hou an di‐croix jing Christ tou, da tane ti ba mè on mi ko̱ yan ba aféké ya, da ba Christ mi ko̱ yan an bili; da yana on ko̱ mème yan jing naïn‐mone kassénaï, mè yan ka ba tounassaon on, ko̱ mi na an bila Goune a Ouone, kè on ko̱ mi sé hang ni ta, ka hi monè fènè baï touli.

1 Titili Takarata a Pierre ko̱ dé 1:22

Baï ko̱ ouime tourou laou baï ka mboro lana babaï, da oui sé hang yindi mahana ka yine baïli ka babaï oui sé hang hana nyè maïya ka go̱ro̱ bon.

Pinali a Njou‐Mboro‐Pinali 9:36

Da njou‐séna bong waïn hana mbéo makaou an pou Joppé ling‐é ba Tabitha, ling aïn mi sa ba Dorcas. Waïn aïn mi nding bèla pinali ta da nding ko̱ko̱ ta.

Apocalypse 1:5

da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,

Saint Matthieu 20:28

mahana ka Goune a njoukou mi tane ga gui ba baï yana bakara ya, da ba baï ndingna bakara tèn baï hina yana nè baï chona njoukouli nyèta.

Titili Takarata a Jean ko̱ dé 3:2

Oui ko̱ mème sé hang baï ta, kassénaï na ba goundi a Ouone. Da mi tane ga wéré nonkè bi kala hi na kong ba na ma tèn ane dé ya. Da name toutou on ko̱ kème gui, yé na ma tèn mabahana ka kè, baï ko̱ yé na ma ko̱ nè mahana ka on ko̱ kè makaou.

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

1 Titili Takarata a Pierre ko̱ dé 2:12

Da mboro séna a baï bèlta an wora gentili, mono on, ko̱ kli sa kon toul baï, yé ba njou‐ndingna bèlyali, kli ma jone Ouone ka name on ko̱ kè gui baï ko̱na kli, baï bèla pina abaï on ko̱ klime ko̱.

Galateli 1:4

kè on ko̱ mi hi monè fènè jinguèl, baï toul békéfèn nali, an kème ya na guèfal an bil béké saka aïnli kassénaï, ka mboro on ko̱ mi na mara fal toula Ouone Baba na;

Saint Jean 10:15

mahana ko̱ Baba fènè mi toutou mi da mè toutou Baba. Da mème yèng yana ni baï toula badouali.

Hébreuli 10:24

An na mi bi hang na toul hana an name lang hana baï sénahang da ndingna bèla pinali.

Tite 2:7

jing fènli bon mo nding mahana ka on, an klime ko̱ mo mahana ka mèrènkè a bèla pina bon, da ka mboro to̱ko̱nafèn no mo to̱ko̱ mborokè guédék da jing mbonatoul.

1 Timothée 6:18

An mome sa bi njaka kli an klime nding bèlafèn, an klime nguèrè jing bèla pina, an klime nding ko̱ko̱ ta ka laou kli ka wal fèn aklili.

Éphésienli 5:2

da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.

TAKARATA A JACQUES KO̱ DÉ 4:8

Oui dong guè bèl mona Ouone, da yé kè ma dong gui bèl mone baï. Oui tourou ndo̱ko̱ baï, oui njou‐békéfènli, oui tourou go̱ro̱ baï tang, oui njou‐laou séré séréli.

1 Timothée 2:10

Da klime bou ba bèla pina on ko̱ mabongkè baï an waïnli on, ko̱ mi sa kli kaou ka mboro pèngna bong njaka Ouone.

1 Timothée 2:6

kè on ko̱ mi hi monè fènè ba fèn chona baï toula njoukouli bon. Baï ko̱ bongbaï nè fènè ma to̱ko̱ name nè.

1 Timothée 1:15

Baïnjaka aïn mi na lodok, da mi ma an njoukouli bon mi ya, ko̱ Christ‐Jésus mi gui koukoula aïn baï yana baï toula njou‐békéfènli, da ko̱ mème ba titili njou‐békéfèn an woro kli.

Pinali a Njou‐Mboro‐Pinali 15:14

Yindi, oui la baï ni! Simon mi to̱ko̱ bongkè hi na ka mboro on ko̱ Ouone mi gui jinguèl guè ko̱na pime pouli baï sana njoukouli an woro kli baï toul ling‐è.

Pinali a Njou‐Mboro‐Pinali 15:9

da Ouone tane ga ko̱ na ka toul jing kli ya, baï ko̱ kème tourou go̱ro̱ kli ka mboro tounassaon.

Saint Jean 6:51

Mè ba mapa yana, on ko̱ mi diri gui tiya ka nonkala tou. Tokoré njoukouna mi son mapa aïn, kè ma yan kambèlè; da mapa aïn ko̱ mè ma hi, on ba naïn‐moni, baï hina yana hi njou‐koukoulali.

Saint Matthieu 3:12

Da fèn féna mana an ndo̱kè: da kè ma fé guèl baï wana mèrèn fèn nè tang ta. Da kè ma ndoï mèrèn mapa nè kon poul, da kè ma kon sadakèli hèlè ko̱ mi tane hou ya.

Saint Matthieu 1:21

da yé kè ma mboung ba goune wonron, da mo ma bi ling‐è ba Jésus; baï ko̱ kè mini ko̱ ma kou njoukou nèli baï békéfèn aklili.

Pinali a Njou‐Mboro‐Pinali 20:28

Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.

Éphésienli 1:11

Name ndé tèn ba njou‐yana péléli ka bilè kéng, baï ko̱ mi ti sane na ka tang ambèl ka mboro badinafèn nè ko̱ kème nding fènli bon ka bong kèrafèn nè ko̱ mi na mara fal toulè,

Hébreuli 1:3

Kè on ko̱ ba chana a jonafèn a Ouone, da kè ba gba dodok tétéme amè fènè, da tone fènli bon, ka baïnjaka njèran nè, ko̱ kè fènè mi tourou békéfènli bon guèfal tou, da kaou mboro wonron ndo̱ka Gangna a Ouone an sèkèrè guèl ndèk an nonkala.

Titili Takarata a Jean ko̱ dé 1:7

Da tokoré name sé an bil takanafèn, mahana ko̱ kè fènè mi kaou an bil takanafèn, name vo ka go̱ro̱ mbéo an woro hana, da séme a Jésus Goune nè mi tourou békéfèn na bon guèfal.

Titili Takarata a Jean ko̱ dé 1:9

Tokoré name hèkè békéfèn nali bi kala, kè ba lodok da guédék baï yèngna bi mboro békéfèn nali ka tourou békéfèn na bon guèfal.