Tite 2:12 - Féké Testament 1947

¹² da mi to̱ko̱ hi na an name njomo pongna Ouone tèn nzala a koukoula a saka naï, baï pèngna mona jing mbonatoul, da ndingna guédék, da baï pèngna bong njaka Ouone ka saka naï kassénaï.

Tite 2:12 ပူးပေါင်းရင်းမြစ်များ

Saint Matthieu 16:24

Da on, Jésus mi sa hi njou‐séna bong nèli: Tokoré njoukouna mi ji guina fali, dadaon an kème njomo monè fènè, da bi di‐croix nè, ka gui fali.

Romainli 6:19

Mè sa mahana ka mbora njoukouli, baï ko̱ naïn‐mone baï mi na hèfèrè. Mahana ka on ko̱ ouime jo̱l fèn kli‐mone baïli jinguèl, tèn koï a ladidifèn da séla guingna, ko̱ kan baï séla guingna, mono on, oui ndé hi fèn mone baïli kassénaï tèn koï baï ndingna guédék, ko̱ mi kan baï wala mone baï bi baï a Ouone.

2 Pierre 2:9

Nanjou mi toutou mboro baï léna mbèla njou‐guédékli an guèl yaknafèn, da pèng njoukouli ko̱ pong Ouone baï jingna barabaï ka name walabaï,

Titili Takarata a Jean ko̱ dé 2:6

Kè on ko̱ sa ba kème bi an bilè, dadaon an kème ndé sé kéng mahana ko̱ kè fènè mi ti sé jinguèl.

2 Tim 3:12

Ka babaï kli on bon ko̱ mi ji kaouna ka mboro pèngna bong njaka Ouone ka bila Christ‐Jésus, yé kli ma to̱ko̱ssé.

Apocalypse 14:12

Da guèl on ko̱ mi ba laïnabi a njou‐lana‐bilaouli kli on ko̱ pèng bong bina baïnjaka guingna Ouone, da tounassaon a Jésus.

Saint Luc 1:75

Ka mboro sèna ka tangna go̱ro̱ fofoto da ndingna guédék an nonè, ka name yana nali bon.

1 Thessalonicienli 4:7

Baï ko̱ Ouone mi tane ga di na baï ndingna ladidifèn ya, da ba baï wala mona bi baï nè fènè.

Tite 3:3

baï ko̱ ka tang ambèl na kéng ba ngawa, name fa baï, name la mongnafèn, name tèn koï hi nzala naïn‐mone da fèn jangnandaï toutoul toutoul, name kaou jing sènafèn da name fan hang, ka ma baï an njoukouli mi jèk na, da name jèk hana.

1 Thessalonicienli 4:9

Da baï toul sénahang hana yindi, an mi ma an mème dé ba takarata hi oui ya; baï ko̱ Ouone mi to̱ko̱ hi oui fènè baï séna hang hana.

Éphésienli 2:2

guèl ko̱ ouime sé rou jinguèl ka bong séna an bilkaou koukoula aïn, ka mboro zaworo a njèranli an siya, ka esprit on ko̱ kassénaï mi nding an bila goundi a njoukouli on ko̱ fa baï.

Romainli 12:2

Da oui tane féré laou baï ka mbora sakanaï ya, da oui komo, baï an ouime kaïn tèn jing féké laou‐kèrafèn, mono on, an ouime lé baï touna fèn on ko̱ mi na mara fal toula Ouone, fèn on ko̱ bèlta da mapélékè jing nè, da na guédék.

Romainli 6:12

Mono on, oui yèng an békéfèn mi tane na gangna toul kli‐mone poumna abaï ya, baï an ouime ma baï lana nzalakè ya.

Saint Matthieu 28:20

ka to̱ko̱ hi kli baï bouna fal fènli bon ko̱ mème sa bi njaka baï. Da mono mè ma kaou jing oui name bon bo̱l tèn sèkèrè name a koukoula.

Titili Takarata a Jean ko̱ dé 2:27

Da baï abaï, baï toul ko̱na samnafèn on ko̱ ouime jing an ndo̱kè jinguèl mi bi an bil baï, da mi tane ma an njoukouna mi sa ba baï hi oui ya; da baï ko̱ baï samnafèn on mi to̱ko̱ fènli bon hi oui da baï on ba babaï ka tane ti ba wo̱ko̱ ya, mahana ko̱ baï on mi to̱ko̱ hi oui, oui bi an bilè.

2 Pierre 3:11

Baï fènli on bon yé yéli, mahana ka on, oui ma baï kaouna mahana ka njoukouli ba fèn ka mboro séna abaï, tangna fofoto da ka mboro pèngna baïnjaka a Ouone dé?

Hébreuli 8:11

Da kli ma to̱ko̱ njoukouli bon hi njou‐ndo̱ko̱ba goto pou kli ba aféké ya. Maléba njoukouli bon ma to̱ko̱ hi yine nè ya, ko̱ sa: Mo toutou Nanjou! Baï ko̱ yé njoukouli bon ma toutou mi bèlta, Tinassaonkè jing kè on ko̱ ba lélékè ta bo̱l tèn on ko̱ ba loukoukè an woro kli.

1 Timothée 6:17

Mo sa bi njaka kli on ko̱ mi jing fèn nguèra an koukoula aïn kassénaï an klime tane joung mone kli ya, da an klime tane bi hang kli ka oli nguèra on ya, ko̱ yé ma o̱ bon, da klime bi hang kli ba toula Ouone kè on ko̱ mi hi bèla fènli bon guèbambèl hi na, baï an name jangndaï.

1 Timothée 4:12

Mo yèng an njoukouna mbéo mi tane jèk mo ya, baï ko̱ mo mi pane ba bala goune; da mo tèn ba mèrènkè baï a kli on ko̱ la bilaou, ka baïnjaka, ka tangna bong séna, ka sénahang, ka tounassaon, tèn ka go̱ro̱ tang fofoto.

Colossienli 1:22

da kassénaï Christ mi nding da oui mi kon ndo̱ko̱ fal hana jing nè, ka kli‐mone a naïn‐monè ka mboro houl, baï an kème ya oui guè monè tang fofoto, tane bila da ka rongo.

Galateli 5:24

Da kli on ko̱ ba a Christ‐Jésus mi bara naïn‐mone kli bi di‐croix tou, jing nzala naïn‐mone akli tèn jinafèn aklili.

Galateli 1:4

kè on ko̱ mi hi monè fènè jinguèl, baï toul békéfèn nali, an kème ya na guèfal an bil béké saka aïnli kassénaï, ka mboro on ko̱ mi na mara fal toula Ouone Baba na;

2 Corinthienli 7:1

Mono on, yindi ko̱ mème sé hang baï nyèta, baï ko̱ name jing bina gonjaka on, dadaon an name tourou go̱ro̱ na fèna jing fèn dakamli bon a naïn‐mone, tèn esprit na, da gui jing tangna go̱ro̱ fofoto ka ngou waou nona Ouone.

2 Corinthienli 1:12

Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.

Romainli 8:13

Da tokoré ouime yan ka ba fala naïn‐mone, oui ma hou; da tokoré ouime i pina kli‐mone baïli ka mbora Esprit, yé oui ma yan.

Pinali a Njou‐Mboro‐Pinali 24:25

Da ko̱ kème wara toul ndingna guédék da toul gnèrèn nzala naïn mone, da baï walabaï on ko̱ nding baï guina, waou mi ba Félix maïya, da kème féré sa: Mo sé kassénaï, ko̱ mème ko̱ name aféké bèl moni, yé mè ma di mo gui moni:

Pinali a Njou‐Mboro‐Pinali 24:16

Baï on mi ko̱ mè joung hang ni baï kaouna ka laou‐tounafèn ni tang guèbassoko an nona Ouone tèn nona njoukouli.

Titili Takarata a Jean ko̱ dé 5:19

Name toutou ko̱ na ba a Ouone da koukoula aïn bon mi na an bo̱ko̱ njèran a njou‐békékè.

Éphésienli 1:4

Mahana ka on ko̱ kème ti sane na an bilè ambèl ka titilikè hi name mossona koukoula, baï an name gui tang fofoto, tane bila guè monè ka bil sénahang.

Saint Jean 14:30

Yé mè ba sana baï nyèta ba aféké jing oui tane tiya; baï ko̱ zaworo a koukoula aïn mi gui, da fèna nè mbéo tane ga ti jing mi ya.

Saint Jean 6:25

Da ko̱ klime jing nè an mboro hélé loukou mbi, kli sa hi nè: Rabbi, mo kan guèl aïn kassé hane dé?

Saint Luc 1:6

Kli séré bon mi kaou guédék an nona Ouone. Kli sé tangta ka mboro bina baïnjaka guingna, ka nding dofènli a Nanjou bon ka rongo.

Jude 1:18

ko̱ klime sa hi oui: Ka sèkèrè name yé njou‐gaïna njoukouli makaou, kli sé fal nzala akli ko̱ pong Ouone.

2 Tim 4:10

Baï ko̱ Démas mi yèng mi tou, baï ko̱ kème sé hang saka aïn, ka sé guè pou Thessalonique; Crescens mi sé guè guèl Galatie tou, Tite mi sé amè guè pou Dalmatie.

Saint Matthieu 12:32

Da njoukou on ko̱ mi sa baïnjaka bèlya kon toula Goune a njoukou, kè ma jing yèngna bi mborokè; da njoukou on ko̱ mi sa bèlya kon toula Esprit, yé kè jing yèngna bi mborokè ya, name an koukoula aïn da name ko̱ nding baï guina.

1 Timothée 6:9

Kli on ko̱ mi kèrè baï jingna nguèra klime lé guèl yaknafèn, ka ba ndaou jing nzala ngawa maïya, tèn nzala on ko̱ mi hi go̱ro̱ séta, fèn on ko̱ mi bine njoukouli ka bo kli, da klime hou an guèl hèlè.

TAKARATA A JACQUES KO̱ DÉ 1:27

Tènrèn baï a Ouone ko̱ mi na tang fofoto, da tane békéfèn mbéo ya an nona Ouone da Baba na ko̱ manaï, baï séna ana goune sèlali tèn waïn soréli on ko̱ mi kaou jing to̱ko̱nassé klili, da baï pèngna monè fènè baï toul békéfènli bon an bilkaou koukoula aïn.