Saint Matthieu 9:2 - Féké Testament 1947

² Da mono, kli bi njou‐jangma yawè, ko̱ na bou toko. Da ko̱ Jésus mi ko̱ tounassaon akli kè sa hi njou‐jangma yawè: Goune ni, bi hang‐o̱ guè tiya, mè yèng bi mboro békéfèn noli tou.

Saint Matthieu 9:2 ပူးပေါင်းရင်းမြစ်များ

Saint Matthieu 9:22

Da ko̱ Jésus mi ki monè, kè ko̱ nè, ka sa: Goune waïn, mo bi hang‐o̱ guè tiya, tounassaon no mi haï mo tou. Da mona waïn aïn mi haï ka mbé l’heure o̱kèo̱.

TAKARATA A JACQUES KO̱ DÉ 2:18

Da yé njoukouna ma sa: Amo, mo jing tounassaon; da ami mè jing ba pinakèli. Mo to̱ko̱ tounassaon ni hi mi on ko̱ mi na tane pinakèli, da yé mè ma to̱ko̱ tounassaon ni hi mo ka mboro pina nili.

Pinali a Njou‐Mboro‐Pinali 19:12

mono klime bi la kli‐mone klili da la takanaronali ka da mona Paul rou, da féré rou ka kon mona njou‐jangmali, da njangmali toutoul mi haï an mone kli, ka béké esprit mi tèn kala.

Saint Jean 21:5

Da mono Jésus mi sa hi kli: Goundi, fèn sona mana lé? Klime féré sa hi nè: Haï.

Saint Matthieu 8:10

Da ko̱ Jésus mi la baï on laou‐è mi sé siya, da kè sa hi kli on ko̱ sé falè: Babaï, mi mè sa hi oui, mè tane ga ko̱ loukou tounassaon mahana ka aïn ya, tèn njoukouna an Israël ya.

Saint Matthieu 4:24

Da baï nè mi ti tèn guèl Syrie bon, da kli fan njou‐jangmali bon tèn njou‐sétali ko̱ jangma akli mi na toutoul guè monè, da njoukouli ko̱ kaou jing zabololi, da njou‐ndoïjoulouli, da njoukouli ko̱ mone klime houwè; da kè haï mone kli bon.

Romainli 5:11

Da tane ti ba fèn on ka ho̱kè ya, da name ndé jangndaï ka bila Ouone ka mbora Nanjou na Jésus‐Christ, da mbo̱l kè ko̱ kassénaï name jing fèn ko̱na ndo̱ko̱ na fal hana.

Pinali a Njou‐Mboro‐Pinali 14:9

Kè la baï ko̱ Paul mi sa, da Paul mi ènrèn nè mbilili, ka ko̱ko̱ ko̱ kème jing tounassaon ma baï haïna monè,

Saint Jean 16:33

Mè sa fèn aïnli hi oui, baï an ouime jing go̱ro̱ iki an bili. Oui ma to̱ko̱ssé nyèta an bilkaou koukoula aïn, da oui kaou ka go̱ro̱ iki, baï ko̱ mème gnèrèn bilkaou koukoula aïn tou.

Saint Matthieu 9:6

Da ba baï an ouime toutou ko̱ Goune a njoukou mi jing njèran an koukoula ma baï yèngna bi mboro békéfènli, da kè sa hi njou‐jangma yawè on: Mo ourou siya ka bi toko no ka sé guè bil voulo̱.

Saint Matthieu 8:16

Da ko̱ bèlaléou mi lé tou, kli fan njoukouli nyèta jing zabololi guè mona Jésus. Da kè ni espritli tèn kala ka baïnjakè, da kè haï mona njou‐jangmali bon,

Saint Jean 2:25

Kè tane ga ji ba njoukouna mi to̱ko̱ bongbaï a njoukou hi nè ya; baï ko̱ kè fènè mi toutou laou a njoukouli bon.

Saint Marc 5:34

Da Jésus mi sa hi nè: Goune waïn ni, mbol tounassaon no mi ko̱ mono haï tou; mo sé ka go̱ro̱ iki, da mono haï baï a béké jangma on.

Saint Marc 1:32

Ka bèlaléou ko̱ séssé mi ri tou, klime fan njou‐jangmali bon gui monè, tèn njoukouli on ko̱ mi jing zabololi.

Saint Matthieu 6:12

da yèng bi mboro békéfèn na mahana ko̱ na mi ndé yèng bi mbora kli on ko̱ mi nding békéfèn jing na kéng;

Saint Matthieu 9:5

An hane mi la maïya lé? Baï sanakè ba: Mè yèng bi mboro békéfèn noli tou, maléba baï sanakè ba: Mo ourou siya ka sé lé?

Saint Matthieu 14:27

Da koukoulion, Jésus mi sa baï jing kli, ka sa: Oui bi hang baï guè tiya, mè mini; oui ngou waou ya!

Saint Marc 6:50

baï ko̱ kli bon mi ko̱ko̱ nè, da waou mi i kli maïya. Da koukoulion kème sa baï guè hi kli, ka sa: Bi hang baï guè tiya, mè mini, oui ngou waou ya!

Saint Marc 10:49

Da Jésus mi koung o, ka sa: Oui di nè gui. Da klime di njou‐foukoura none on, ka sa hi nè: Mo bi hang‐o̱ guè tiya, mo ourou siya, ba kè di mo.

Pinali a Njou‐Mboro‐Pinali 23:11

Da ka hangnachoung afal aïn Nanjou mi tèn gui ka o bèl monè, da sa: Mo bi hang‐o̱ guè tiya; baï mahana ko̱ mome sa bongbaï ni an pou Jérusalem, mono dadaon mo ma ndé sa bongbaï ni an pou Rome kéng.