Saint Matthieu 7:25 - Féké Testament 1947

²⁵ Da mbame mi to̱, da mbi mi ou, da koukouna mi kou, ka fan kon voulou on, da kè tane lé ya, baï ko̱ bètèkè mi na ba toul kone.

Saint Matthieu 7:25 ပူးပေါင်းရင်းမြစ်များ

TAKARATA A JACQUES KO̱ DÉ 1:12

Jangnandaï ba baï a njoukou on ko̱ mi kaou pou jing pana mone an bil yaknafèn; baï afal ko̱ mi lé nè ka ko̱ nè mabongkè, yé kè ma jing mbélé couronne yana ko̱ Nanjou mi bi gonjaka hi kli on ko̱ mi sé hang‐è.

1 Titili Takarata a Pierre ko̱ dé 1:7

baï léna tounassaon abaï ko̱ ba kakaïya fèn ta réme l’or on ko̱ limna (tongna ko̱ hèlè mi lé nè), mi wéré nonkè bi kala baï jona da hi jonafèn da dikna ka name guina a Jésus‐Christ,

Colossienli 2:7

Oui tèn mahana ka on ko̱ saonkè mi ri dita an koukoula, da oui hon an bilè, da oui kaou pou wang ka tounassaon abaï mahana ko̱ klime sa mboura hi oui jinguèl, da kaou koukoula hi Ouone guèbambèl.

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

Pinali a Njou‐Mboro‐Pinali 14:22

Klime iki laou a njou‐sèna bongli, da wara kli baï laïnabi jing tounassaon, ka sa: Baï ko̱ ka mboro to̱ko̱nassé nyèta, dadaon mi yé na ma ri sé bilkaou a Ouone.

Éphésienli 3:17

Mono on an Christ mi bi an bil go̱ro̱ baï ka mboro tounassaon; an saon baï mi ri dita ka pou bi an bil sénahang.

Titili Takarata a Jean ko̱ dé 2:19

Kli tèn kala an woro na tou, da klime tane ti ba dodok amali ya; baï ko̱ tokoré klime yé ba dodok amali, klime ti bi jing na, da fèn on mi tèn tou baï wéra nonkè bi kala ko̱ kli bon mi tane ti ba dodok amali ya.

Saint Matthieu 16:18

Da mè sa hi mo kéng, mo ba Pièrre (kone) da yé mè ma za église ni bi toul loukou kone aïn da njaka mboro an guèl kaouna a houlkèli tane ma baï gnèran nè ya.

Saint Matthieu 7:24

Mono on, njoukouna ko̱ mi la baïnjaka ni, da nding fèn aïnli ko̱ mème sa, ka ko̱ nè mahana ka ho̱ko̱na njoukou, ko̱ za voulè an toul kone.

Saint Matthieu 7:26

Da njoukouna ko̱ mi la baïnjaka ni, da nding mahana ko̱ mème sa ya, ka ko̱ nè mahana ka ba njou‐ngawa ko̱ mi za voulè an toul sarika.

Saint Matthieu 7:27

Da mbame mi to̱, da mbi mi ou, da koukouna mi kou, ka fan kon voulou on, da kè lé, da bèssi kon nyèta.