Saint Matthieu 7:15 - Féké Testament 1947

¹⁵ Oui ngou mboro wo̱ko̱ prophèteli ko̱ bou ga badoua ka gui mone baï, da an bil kli, kli ba naïn loupli ko̱ nzala i kli nyèta.

Saint Matthieu 7:15 ပူးပေါင်းရင်းမြစ်များ

Titili Takarata a Jean ko̱ dé 4:1

Oui on ko̱ mème sé hang baï ta, oui tane la bilaou a espritli bon ya; da oui lé espritli on baï touna kong kli ba a Ouone baï ko̱ kassénaï wo̱ko̱ prophèteli nyèta mi sèrè an koukoula aïn.

Saint Matthieu 24:11

Da wo̱ko̱ prophèteli nyèta ma tèn, ka mong njoukouli nyèta.

Colossienli 2:8

Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

Apocalypse 19:20

Da kli ba naïn on, da wo̱ko̱ prophète on jing nè, ko̱ nding fèn to̱ko̱nakèli an nonè, jing fèn sakame on ko̱ kè mong njoukouli on ko̱ ya déna a naïn on jinguèl, da kli on ko̱ houkou an mbèla tétéme nè ka hiou nè, mi wou kli séré bon bou bil étang hèlè, ko̱ jang ta jing soufre, ko̱ kli pane yana.

Jude 1:4

Baï njoukou hanali ko̱ro an woro baï ka foli, da kli mini ko̱ takarata mi wal baï kon toul kli jinguèl ka titilikè, njoukouli on ko̱ pong Ouone ko̱ ki ndingna mbo̱l an Ouone ama ba ladidifèn da kli pong njou‐to̱ko̱nafèn mbéo on ama ko̱ ba Nanjou Jésus‐Christ.

2 Pierre 3:17

Mono on, oui ko̱ mème sé hang baï nyèta, baï ko̱ oui tou fènli on jinguèl, ka kome, oui pèng mone baï, baï an béké njoukouli ni ta toul baï ka wo̱ko̱ akli ya, an ouime lé an mboro dodok laïnabi abaï ya.

Saint Luc 6:26

Go̱ro̱ séta mi ba baï abaï, ko̱ njoukouli bon mi sa bèlta kon toul baï, baï ko̱ baba klili mi ndé nding mahana ka on hi wo̱ko̱ prophèteli jinguèl!

2 Tim 3:13

Da yé béké njoukouli tèn njou‐mongnafènli ma ti ka taïnkon nyèta guèbambèl jing békéfèn, da kli ma mong njoukouli da njoukouli ma mong kli.

2 Tim 4:3

Baï ko̱ yé namkè ma gui o, ko̱ kli ba bouna toul kli baï lana kakaïya to̱ko̱nafèn tane tiya; da baï ko̱ soukou kli mi ma baï lana fènli on ko̱ mi bèl mone kli, kli nza ro̱kè njou‐to̱ko̱nafènli hi kli ka mbora nzala naïn‐mone kli fèn kli.

Philippienli 3:2

Oui ènrèn mone baï jing nvali, ènrèn mone baï jing njoukouli on ko̱ nding béké pinali, ènrèn mone baï jing njou‐koungna mondi.

Éphésienli 4:14

Mono on, an name tane kaou mahana ka goundi ba aféké ya, ko̱ koukouna to̱ko̱na fènli toutoul toutoul bon mi lang na kan kini kan soko, ka fan na mahana ka fèn on ko̱ na none mbi ka mboro cho̱kna bounabong mongnafèn a njoukouli, ko̱ mi mong fèn ka mboro wo̱ko̱li.

Galateli 2:4

Da fèn on ba wo̱ko̱ yindi ko̱ mi gui ka fo̱li, mahana ka njou‐ana bong touna séna na ka laou na an bila Christ‐Jésus, an klime ba na tèn koï.

Saint Luc 12:15

Da kè sa hi kli: Oui pèng mone baï fèn baï, an ouime bi hang baï toul fèna ya; baï ko̱ yana a njoukou mi tane ga é monè toul fènli nyè maïya on ya, ko̱ mi yé jing nè.

Apocalypse 16:13

Da mè ko̱ dakame espritli saï, mahana ka maguéngli ko̱ tèn kala an njaka loukou choï, da an njaka naïn on, da an njaka woko prophète on.

Éphésienli 5:6

Oui yèng an njoukouna mbéo mi tane mong oui jing baïnjaka bo̱on ya; baï ko̱ toul fèn aïnli hèrè a Ouone mi lé toula goundi on ko̱ mi fa baï.

Pinali a Njou‐Mboro‐Pinali 13:40

Mono on, oui pèng mone baï bélta, an baï on ko̱ mi sa an bil takarata prophèteli, mi gui mone baï ya:

Saint Jean 10:12

Da njou‐pina ko̱ mi tane ga ti ba njou‐kora‐badoua ya, da badouali mi tane ga ti ba amè ya, da ko̱ kème ko̱ naïn loup mi yé guina, kè yèng badouali ka ngou, da naïn loup mi ba kli, da badouali mi yaïli.

Saint Matthieu 16:11

Baïfèn da oui tane ga tou ya ko̱ mè tane ga sa baï toul tarou hi oui ya lé? Da oui ngou vounafèn a pharisienli da sadducéenli.

Saint Matthieu 16:6

Da Jésus mi sa hi kli: Oui pèng mone baï ka ngou vounafèn a pharisienli da sadducéenli.

Saint Matthieu 10:17

Da oui ngou mboro a njoukouli; baï ko̱ kli ma souti oui bi ndo̱ka njou‐walabaïli, da yé kli ma jo̱ oui ka baraza an bil synagogue aklili.

Apocalypse 17:6

Da mè ko̱ waïn on ko̱ séme a njou‐lana‐bilaouli, da séme a njou‐sana?-?bongbaïli a Jésus mi i nè mahana ka houl vone. Da ko̱ mème ko̱ nè laou ni dou ta.

Pinali a Njou‐Mboro‐Pinali 13:6

Da ko̱ klime sèrè mane bil koua bon, kli kan pou Paphos, da klime jing njou‐ngala njènrèn hana mbéo an soko, prophète wo̱ko̱, ko̱ ba Juif, ling‐è ba Bar‐Jésus,

Saint Matthieu 7:14

Baï domboro baï séna kan yana kambèlè mi tane ta, da njakakè mi aya, da njoukouli nyè ya ma jing njakakè.

Apocalypse 20:10

Da zabolo on ko̱ mong kli, mi wou nè bou bil étang hèlè da soufre, an guèl on ko̱ naïn on da wo̱ko̱ prophète ndé na rou kéng. Da kli ma to̱ko̱ssé ka séssé da ka hangnachoung kambèlè go̱ kambèlè.