Saint Matthieu 6:5 - Féké Testament 1947

⁵ Da ko̱ ouime hiou Ouone, oui tane nding yé ba njou‐mongnafènli ya, baï ko̱ hang kli mi na toul hiouna Ouone ka o an bil synagogueli da wana domboroli kéng, baï an njoukouli mi ko̱ kli. Babaï, mi mè sa hi oui, kli ya ko̱ko̱ akli o̱tou.

Saint Matthieu 6:5 ပူးပေါင်းရင်းမြစ်များ

Saint Matthieu 6:2

Mono on, ko̱ mome hi toul ndo̱ko̱, mo oul gaga dambèl hi mo ya, mahana ko̱ njou‐mongnafènli mi nding an bil synagogueli, da kli ndé nding an domboroli kéng, an njoukouli mi jone kli: Babaï, mi mè sa hi oui, kli ya ko̱ko̱ akli o̱tou.

Saint Luc 18:13

Da njou‐mangna l’impôt mi o amè fal dita, da kè tane ji baï bina nonè guè siya guè nonkala ya; da kè dou goudi nè, ka sa: Ouone mo nding haïo hi mi, mè ba béké njoukou.

Saint Marc 11:25

Da ko̱ ouime o baï hiouna Ouone, tokoré ouime yé jing baï hana kira njoukouna, oui yèng bi mborokè hi nè, mahana ko̱ Baba baï on ko̱ kaou nonkala mi yèng bi mboro békéfèn baïli.

Saint Luc 20:47

Kli son voula waïn soréli da baï mongna njoukouli kli noïli bi hiouna Ouone bongkè dita. Yé kli ma ya barabaï nyè maïya.

TAKARATA A JACQUES KO̱ DÉ 4:6

Da kème hi ndingna mbo̱l guèbambèl, baï on ko̱ Takarata a Ouone mi sa: Ouone mi pong njou‐gnaïna, Ka hi ndingna mbo̱l hi njoukouli on ko̱ bou mone kli guè koukoula.

Saint Luc 18:1

Da Jésus sa ébèlbaï hi kli, baï to̱ko̱na hi kli an mi mabongkè an klime hiou Ouone guèbassoko, ka tan ya.

Éphésienli 6:18

Jing hiouna Ouone ka sana jo̱jo̱ nè oui hiou nè ka bila Esprit guèbassoko. Mono on, oui zèng mboro jing laïnabi ka sa jo̱jo̱ Ouone nyèta baï toula njou‐lana‐bilaouli bon.

Saint Luc 11:43

Go̱ro̱ séta mi ba baï abaï, oui pharisienli! baï ko̱ ouime sé hang titili kangalali an bil synagogueli, da oui ji ba an njoukouli mi name oui an guèl zénacho̱ko̱li.

Saint Matthieu 21:22

Da fènli on ko̱ ouime oui, ka mboro hiouna Ouone, ka la bilaou, yé oui jing.

1 Thessalonicienli 5:17

Oui laïbi hiouna Ouone.

Saint Jean 16:24

Bo̱l tèn kassénaï oui tane ga oui fèna mbéo ka ling ni ya. Oui oui da yé oui ma ya, yé jangnandaï abaï mi mba.

Saint Marc 12:38

Ko̱ kème yé to̱ko̱nafèn, kè sa ba: Oui ngou mbora njou‐to̱ko̱na bong guingnali ko̱ mi ji baï séna jing péna la vou vou, ka ji ba njoukouli mi name kli an guèl zénacho̱ko̱li;

Saint Matthieu 9:38

Mono on, oui sa jojo Nanjou waka on an kème pi njou‐bakarali gui bil waka, ko̱ to maïya.

Saint Matthieu 23:13

Go̱ro̱ séta mi ba baï abaï njou‐to̱ko̱na bong guingnali tèn pharisienli, oui njou‐mongnafènli! baï ko̱ oui tou njaka bilkaou an nonkala hi njoukouli; baï ko̱ oui fèn baï ri bilkè ya, da oui ji yèngna an klime ri bilkè ya, ko̱ mi ji rina bilkè.

Saint Matthieu 23:6

da hang kli mi na toul titili guèl kaounali an guèl name sona gnèna laka, da titili kangalali an bil synagogueli;

Saint Matthieu 6:16

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou.

Saint Matthieu 6:1

Oui pèng mone baï bèlta an ouime nding ndingna guédék abaï an nona njoukouli ya, baï an klime ko̱ oui; maléba ouime nding on, yé oui pènrèn toul ndo̱ko̱ abaï jing Baba abaï ko̱ kaou an nonkala.

Saint Matthieu 23:5

Da kli nding pina akli bon baï an njoukou afékéli mi ko̱ kli; baï ko̱ kli nding fèn phylactére akli loukoukè, da kli ji njaka la aklili mi na vouvou ka ata;

Saint Luc 6:24

Da go̱ro̱ séta mi ba baï abaï ko̱ nguèra ta, baï ko̱ yé oui ya vona go̱ro̱ abaï o̱tou!