Saint Matthieu 6:33 - Féké Testament 1947

³³ Da oui ti nza bilkaou a Ouone da ndingna guédék nè ti dambèl, da yé kè ma ndé hi fèn aïnli bon hi oui kéng.

Saint Matthieu 6:33 ပူးပေါင်းရင်းမြစ်များ

Saint Luc 12:31

Da oui nza bilkaou a Ouone ti dambèl; da yé kè ma ndé hi fèn aïnli hi oui kéng.

Saint Matthieu 5:6

Jangnandaï mi ba baï akli ko̱ nzala da po̱ko̱ mbi baï ndingna guédék mi i kli ta, baï ko̱ yé kli ma mba bon!

Saint Jean 6:27

Oui tane nding pina ba baï laka on ko̱ mi poume ya, da oui nding pina ba baï laka on ko̱ mi na kan yana kambèlè, laka on ko̱ Goune a njoukou ma hi oui; baï ko̱ Baba Ouone mi baka nè bi jing fèn mbo̱la amè.

Romainli 14:17

Baï ko̱ bilkaou a Ouone mi tane ti ba fèn sona tèn fèn njona ya, da ba ndingna guédék da go̱ro̱ iki, da jangnandaï ka bila Saint‐Esprit.

Saint Matthieu 19:29

Da njoukouli bon ko̱ mi yéng voulouli, maléba yindi, maléba njo̱‐waïn fènli maléba baba, maléba ma, maléba waïn, maléba goundi, maléba sél koukoulali, baï toul ling ni, yé kè ma ya toul ndo̱kè bo̱ko̱ té, da yé kli yapélé yana kambèlè.

Romainli 8:31

Mono on, yé na ma sa ba fèn baï toul fèn aïnli lé? Tokoré Ouone mi yé jing na guème ko̱ ma baï pongna na lé?

1 Timothée 4:8

Da mo wara mono fèno ka mboro pèngna bong njaka a Ouone; baï ko̱ njoukouna mi tane ga jing fèn nyèta ya jing ndara kli‐mone, da njoukou mi jing fèn on ko̱ ma fènli bon ka mboro pèngna bong njaka a Ouone, baï ko̱ on ba bina gonjaka an yana on ko̱ mi na kassénaï, da yana on ko̱ mi nding baï guina.

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

Romainli 1:17

Baï ko̱, an bil baï on, mi to̱ko̱ guédék a Ouone bi kala mbo̱l tounassaon mi kan tounassaon, mahana ko̱ mi dé: Da yé njou‐guédék ma yan mbo̱l tounassaon.

Philippienli 3:9

Da on mi jing mi an bilè, tane ti jing guédék ni ya ko̱ mi gui ka mboro guingna, da jing guédék on ko̱ ka ba mboro tounassaon Christ, guédék on ko̱ Ouone mi hi ka mboro tounassaon,

1 Corinthienli 1:30

Da mbo̱lkè mi oui kaou ka bila Christ‐Jésus, ko̱ jing Ouone kème nding nè tèn cho̱kna, da guédék, da njèran baï wala na bi baï nè fènè, tèn fèn chona baï toula.

Saint Matthieu 4:17

Ka name o̱kèo̱ Jésus tissaon baï sana mboura, ka sa: Oui hèkè békéfèn abaï, baï ko̱ bilkaou a nonkala hèdi tou.

Saint Matthieu 3:2

Oui hèkè békéfèn abaï, baï ko̱ bilkaou a nonkala mi hèdi tou.

2 Thessalonicienli 1:5

Fèn on mi bi saon walabaï guédék a Ouone kala. Mono on, an mi wal baï ko̱ oui ma bilkaou a Ouone on ko̱ ouime to̱ko̱ssé baï toulkè.

Romainli 10:3

Baï ko̱ klime tane ga tou mboro guédék a Ouone ya, da klime nza mboro baï mossona dodok guédék akli, kli tane ga kaou mara fal toul mboro guédék a Ouone ya.

Pinali a Njou‐Mboro‐Pinali 28:31

ka sa mboura bilkaou a Ouone, da kème to̱ko̱ saon baï a Nanjou Jésus‐Christ ndo̱t tane waou, da njoukouna mbéo mi tane dèn mboro nè ya.

2 Pierre 1:11

Baï on kè ma yèng mborokè ko̱ hi nguèra hi oui baï rina jing rou bilkaou kambèlè a Nanjou na da njou‐yana‐baï‐toul ama ko̱ ba Jésus‐Christ.

2 Pierre 1:1

Simon Pièrre, koï da njou‐mboro‐pina a Jésus‐Christ mi pi takarata aïn hi kli on ko̱ ba mbéo jing na jing kakaïya tounassaon ka mboro guédék a Ouone da Njou‐yana‐baï‐toul ama ko̱ ba Jésus‐Christ:

Saint Luc 1:6

Kli séré bon mi kaou guédék an nona Ouone. Kli sé tangta ka mboro bina baïnjaka guingna, ka nding dofènli a Nanjou bon ka rongo.

1 Corinthienli 3:22

tongna mi yé ba Paul maléba Apollos, maléba Céphas, maléba koukoula aïn, maléba yana, maléba houl, maléba fènli ko̱ mi na kassénaï, maléba fènli ko̱ nding baï guina.

Pinali a Njou‐Mboro‐Pinali 20:25

Da kassénaï, mono, mè toutou oui bon, ko̱ mème sèrè an woro baï, baï sana mboro bilkaou a Ouone, yé oui ba ko̱na noni ba aféké tane tiya.

Saint Matthieu 19:28

Da Jésus mi sa hi kli: Babaï, mi mè sa hi oui, ka name baï féra ndingna fèn ba aféké, ko̱ Goune a njoukou makaou an kangala njaka bara nè ka jonafèn amè, oui kéng ko̱ gui bong ni, yé oui kaou kangala njaka bara botoulè‐séré, baï wala baï ka douk a Israël botoulè‐séré.

Saint Jean 5:4

Baï ko̱ ange mi diri gui bil mbi ka name hanali, bo̱ko̱ mbéo mbéo ka wou mbi; da njoukouna ko̱ mi ti ri bilkè dambèl hi aféké, ko̱ mbi mi wou, monè mi haï, da jangma nè mi o̱tou.