Saint Matthieu 6:2 - Féké Testament 1947

² Mono on, ko̱ mome hi toul ndo̱ko̱, mo oul gaga dambèl hi mo ya, mahana ko̱ njou‐mongnafènli mi nding an bil synagogueli, da kli ndé nding an domboroli kéng, an njoukouli mi jone kli: Babaï, mi mè sa hi oui, kli ya ko̱ko̱ akli o̱tou.

Saint Matthieu 6:2 ပူးပေါင်းရင်းမြစ်များ

Saint Matthieu 6:5

Da ko̱ ouime hiou Ouone, oui tane nding yé ba njou‐mongnafènli ya, baï ko̱ hang kli mi na toul hiouna Ouone ka o an bil synagogueli da wana domboroli kéng, baï an njoukouli mi ko̱ kli. Babaï, mi mè sa hi oui, kli ya ko̱ko̱ akli o̱tou.

Saint Matthieu 6:16

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou.

Saint Jean 5:41

Jonafèn ni mi tane ga gui ka mona njoukouli ya.

Hébreuli 13:16

Oui yangnaran ndingna bèlafèn da ko̱ko̱ ya, baï sacrificeli mahana on bi wélé toula Ouone ta.

Saint Luc 20:46

Oui pèng monè baï baï a njou‐to̱ko̱na bong guingnali, kli on ko̱ ji baï séna jing péna la, da ji an njoukouli mi name kli an guèl zénacho̱ko̱li, da kli ji titili kangalali an bil synagogueli da titili guèl kaounali an guèl name sona gnèna laka.

Saint Jean 7:18

Kè on ko̱ mi sa ka ba mboro nè fènè, kème nza ba baï jona monè fènè, da kè ko̱ mi nza baï jona kè on ko̱ mi pi nè, kè ba babaï, da vaïnafèn tane ga ti bilè gounfènakè ya.

1 Titili Takarata a Pierre ko̱ dé 4:11

Tokoré njoukouna mi sa baï; an kè mi sa toul baïnjaka a Ouone; tokoré njoukouna mi nding bakara, an kè mi nding bakara ba mboro njèran on ko̱ Ouone mi hi, mono on, an Ouone mi jing jonafèn an bil fènli bon ka mbora Jésus‐Christ, ko̱ ba jonafèn da njaka bara kambèlè go̱ kambèlè. Amen!

Éphésienli 4:28

Njoukou on ko̱ mi ri fèn dadaon an kème tane ri fèn ba aféké ya, da dadaon kème nding bèla pina jing ndo̱kè. Mono on, an kème jing fènli bi ndo̱kè baï hina njoukou on ko̱ fèn mi nak nè.

Galateli 2:10

Da klime wara na baï an name tane yangnaran foïna njoukouli ya, fèn on ko̱ noni mi sènta baï ndé ndingnakè kéng.

Pinali a Njou‐Mboro‐Pinali 10:4

Da Corneille mi ènrèn guè monè mbilili, da waou mi ba nè ta, kè sa: Fèna lé Nanjou? Da ange mi sa hi nè: Hiouna Ouone no da ndingna ko̱ko̱ no jing njoukouli mi hé tèn nonkala an nona Ouone tou, da tèn ba fèn yangnarankè ya kambèlè.

1 Timothée 6:18

An mome sa bi njaka kli an klime nding bèlafèn, an klime nguèrè jing bèla pina, an klime nding ko̱ko̱ ta ka laou kli ka wal fèn aklili.

Romainli 12:8

maléba kè on ko̱ mi wara, dadaon an kème bi hang‐è ba toul warafèn amè; maléba kè on ko̱ mi hi fèn, dadaon an kème hi ka laou‐è; maléba kè on ko̱ mi obong fèn, dadaon an nonè mi sènta jing rou. Kè on ko̱ mi nding haïo, dadaon an kème nding ka wala.

Pinali a Njou‐Mboro‐Pinali 24:17

Da afal ka saka hanali bo̱ko̱ mbéo mbéo mè gui baï ndingna ko̱ko̱ jing pime pou ni, da hi offrandeli.

Pinali a Njou‐Mboro‐Pinali 10:31

ka sa: Corneille, Ouone mi la hiouna no tou, da Ouone mi bi laou‐è toul ndingna ko̱ko̱ no jing njoukouli.

Pinali a Njou‐Mboro‐Pinali 10:2

Kè ba njoukou ko̱ pèng bong njaka Ouone, da ko̱ mi waou nona Ouone tèn voulè bon, kème nding ko̱ko̱ jing njoukouli ta, da hiou Ouone guèbassoko.

Pinali a Njou‐Mboro‐Pinali 9:36

Da njou‐séna bong waïn hana mbéo makaou an pou Joppé ling‐é ba Tabitha, ling aïn mi sa ba Dorcas. Waïn aïn mi nding bèla pinali ta da nding ko̱ko̱ ta.

Saint Jean 13:29

Da hanali mi kèrè ka laou kli, baï ko̱ Judas mi pèng ngou mbo̱ri, da Jésus mi ji baï sana hi nè: Mo zé fèn ko̱ nak baï name gnèna laka, maléba kè sa bi njakè ba kème hi fèna hi foïna njoukouli.

Saint Jean 5:44

Yé oui ma la bilaou ane mèlè? oui on ko̱ mi ya ba jonafèn a njoukou an woro baï, da oui tane ga nza ba jonafèn on ko̱ mi gui ka Ouone ho̱kè ya.

Saint Luc 6:42

Da ka mboro hane mi mome sa hi yine no: Yine ni, mo yèng an mème bi njaka pa guèfal an bil nono, da mo fèno mi ko̱ paraponron di ko̱ mi na an bil dodok nono ya lé? Mo ba njou‐mongnafèn, mo ti bi paraponron di guèfal an bil dodok nono ti dambèl, da on mo ma ko̱ guèl tang ta baï bina njaka pa guèfal, ko̱ mi na an bil nona yine no.

Saint Marc 12:39

klime ji ba titili kangalali an bil synagogueli, tèn titili guèl kaounali ka guèl name sona gnèna laka;

Philémon 1:7

Baï ko̱ mème jangndaï nyèta da go̱ro̱ ni mi vo baï toul sénahang no jinguèl, yine, baï ko̱ mbo̱l mo da go̱ra Njou‐lana‐bilaouli mi féré ka vo.

1 Thessalonicienli 2:6

Na tane ga nza jonafèn ko̱ mi gui ka mona njoukouli ya, tokoré abaï maléba a njou‐afékéli ya; baï an name ma baï ndouna fèn an ndo̱ko̱ baï mahana ko̱ na ba njou‐mboro‐pinali a Christ.

Pinali a Njou‐Mboro‐Pinali 11:29

Da njou‐séna bongli bon mi kèrè ka go̱ro̱ kli baï pina fèn sé hi yindi on ko̱ mi bi an guèl Judée, mahana ka fènli on ko̱ mi na an ndo̱ko̱ njoukouli mbéo mbéo bon.

Saint Luc 13:15

Da Nanjou mi féré sa hi nè, ka sa: Oui njou‐mongnafènli, oui mbéo mbéo bon, ka name sabbat, mo sél ndaïya no tèn torofio no an bil hila aklili, ka miri kli sé guè mbi njona ya lé?

Saint Luc 12:56

Oui njou‐mongnafènli! Oui toutou wira nona koukoula da a nonkala da bai fèn da oui tane tou baï wéra none name koukoulion ya lé?

Saint Luc 12:33

Oui jo̱l fènli on ko̱ mana an ndo̱ko̱ baï, da nding ko̱ko̱. Oui mosso ngou mbo̱ri baï abaï ko̱ ma baï poumna ya, nguèra an nonkala ko̱ so ya, guèl ko̱ njou‐riya mbéo tane ma baï hèdina bèlkè ya, maléba sèssènè mi bo fèn ya.

Saint Luc 11:43

Go̱ro̱ séta mi ba baï abaï, oui pharisienli! baï ko̱ ouime sé hang titili kangalali an bil synagogueli, da oui ji ba an njoukouli mi name oui an guèl zénacho̱ko̱li.

Saint Luc 11:41

Da oui hi toul ndo̱ko̱ toul fèn on ko̱ mana an bil baï, da mono fènli bon tang ta jing oui.

Saint Luc 6:24

Da go̱ro̱ séta mi ba baï abaï ko̱ nguèra ta, baï ko̱ yé oui ya vona go̱ro̱ abaï o̱tou!

Saint Marc 7:6

Da Jésus mi sa hi kli: Ésaïe mi to̱ko̱ bong njaka Ouone tang ka babaï toul baï, oui njou‐mongnafènli, mahana ka on ko̱ mi dé: Njoukou aïnli mi dik mi ka ba njaka kli, Da go̱ro̱ kli mi na dita jing mi.

Saint Matthieu 24:51

da yé kè njo̱ nè ka baraza nyèta, ka hi guèl jing njou‐mongna fènli hi nè: guèl ko̱ lénaléou da sona sél kli mana an ndourou.

Saint Matthieu 23:6

da hang kli mi na toul titili guèl kaounali an guèl name sona gnèna laka, da titili kangalali an bil synagogueli;

Saint Matthieu 22:18

Da Jésus toutou sènafèn akli, ka sa: Baïfèn da oui lé mi lé? Oui njou‐mongna fènli.

Saint Matthieu 16:3

Da ka guèlapélé oui sa: Mbame nding baï to̱na, baï ko̱ nonkala ba sènakè da na doukoum. Oui tou sik nona nonkala, da oui tane ga ma baï touna sik fèn to̱ko̱na namli ya.

Saint Matthieu 15:7

Oui njou‐mongnafènli, Ésaïe mi to̱ko̱ bong njaka Ouone bèlta toul baï jinguèl, ka sa:

Saint Matthieu 7:5

Mo ba njou‐mongnafèn, mo ti bi paraponron di guèfal an bil dodok nono ti dambèl, da afal mo ma ko̱ guèl tang ta baï bina njaka pa guèfal ko̱ mi na an bil nona yine no.

Saint Matthieu 5:18

Baï ko̱, babaï, mi mè sa hi oui, bo̱l tèn nonkala da koukoula mi ta, da goune lettre mbéo maléba goune déna a takarata a guingna ba tana tane tiya, bo̱l tèn none fènli bon mi tèn kala ka babaï.

Saint Matthieu 6:3

Da ko̱ mome hi toul ndo̱ko̱, oui yèng an mboro waïn ndo̱ko̱ mi tane tou fèn ko̱ mboro wonron ndo̱ko̱ mi nding ya,

Saint Matthieu 23:5

Da kli nding pina akli bon baï an njoukou afékéli mi ko̱ kli; baï ko̱ kli nding fèn phylactére akli loukoukè, da kli ji njaka la aklili mi na vouvou ka ata;

1 Corinthienli 13:3

Da tokoré mème wal fèn nili bon bi hi foïna njoukouli baï sonakè, da tokoré mème hi kli‐moni baï soungnakè, da mème tane ga ti jing sénahang ya, fèn on mi na bo̱on jing mi.