Saint Matthieu 6:13 - Féké Testament 1947

¹³ da yèng na sé guèl yaknafèn ya, da lé mbèla an kè on ko̱ ba békékè. Baï bilkaou ba amo, da njèran da jonafèn, kambèlè Amen!

Saint Matthieu 6:13 ပူးပေါင်းရင်းမြစ်များ

1 Corinthienli 10:13

Yaknafèn hana ka toul tane ga gui mone baï ya, bo̱l ba on ko̱ mi gui mona njoukouli bon, da Ouone ko̱ ba lodok ma yèng an yaknafèn mi yak oui ta toul baï ya; da jing yaknafèn on, yé kè ma ndé mosso mborokè baï tèna kéng, baï an ouime kaou wang.

Saint Jean 17:15

Mè tane ga hiou mo an mome téne kli tèn kala an wora njou‐koukoulali ya, da ba baï an mome pèng kli baï an klime tane hèdi békéfèn ya.

Saint Matthieu 26:41

Oui zèng ka sa jojo Ouone, baï an ouime lé ka yaknafèn ya; baï ko̱ esprit mi ji bo̱ko̱kè ka babaï, da naïn‐mone tane ti njèrèn ya.

Apocalypse 19:1

Afal fèn aïnli mè la fèn mahana ka loukou bo̱ko̱ baï a njoukouli ro̱ko̱ta an nonkala, ka sa: Alléluia! Yana‐baï‐toul, da jonafèn, da njèran ba a Ouone na,

2 Thessalonicienli 3:3

Da Nanjou ba lodok, yé kè ma pou oui bi, da pèng oui baï toula njou‐békékè.

Saint Matthieu 6:10

An bilkaou amo mi gui; baï an fènli mi kaou mara fal toulo̱ an koukoula mahana ka ba an nonkala.

2 Pierre 2:9

Nanjou mi toutou mboro baï léna mbèla njou‐guédékli an guèl yaknafèn, da pèng njoukouli ko̱ pong Ouone baï jingna barabaï ka name walabaï,

1 Thessalonicienli 1:10

Da baï vora Goune nè an nonkala, kè on ko̱ kème tome nè an wora houli, Jésus fènè, kè on ko̱ mi lé mbèla an hèrè on ko̱ mi nding baï guina.

Apocalypse 21:4

Da yé kè taka mbi léou bon an none kli, da houl ba aféké tane tiya, da léou houl maléba wananjaka maléba séta tane ti ba aféké ya, titili fènli ta tou.

Apocalypse 3:10

Baï ko̱ mo pèng bong baïnjaka laïnabi ami, yé mè pèng mo kéng ka l’heure yaknafèn, l’heure on ko̱ nding baï guina toula koukoula bon, baï léna kli on ko̱ pane kaouna toul koukoula.

Titili Takarata a Jean ko̱ dé 3:8

Kè on ko̱ mi nding békéfèn, kè ba a zabolo, baï ko̱ zabolo mi ti nding békéfèn jinguèl ka titilikè. Baï on mi ko̱ Goune a Ouone mi gui baï bona pina a zabolo.

1 Titili Takarata a Pierre ko̱ dé 5:8

Oui mang mone baï, da zèng, baï bakèo̱ jing oui zabolo mi sèrè manguèl mahana ka mamou on ko̱ mi vou, baï nzana njoukou on ko̱ kè ma baï sonakè.

Galateli 1:4

kè on ko̱ mi hi monè fènè jinguèl, baï toul békéfèn nali, an kème ya na guèfal an bil béké saka aïnli kassénaï, ka mboro on ko̱ mi na mara fal toula Ouone Baba na;

2 Corinthienli 1:20

Baï tongna ko̱ bina gonjaka Ouone mi na nyèta, mahana ka on an bilè, mi na ba ii; baï mahana on Amen mi ndé na an bilè kéng, baï toul jonafèn a Ouone ka mboro na.

Apocalypse 2:10

Mo ngou waou fènli on ko̱ ma to̱ko̱ssé hi mo koukoulion ya. Mo ko̱, koukoulion zabolo ma wou hanali mbéo mbéo an woro baï an voul jo̱bo̱, an on mi lé oui, da mo ma to̱ko̱ssé name bo. Mo laïbi lodok bo̱l tèn houl, da mè ma hi mbélé couronne yana hi mo.

Apocalypse 1:18

da njou‐yana. Da mè hou jinguèl tou, da mo ko̱, mè yan kambèlè, da clélé a houl da guèl a houli mana ndo̱ko̱ ni.

Saint Matthieu 5:37

Da njaka sana baï abaï mi sa, ii, ii, haï, haï, da fèn ko̱ mome sa kon toulkè gui ka ba mborakè on ko̱ ba békékè. Oui la baï on ko̱ kème sa jinguèl:

1 Corinthienli 14:16

Maléba tokoré mome same ka ba esprit, yé njoukou on ko̱ mi kaou bèl mona njoukouli bo̱on ma sa Amen! ane dé, ko̱ mome yé kaouna koukoula hi Ouone, baï ko̱ kème tane ga tou fèn on ko̱ mome sa ya?

Saint Matthieu 28:20

ka to̱ko̱ hi kli baï bouna fal fènli bon ko̱ mème sa bi njaka baï. Da mono mè ma kaou jing oui name bon bo̱l tèn sèkèrè name a koukoula.

Apocalypse 19:4

Da tangchidoli bongkè‐séré‐faltoulkè‐nèng, da fènli nèng on ko̱ yan, kli lé bou koukoula da houkou an mbèla Ouone ka hiou nè on ko̱ kaou kangala njaka bara on, ka sa: Amen! Alléluia!

Apocalypse 5:13

Da fènli on bon ko̱ Ouone mosso ko̱ mana an nonkala da an koukoula da an bo̱ko̱ koukoula, da an toul none loukou‐mbi‐tome, da fènli on bon ko̱ mana an bilkè, mè la ko̱ kli sa: An kè on ko̱ kaou toul kangala njaka bara, da an Goune badoua mi hi samnafèn, da dikna, da jonafèn da name gangna, kambèlè go̱ kambèlè.

Apocalypse 3:14

Mo dé takarata aïn hi ange église a Laodicée: Amen, gba sana bongbaï lodok, titili mossona fènli a Ouone, kè sa fènli on:

Hébreuli 11:36

Da mi nza afékéli ka mboro gaïna kli, ka jo̱ kli jing baraza, ii, on ko̱ mi ta ka yèng kli an bil sal réme da jo̱bo̱ kéng.

1 Timothée 1:17

Da an nanjoukaou a saka kambèlè, kè on ko̱ ba poumna tane tiya da ko̱ none mi ko̱ ya, ko̱ ba Ouone mbéo bo̱l, ko̱ ba baï dikna da jonafèn hi nè kambèlè go kambèlè! Amen!