Saint Matthieu 6:1 - Féké Testament 1947

¹ Oui pèng mone baï bèlta an ouime nding ndingna guédék abaï an nona njoukouli ya, baï an klime ko̱ oui; maléba ouime nding on, yé oui pènrèn toul ndo̱ko̱ abaï jing Baba abaï ko̱ kaou an nonkala.

Saint Matthieu 6:1 ပူးပေါင်းရင်းမြစ်များ

Saint Matthieu 23:5

Da kli nding pina akli bon baï an njoukou afékéli mi ko̱ kli; baï ko̱ kli nding fèn phylactére akli loukoukè, da kli ji njaka la aklili mi na vouvou ka ata;

Saint Jean 12:43

Baï ko̱ klime sé hang jonafèn a njoukouli ta jonafèn a Ouone.

Hébreuli 6:10

Baï ko̱ Ouone tane nding maï maï ya, da yangnaran pina abaï, da ko̱ oui to̱ko̱ jinguèl ko̱ oui sé hang ling‐è, mono baï ko̱ ouime nding bakara hi njou‐lana‐bilaouli, da oui pane baï ndingna bakara on.

Saint Luc 16:15

Da Jésus sa hi kli: Oui ba kli on ko̱ mi féré mone baï fèn baï an nona njoukouli ko̱ oui ba guédék, da Ouone mi toutou an bil go̱ro̱ baï; baï fèn on ko̱ njoukouli mi ji an ling kli mi ti an wora kli, fèn on ba békéfèn ko̱ mi honta an nona Ouone.

Galateli 6:12

Njoukouli on bon ko̱ mi ji to̱ko̱na mone kli ka mboro naïn‐mone, kli ma to̱ko̱ssé hi oui baï ina gassa on, baï ko̱ klime ngou mboro to̱ko̱nassé baï toul di‐croix a Christ.

Saint Jean 5:44

Yé oui ma la bilaou ane mèlè? oui on ko̱ mi ya ba jonafèn a njoukou an woro baï, da oui tane ga nza ba jonafèn on ko̱ mi gui ka Ouone ho̱kè ya.

2 Jean 1:8

Oui pèng mone baï, an ouime yangnaran ya fèn ko̱ name nding tou, da mono oui mabongkè jing toul ndo̱ko̱ toul fènli on bon.

Saint Marc 8:15

Da Jésus mi wara kli ka sa: Oui pèng mone baï ka ngou vounafèn a pharisienli, tèn vounafèn a Hérode.

Saint Matthieu 6:16

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou.

Saint Matthieu 16:6

Da Jésus mi sa hi kli: Oui pèng mone baï ka ngou vounafèn a pharisienli da sadducéenli.

Saint Luc 12:15

Da kè sa hi kli: Oui pèng mone baï fèn baï, an ouime bi hang baï toul fèna ya; baï ko̱ yana a njoukou mi tane ga é monè toul fènli nyè maïya on ya, ko̱ mi yé jing nè.

Saint Matthieu 5:48

Mono on, oui kaou guédék mahana ko̱ Baba abaï an nonkala mi kaou guédék.

Saint Matthieu 5:16

Da on, oui yèng an takanafèn abaï mi cha an nona njoukouli, baï an klime ko̱ bèla pina abaï, ka jone Baba abaï ko̱ mi kaou an nonkala.

Saint Luc 11:35

Mono on, mo ènrèn ka ko̱ takanafèn an bilo̱ mi tane ga na ba yilime ya.

Saint Luc 12:1

Ka name o̱kèo̱ ko̱ njoukouli mane ténakè nyèta mi ndoï jing hana, klime chome hana, Jésus mi tissaon baï sana hi njou‐séna bong nèli: Oui pèng mone baï, ka titilikè, jing vounafèn a pharisienli, ko̱ ba fèn mongnafèn.

Saint Matthieu 25:40

Da nanjoukaou ma féré sa, ka sa hi kli: Babaï, mi mè sa hi oui, baï ko̱ oui nding on hi hana mbéo a goune aïnli yine nili, da ba bètèrè aïnli, mono on, oui nding hi ba mè.

Saint Matthieu 5:46

Baï ko̱ tokoré ouime sé hang kli on ko̱ sé hang baï, toul ndo̱ko̱ abaï an hane dé? Njou‐mangna l’impôtli mi ndé nding mabahana ka on kéng ya lé?

Saint Matthieu 23:13

Go̱ro̱ séta mi ba baï abaï njou‐to̱ko̱na bong guingnali tèn pharisienli, oui njou‐mongnafènli! baï ko̱ oui tou njaka bilkaou an nonkala hi njoukouli; baï ko̱ oui fèn baï ri bilkè ya, da oui ji yèngna an klime ri bilkè ya, ko̱ mi ji rina bilkè.

Saint Matthieu 6:9

Mono on, mahana on ouime hiou Ouone: Baba ama ko̱ mi kaou an nonkala! Ling‐o̱ mi wal bi baï diknakè.

Hébreuli 2:1

Mono on, baï fènli on, dadaon an nona mi sènta toula fènli on ko̱ name la tou, an name tane yangnaran fèn aïnli ya.

Hébreuli 11:26

an nonè kè ko̱ poukouna on ko̱ klime poukou Christ ba loukou nguèra ta nguèra a Égypte, baï kè voro toul ndo̱ko̱li on ko̱ kè ma jing.

Saint Matthieu 16:27

Baï ko̱ Goune a njoukou ma gui an bil jonafèn a Baba nè, jing ange nèli; da ka name o̱kèo̱ yé kè ma hi toul ndo̱ko̱ hi njoukouli mbéo mbéo bon, mane pina nèli.

Pinali a Njou‐Mboro‐Pinali 3:12

Da ko̱ Pierre mi ko̱ on, kè sa hi njoukouli on: Oui njoïli a Israël, baïfèn da laou baï mi sé siya baï fèn aïn lé? Maléba baïfèn da ouime ènrèn na mbilili on lé, yé ba ko̱ ka njèran na fèna, maléba ka tangna go̱ro̱ na, da na nding njoukou aïn mi sé siya on lé?