Saint Matthieu 5:48 - Féké Testament 1947

⁴⁸ Mono on, oui kaou guédék mahana ko̱ Baba abaï an nonkala mi kaou guédék.

Saint Matthieu 5:48 ပူးပေါင်းရင်းမြစ်များ

TAKARATA A JACQUES KO̱ DÉ 1:4

Da dadaon an laïnabi mi nding guédék pina nè, mono on, an ouime gui guédék jing fènli bon, an ouime tane nak jing fèna mbéo ya.

Saint Luc 6:36

Oui nding haïo hi njoukouli mahana ko̱ Baba abaï mi nding haïo.

Colossienli 1:28

Kè mono ko̱ name sa mboura toulè, ka wara njoukouli bon, da to̱ko̱ saon baï hi njoukouli bon ka cho̱kna bon. Mono on, an name hi njoukouli bon guédék hi Ouone ka bila Christ.

Titili Takarata a Jean ko̱ dé 3:3

Da njoukou on ko̱ mi jing oliya aïn an bilè, kè on mi njomo monè fènè jing békéfèn nè, mahana ka kè ko̱ kaou tang fofoto.

2 Corinthienli 7:1

Mono on, yindi ko̱ mème sé hang baï nyèta, baï ko̱ name jing bina gonjaka on, dadaon an name tourou go̱ro̱ na fèna jing fèn dakamli bon a naïn‐mone, tèn esprit na, da gui jing tangna go̱ro̱ fofoto ka ngou waou nona Ouone.

Saint Luc 6:40

Njou‐séna bong tane ga ta toula njou‐to̱ko̱nafèn hi nè ya; da tokoré kème tou guèdék kè ma féré tèn mahana ka njou‐to̱ko̱nafèn hi nè.

Saint Matthieu 5:16

Da on, oui yèng an takanafèn abaï mi cha an nona njoukouli, baï an klime ko̱ bèla pina abaï, ka jone Baba abaï ko̱ mi kaou an nonkala.

Saint Matthieu 5:45

an ouime gui goundi a Baba abaï ko̱ mi kaou an nonkala; baï ko̱ kème nding séssé nè mi tèn kon toula kli on ko̱ ba békékè da kli on ko̱ ba bèlakè, da kè pi mbame baï a njou‐guédékli da njou‐vaïnafènli.

Colossienli 4:12

Épaphras ko̱ ba njoukou baï, da ba njou‐bakara a Christ‐Jésus mi name oui. Da kème laïbi hiouna Ouone guèbassoko kon toul baï bon, an ouime kaou guédék, da oui mba jing fènli bon baï kaouna mara fal toula Ouone.

2 Corinthienli 13:9

Name jangndaï ko̱ name kaou hèfèrè, da ouime njèrèn; da name ndé hiou Ouone kon toul baï on kéng, mono an ouime gui guédék o̱tou.

2 Corinthienli 13:11

Baï toul gara baï on, yindi, oui kaou jing jangnandaï. Oui gui guédék bon, da goro baï mi vo bélta, oui kèrè mabahana mbéo bo̱l ka laou baï, oui kaou jing go̱ro̱ iki; da yé Ouone sénahang tèn go̱ro̱ iki makaou jing oui.

Éphésienli 3:1

Baï toul baï on, mè Paul ko̱ ba njou‐jo̱bo̱ a Jésus‐Christ baï toul baï, oui mèran gentili,

Saint Matthieu 5:47

Da tokoré ouime name ba yine baïli ka ho̱kè, fème oui nding ko̱ ta njoukou afékéli lé? Gentili mi ndé nding mabahana ka on kéng ya lé?