Saint Matthieu 5:16 - Féké Testament 1947

¹⁶ Da on, oui yèng an takanafèn abaï mi cha an nona njoukouli, baï an klime ko̱ bèla pina abaï, ka jone Baba abaï ko̱ mi kaou an nonkala.

Saint Matthieu 5:16 ပူးပေါင်းရင်းမြစ်များ

1 Titili Takarata a Pierre ko̱ dé 2:12

Da mboro séna a baï bèlta an wora gentili, mono on, ko̱ kli sa kon toul baï, yé ba njou‐ndingna bèlyali, kli ma jone Ouone ka name on ko̱ kè gui baï ko̱na kli, baï bèla pina abaï on ko̱ klime ko̱.

Tite 2:7

jing fènli bon mo nding mahana ka on, an klime ko̱ mo mahana ka mèrènkè a bèla pina bon, da ka mboro to̱ko̱nafèn no mo to̱ko̱ mborokè guédék da jing mbonatoul.

Saint Jean 15:8

Ka mboro aïn mi ko̱ Baba ni mi ya jonafèn, tokoré ouime lé lénakè nyèta, mono yé oui ba njou‐séna bong nili.

Éphésienli 5:8

Baï ko̱ jinguèl oui ba yilime, da kassénaï oui ba takanafèn ka bila Nanjou. Oui sé mahana ka goundi a takanafèn!

1 Titili Takarata a Pierre ko̱ dé 3:16

Da oui kaou jing bèla laou‐tounafèn, baï on ko̱ klime sa bèlya kon toul baï, chonron ma sé kli on ko̱ poukou bèla mboro séna a baï ka bila Christ.

1 Titili Takarata a Pierre ko̱ dé 4:14

Jangnandaï mi ba baï abaï ko̱ tokoré klime sa bèlya kon toul baï, baï ling a Christ, baï ko̱ Esprit a jonafèn, da Esprit a Ouone mi na toul baï.

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Tite 3:14

Da dadaon njoukou nali mi ndé tou bong ndingna bèla pina kéng, baï jingnafèn on ko̱ mi pènrèn kli, mono on an klime tane kaou bo̱on tane léna lénakè ya.

1 Timothée 6:18

An mome sa bi njaka kli an klime nding bèlafèn, an klime nguèrè jing bèla pina, an klime nding ko̱ko̱ ta ka laou kli ka wal fèn aklili.

2 Corinthienli 9:13

Baï ko̱ ka mboro léna oui jing bakara on, ouime jone Ouone baï toul bongbaï on ko̱ ouime sa bi kala toul bèlabaï a Christ, da baï toul hina toul ndo̱ko̱ abaï ka laou baï hi kli tèn njoukouli bon;

Éphésienli 2:10

Baï ko̱ na ba fèn pina a Ouone ko̱ kème mosso ka bila Christ‐Jésus baï an name nding bèla pina, bèla pina on ko̱ Ouone mi badi jinguèl ka tang ambèl tou, dadaon an name sé rou.

Hébreuli 10:24

An na mi bi hang na toul hana an name lang hana baï sénahang da ndingna bèla pinali.

1 Titili Takarata a Pierre ko̱ dé 4:11

Tokoré njoukouna mi sa baï; an kè mi sa toul baïnjaka a Ouone; tokoré njoukouna mi nding bakara, an kè mi nding bakara ba mboro njèran on ko̱ Ouone mi hi, mono on, an Ouone mi jing jonafèn an bil fènli bon ka mbora Jésus‐Christ, ko̱ ba jonafèn da njaka bara kambèlè go̱ kambèlè. Amen!

1 Thessalonicienli 2:12

Name wara oui an mone baï mi pou oui, da name sa bongbaï, mono on, dadaon an bong séna abaï mi mapélékè an nona Ouone, kè on ko̱ mi di oui guè dodok bilkaou nè tèn jonafèn nè.

1 Titili Takarata a Pierre ko̱ dé 3:1

Mono on, waïnli oui kaou bo̱ko̱ ndo̱ka dodok wa abaïli, da tokoré njou‐hanali mi tane ga la baïnjaka on ya, tongna kli tane ga la baïnjaka on ya mbo̱l mbora séna waïn klili, mi ma baï jingna laou kli baï a Ouone,

Pinali a Njou‐Mboro‐Pinali 9:36

Da njou‐séna bong waïn hana mbéo makaou an pou Joppé ling‐é ba Tabitha, ling aïn mi sa ba Dorcas. Waïn aïn mi nding bèla pinali ta da nding ko̱ko̱ ta.

1 Timothée 5:25

Ndé mahana on kéng bèla pina mana ko̱ mi wéré nonkè bi kala ti dambèl, da afékéli ko̱ mi na toutoul ma mou kli pélé.

Saint Matthieu 5:45

an ouime gui goundi a Baba abaï ko̱ mi kaou an nonkala; baï ko̱ kème nding séssé nè mi tèn kon toula kli on ko̱ ba békékè da kli on ko̱ ba bèlakè, da kè pi mbame baï a njou‐guédékli da njou‐vaïnafènli.

Tite 2:14

kè on ko̱ mi hi monè fènè baï toula, baï an kème ma baï chona na an mboro séla guingna bon, da baï a kè fènè mi tourou mèran njoukou tang fofoto, baï tèna ba dodok njoukou nèli, ko̱ none mi sènta baï ndingna bèla pina bon.

1 Timothée 5:10

Ko̱ njoukou mi sa bongbaï toul bèla pina nè. Tokoré kème mbé goundi tokoré kème nding ko̱ko̱ jing goni njoukouli, tokoré kème tourou bo̱ka njou‐lana‐bilaouli, tokoré kème lé mbèl njoukouli an guèl to̱ko̱nassé, tokoré kème nding mèrèn bèla pina bon.

1 Timothée 2:10

Da klime bou ba bèla pina on ko̱ mabongkè baï an waïnli on, ko̱ mi sa kli kaou ka mboro pèngna bong njaka Ouone.

Galateli 1:24

Da klime jone Ouone baï touli.

Tite 3:4

Da ko̱ bèla go̱ro̱ a Ouone Njou‐yana‐baï‐toul ama tèn sénahang nè jing njoukouli mi tèn tou,

1 Corinthienli 14:25

None kèrafèn ka foli jing bo̱ko̱ go̱rè mi tèn kala, da mono on kè ma lé ka té nonè guè koukoula, ka hiou Ouone, da kè ma sa ba Ouone mi kaou an woro baï ka babaï.

Saint Luc 11:2

Da kè sa hi kli: Ko̱ ouime yé hiouna Ouone oui sa: Baba! Ling‐o̱ mi ma baï diknakè; an bilkaou amo mi gui.

Saint Matthieu 9:8

Da ko̱ njoukouli nyèta mi ko̱ fèn on, waou i kli, da kli jone Ouone baï ko̱ kème hi njèran on hi njoukouli.

Saint Matthieu 23:5

Da kli nding pina akli bon baï an njoukou afékéli mi ko̱ kli; baï ko̱ kli nding fèn phylactére akli loukoukè, da kli ji njaka la aklili mi na vouvou ka ata;

Saint Matthieu 6:16

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou.

Saint Matthieu 23:9

Da oui di njoukouna mbéo an toula koukoula aïn ba baba abaï ya; baï ko̱ mbéo ba Baba abaï, kè on ko̱ kaou an nonkala.

Saint Matthieu 6:9

Mono on, mahana on ouime hiou Ouone: Baba ama ko̱ mi kaou an nonkala! Ling‐o̱ mi wal bi baï diknakè.