Saint Matthieu 5:12 - Féké Testament 1947

¹² Oui jangndaï ka kaou ka wala maïya, baï ko̱ toul ndo̱ko̱ abaï mana nyèta an nonkala; baï ko̱ kli ndé to̱ko̱ssé on hi prophèteli ko̱ gui dambèl ka titilikè hi oui kéng.

Saint Matthieu 5:12 ပူးပေါင်းရင်းမြစ်များ

Saint Luc 6:23

Oui jangndaï ka name o̱kèo̱ ka tèn sé siya ka wala, baï ko̱ mono on, yé toul ndo̱ko̱ abaï ba loukoukè an nonkala, baï ko̱ baba klili mi ndé nding mahana ka on hi prophèteli jinguèl.

TAKARATA A JACQUES KO̱ DÉ 1:2

Yine nili, ko̱ ouime lé an guèl yaknafènli toutoul, toutoul, oui ko̱ fènli on bon mahana ka ba fèn jangnandaï,

Colossienli 3:24

Baï ko̱ oui toutou yé Nanjou ma féré hi ko̱ko̱ a yanapélé hi oui. Oui nding bakara ba baï toula Nanjou, Christ.

1 Titili Takarata a Pierre ko̱ dé 4:13

Da mahana ko̱ oui ba ndo̱ko̱ba to̱ko̱nassé a Christ on ko̱ kème to̱ko, oui kaou ka jangnandaï, mono on, ka name guina jing jonafèn nè, oui ma jangndaï ka wala nyèta kéng.

Colossienli 1:24

Da kassénaï mè jangndaï an bil to̱ko̱nassé baï toul baï; baï gara fèn on ko̱ mi pènrèn jing to̱ko̱nassé a Christ, mè ya bi naïn‐moni baï toul kli‐monè, on ko̱ ba église fènè.

Romainli 5:3

Da tane ti ba fèn on ka ho̱kè ya, da name ndé jangndaï an bil to̱ko̱nassé nali kéng, baï ko̱ name toutou ko̱ to̱ko̱nassé mi kan tou hi ba laïnabi.

Saint Matthieu 16:27

Baï ko̱ Goune a njoukou ma gui an bil jonafèn a Baba nè, jing ange nèli; da ka name o̱kèo̱ yé kè ma hi toul ndo̱ko̱ hi njoukouli mbéo mbéo bon, mane pina nèli.

Hébreuli 11:6

Baï ko̱ tane tounassaon, njoukou tane ma ya, an Ouone mi ko̱ nè bèl monè ta; baï ko̱ kè on ko̱ mi guè mona Ouone, ba baï nè an kème la nè bi laou‐è ko̱ kè makaou, da ko̱ kè ba njou‐hina toul ndo̱ko̱ hi kli on ko̱ nza nè.

1 Thessalonicienli 2:15

kli on ko̱ mi i Nanjou Jésus tèn prophèteli, da klime ni na, da klime tane bi wélé toula Ouone ya, da kli ba bakèlio̱ jing njoukouli bon.

Philippienli 2:17

Da tokoré mi si mi kon mahana ka offrande, fèn njona an toul sacrifice da ndingna bakara tounassaon abaï, mè kaou ka jangnandaï da ndé wal jing oui kéng.

2 Corinthienli 4:17

Baï ko̱ goune lélé to̱ko̱nassé na kassénaï païn on mi lé kilo a jonafèn kambèlè nyèta maïya guèbambèl hi na,

Pinali a Njou‐Mboro‐Pinali 5:41

Da klime tèn kala an mona njou‐walabaïli jing jangnandaï maïya, baï ko̱na kli mapélékè baï to̱ko̱nassé chonron baï toul ling a Jésus.

Saint Matthieu 6:16

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou.

1 Corinthienli 3:8

Da kè on ko̱ mi goro tèn kè on ko̱ mi mèn mbi kon toulkè, kli mbéo jing hana, da yé kli mane mbéo mbéo bon ma jing toul ndo̱ko̱ kli mabong pina a kli.

Saint Luc 6:35

Da oui sé hang bakèlion jing oui, oui nding bèlta hi kli, da hi fèn tane oliya baï an ouime ya fèna ya. Da yé toul ndo̱ko̱ abaï ma gui loukoukè, da oui ma tèn ba goundi a Sekèrè Guèl Ndèk, baï ko̱ kème nding bèlta hi kli on ko̱ tane ga kaou koukoula hi nè ya, da kli on ko̱ ba békékè.

Pinali a Njou‐Mboro‐Pinali 16:25

Da hèdi hangnachoung loukou, Paul kira Silas mi hiou Ouone ka di sing hi Ouone, da njou‐jo̱bo̱li mi voro soukou kli ka la,

Saint Luc 13:34

Jérusalem, Jérusalem, mo ko̱ i prophèteli ka wou kli ka kone, kli on ko̱ Ouone mi pi kli guè mono, bo̱ko̱ ro̱ko̱ta mè ji ndoïna goune noli jing hana, mahana ka ma kaka ko̱ ndoï goune nèli an bo̱ko̱ bassane nè, da oui tane ji ya!

Hébreuli 11:26

an nonè kè ko̱ poukouna on ko̱ klime poukou Christ ba loukou nguèra ta nguèra a Égypte, baï kè voro toul ndo̱ko̱li on ko̱ kè ma jing.

Philippienli 1:29

Da mi hi baï a Christ hi oui, ti ba baï lana nè bilaou ka ho̱kè ya, da baï ndé to̱ko̱nassé baï toulè kéng.

Hébreuli 10:34

Baï ko̱ oui ko̱ kli passéta ko̱ kaou jo̱bo̱, tokoré njoukouli mi bo fèn abaïli oui kaou jing jangnandaï, baï ko̱ ouime toutou oui makaou jing fèn on ko̱ bèl honta aïn baï a baï fèn baï, ko̱ fèn on mi na kambèlè.

Hébreuli 11:33

Ko̱ ka mboro tounassaon mi ko̱ kli gnèrèn bilkaouli nyèta jing njèran, kli nding fèn guédék, kli jing bina gonjaka, kli tou njaka a mamouli.

TAKARATA A JACQUES KO̱ DÉ 5:10

Yindi, oui ya prophèteli on ko̱ mi sa baï ka bil ling a Nanjou jinguèl, mahana ka ba mèrèn to̱ko̱nassé jing pana mone.