Saint Matthieu 5:11 - Féké Testament 1947

¹¹ Jangnandaï mi ba baï abaï ko̱ njoukouli mi kèkè oui, da to̱ko̱ssé hi oui, ka sa békékè toutoul toutoul ka mboro wo̱ko̱ kon toul baï, baï touli.

Saint Matthieu 5:11 ပူးပေါင်းရင်းမြစ်များ

1 Titili Takarata a Pierre ko̱ dé 4:14

Jangnandaï mi ba baï abaï ko̱ tokoré klime sa bèlya kon toul baï, baï ling a Christ, baï ko̱ Esprit a jonafèn, da Esprit a Ouone mi na toul baï.

Saint Luc 21:17

Da yé njoukouli bon ma jèk oui baï toul ling ni.

Saint Marc 13:13

Da yé njoukouli bon ma jèk oui baï toul ling ni, da kè on ko̱ mi laïbi pou ta bo̱ltèn sèkèrèkè, yé kè ma kou.

Saint Matthieu 24:9

Da on, yé kli souti oui bi to̱ko̱nassé ka i oui; da yé pime pouli bon ma jèk oui baï toul ling ni.

Saint Luc 6:22

Jangnandaï mi ba baï abaï ko̱ njoukouli mi jèk oui, da ko̱ klime ni oui an bèl mone kli, ka kèkè oui, da pong ling abaï mahana ko̱ ba békékè, baï toula Goune a njoukou!

1 Titili Takarata a Pierre ko̱ dé 2:23

Kè on ko̱ klime poukou nè da kè tane féré poukou kli ya, ko̱ kè mi to̱ko̱ssé, kè tane ga féré to kli ya, da hi monè hi kè on ko̱ mi wal baï guédék;

Saint Jean 15:21

Da yé kli ma nding fèn aïnli bon hi oui, baï toul ling ni, baï ko̱ klime tane ga tou kè on ko̱ pi mi ya.

Saint Matthieu 10:22

Da yé njoukouli bon ma jèk oui, baï toul ling ni; da kè on ko̱ mi laïbi pou ta bo̱l tèn sèkèrèkè yé kè ma kou.

Saint Matthieu 10:39

Kè ko̱ jing yana nè baï amè fènè, yé kè bo̱l yana nè, da kè on ko̱ bo̱l yana nè baï touli, yé kè ma jing yana nè.

Apocalypse 2:3

Da mo laïbi da mo to̱ko̱ssé baï toul ling ni, da mo tane ga gui tan ta ya.

Saint Matthieu 19:29

Da njoukouli bon ko̱ mi yéng voulouli, maléba yindi, maléba njo̱‐waïn fènli maléba baba, maléba ma, maléba waïn, maléba goundi, maléba sél koukoulali, baï toul ling ni, yé kè ma ya toul ndo̱kè bo̱ko̱ té, da yé kli yapélé yana kambèlè.

2 Corinthienli 4:11

Baï na ko̱ pane yana, name hi mona bi houl baï toul ling a Jésus guèbassoko, baï ndé to̱ko̱na yana a Jésus bi kala an bil naïn‐mone poumna ama kéng.

1 Corinthienli 4:10

Ama, na ba njou‐ngawali baï toula Christ, da abaï oui jing cho̱kna ka bila Christ; ama, name tane ti njèrèn ya da abaï oui njèrèn ta. Njoukouli mi dik oui da klime jèk na!

Romainli 8:36

Mahana ko̱ mi dé: Baï toulo̱ mi ko̱ name bou mona houl name bon, Kli ko̱ na mahana ka badouali on ko̱ klime guè baï ina kli.

Saint Luc 21:12

Da ka titilikè ko̱ fèn aïn mi gui, yé kli ma ba ndo̱ko̱ kli kon toul baï, ka ndé to̱ko̱ssé hi oui; da yé kli ma souti oui an bil synagogueli da bou oui voul jo̱bo̱li. Da kli ma gui jing oui an nona nanjoukaouli, da njou‐name gangnali baï toul ling ni.

Saint Luc 9:24

baï ko̱ njoukouna ko̱ mi ji kouna yana nè, yé kè bo̱l yana nè, da njoukouna ko̱ mi bo̱l yana nè baï touli, yé kè kou yana nè.

Saint Marc 8:35

Baï njoukouna ko̱ mi ji kouna yana nè, yé kè ma bo̱l yana nè, da njoukouna ko̱ mi bo̱l yana nè baï touli da baï toul bèlabaï kè ma kou yana nè.

Saint Matthieu 10:25

On mapélékè ko̱ njou‐séna bong mi kaou mahana ka njou‐to̱ko̱nafèn nè, da njou‐bakara mi kaou mahana ka nanjou nè. Tokoré klime bi ling a nanjou‐voulou ba Béelzébul, yé kli ma ndé di njou‐voulèli ba békékèli ta ya lé!

Pinali a Njou‐Mboro‐Pinali 9:16

baï yé mè to̱ko̱ fènli on bon hi nè, ko̱ ma baï an kème to̱ko̱ssé jing rou baï toul ling ni.

Saint Marc 13:9

Da oui ènrèn mone baï; baï ko̱ yé kli ma souti oui bi ndo̱ka njou‐walabaïli, da yé kli ma jo̱ oui an bil synagogueli; da yé oui ma o nona njou‐name gangnali tèn nanjoukaouli baï touli, ko̱ ba sana bongbaï hi kli.

Saint Matthieu 27:39

Da kli on ko̱ ta ndourou, kli poukou nè ka tékéré toul kli,

Saint Marc 4:17

da saon akli fèn kli mi tiya, klime tane laïbi bongkè di ya, da afal ko̱ to̱ko̱nassé tèn sènafèn mi gui baï toul baïnjaka koukoulion klime bèn.

Saint Matthieu 10:18

Kli ma ya oui sé guè mbèla njou‐name gangnali tèn nanjoukaouli baï touli, baï sana bongbaï hi kli, tèn mèran gentili.

Saint Jean 9:28

Kli kèkè nè ka sa: Mo ba njou‐séna bong nè, ka ama, na ba njou‐séna bongli a Moïse.

Philippienli 1:29

Da mi hi baï a Christ hi oui, ti ba baï lana nè bilaou ka ho̱kè ya, da baï ndé to̱ko̱nassé baï toulè kéng.