Saint Matthieu 5:10 - Féké Testament 1947

¹⁰ Jangnandaï mi ba baï akli ko̱ njoukouli mi to̱ko̱ssé hi kli baï toul ndingna guédék, baï ko̱ yé bilkaou a nonkala ba akli!

Saint Matthieu 5:10 ပူးပေါင်းရင်းမြစ်များ

TAKARATA A JACQUES KO̱ DÉ 1:12

Jangnandaï ba baï a njoukou on ko̱ mi kaou pou jing pana mone an bil yaknafèn; baï afal ko̱ mi lé nè ka ko̱ nè mabongkè, yé kè ma jing mbélé couronne yana ko̱ Nanjou mi bi gonjaka hi kli on ko̱ mi sé hang‐è.

2 Corinthienli 4:17

Baï ko̱ goune lélé to̱ko̱nassé na kassénaï païn on mi lé kilo a jonafèn kambèlè nyèta maïya guèbambèl hi na,

Saint Matthieu 5:3

Jangnandaï mi ba baï a foïna njoukouli ka ba esprit, baï ko̱ yé bilkaou a nonkala ba akli!

Saint Luc 6:22

Jangnandaï mi ba baï abaï ko̱ njoukouli mi jèk oui, da ko̱ klime ni oui an bèl mone kli, ka kèkè oui, da pong ling abaï mahana ko̱ ba békékè, baï toula Goune a njoukou!

2 Tim 2:12

Da tokoré name ba pou, yé na ma ndé na gangna jing nè kéng, da tokoré name njomo nè, yé kè ma ndé njomo na kéng.

Philippienli 1:28

Da an bakèlio̱ jing oui mi hi waou hi oui toul fèna mbéo ya, baï fèn on ko̱ mi na jing kli ba fèn houl an guèl hèlè, da abaï ba yana‐baï‐toul, da on mi gui ka Ouone.

Saint Luc 21:12

Da ka titilikè ko̱ fèn aïn mi gui, yé kli ma ba ndo̱ko̱ kli kon toul baï, ka ndé to̱ko̱ssé hi oui; da yé kli ma souti oui an bil synagogueli da bou oui voul jo̱bo̱li. Da kli ma gui jing oui an nona nanjoukaouli, da njou‐name gangnali baï toul ling ni.

Saint Jean 15:20

Oui bi hang baï toul baïnjaka on ko̱ mème sa hi oui jinguèl: Koï mi tane ga ta toula nanjou nè ya. Tokoré klime sène mi, yé kli ma ndé sène oui kéng, tokoré klime pèng bong baïnjaka ni, yé kli ma ndé pèng bong baïnjaka baï kéng.

Apocalypse 2:10

Mo ngou waou fènli on ko̱ ma to̱ko̱ssé hi mo koukoulion ya. Mo ko̱, koukoulion zabolo ma wou hanali mbéo mbéo an woro baï an voul jo̱bo̱, an on mi lé oui, da mo ma to̱ko̱ssé name bo. Mo laïbi lodok bo̱l tèn houl, da mè ma hi mbélé couronne yana hi mo.

2 Tim 3:11

Sènafènli on ko̱ mi gui moni, to̱ko̱nassé ko̱ mi to̱ko̱ mi. Da fèn aïnli nyèta ko̱ mi tèn mi an pou Antioche da an pou Icone da an pou Lystre. Da fèn sènafèn an hani ko̱ mème bou touli rou ya lé? Da Nanjou mi lé mbèli an woro fènli on bon.

Saint Matthieu 25:34

Mono on, yé nanjoukaou ma sa hi kli on ko̱ kaou an wonron ndo̱kè: Oui gui, oui ko̱ Baba ni same; oui gui ka ya pélé bilkaou, ko̱ mosso baï abaï ka titilikè jinguèl mossona bètè koukoula.

Saint Marc 10:30

yé kè ma ya voulouli mane bo̱ko̱ té kassénaï, da yindi, da njo̱‐waïn fènli da ma, da goundi, tèn koukoula ta toulkè, tèn jing fèn to̱ko̱nassé kéng, ka name on ko̱ nding baï guina, ko̱ ba yana kambèlè.

Saint Luc 6:20

Da Jésus bi nonè guè siya, ka ko̱ njou‐séna bong nèli, ka sa: Jangndaï mi ba baï abaï ko̱ ba foïna njoukouli, baï ko̱ yé bilkaou a Ouone ba baï abaï!

Saint Matthieu 10:23

Da ko̱ klime sène oui an pou on, oui ngou sé aféké; baï ko̱ babaï, mi mè sa hi oui, yé oui bon ma ta pouli a Israël bon ya, bo̱l tèn Goune a njoukou mi gui.

Titili Takarata a Jean ko̱ dé 3:12

da tane ti mabahana ka Caïn ya, kè on ko̱ ba a njou‐békékè, ka i yine nè. Da ba baïfèn da kème i nè lé? Baï ko̱ pina nèli mi bèlya, da on a yine nè mi na guédék.

Pinali a Njou‐Mboro‐Pinali 8:1

Da Saul mi ndé ji bo̱ko̱kè baï an klime i Étienne. Ka name o̱kèo̱ loukou sènafèn maïya mi tèn an bil église an pou Jérusalem; da kli bon mi yaïli manguèl sé guè Judée, da guèl Samarie, da yèng ba njou‐mboro‐pinali ka ho̱ko̱ kli on.

Pinali a Njou‐Mboro‐Pinali 5:40

Da klime ji bo̱ko̱ warafèn on jing nè. Da ko̱ klime di njou‐mboro‐pinali gui mone kli, kli jo̱ kli, da koung guingna hi kli, an klime tane sa baï ka ling a Jésus ya, da yèng kli sé.

Saint Matthieu 19:14

Da Jésus mi sa: Oui yèng lélé goundi an klime gui moni, ka tane dèn kli bi ya; baï ko̱ bilkaou a nonkala ba baï akli on ko̱ mi mahana ka lélé goune aïnli.

Saint Marc 10:14

Da ko̱ Jésus mi ko̱ on, go̱rè mi sé nè, da kè sa hi kli: Oui yèng lélé goundi an klime gui moni, ka tane dèn kli bi ya; baï ko̱ bilkaou a Ouone ba baï akli on ko̱ mi mahana ka lélé goune aïnli.

Saint Luc 22:29

da mè ji baï hina bilkaou hi oui, mahana ko̱ Baba ni mi hi mi,

TAKARATA A JACQUES KO̱ DÉ 5:11

Mono, ko̱ name sa jangnandaï akli on ko̱ mi laïbi jing noungna sél. Oui lala baï toul laïnabi jing noungna sél a Job, da oui ko̱ ko̱, ko̱ ka sèkèrèkè Nanjou mi lé mbèlè, baï ko̱ Nanjou mi mba jing ndingna haïo tèn ko̱na sé.