Saint Matthieu 4:19 - Féké Testament 1947

¹⁹ Da kème sa hi kli: Oui gui fali, yé mè ma mosso oui tèn ba njou‐nzana njoukouli.

Saint Matthieu 4:19 ပူးပေါင်းရင်းမြစ်များ

Saint Jean 12:26

Da tokoré njoukouna mi nding bakara hi mi, an kème gui fali; baï guèl on ko̱ mème kaou, yé njou‐bakara ni ma ndé kaou ndourou kéng. Tokoré njoukouna mi nding bakara hi mi, yé Baba fènè mi dik nè.

Saint Matthieu 16:24

Da on, Jésus mi sa hi njou‐séna bong nèli: Tokoré njoukouna mi ji guina fali, dadaon an kème njomo monè fènè, da bi di‐croix nè, ka gui fali.

Saint Luc 9:59

Kè sa hi aféké: Mo gui fali. Da kè sa: Nanjou, yèng mi an mème sé ka goro baba ni ti dambèl da.

Saint Jean 21:22

Jésus mi sa hi nè: Tokoré mème ji baï an kème kaou bo̱l tèn ko̱ mème kaïn féré gui, fèn aïn jing mo ba fèn lé? Mo gui fali.

Saint Jean 1:43

Ko̱ pélé mi taka ba aféké Jésus ji guèna guèl Galilée, da kème jing Philippe, ka sa hi nè: Mo gui fali.

Saint Luc 5:27

Da afal fèn aïnli Jésus ourou an ndourou, da ko̱ njoukou mbéo ko̱ ba njou‐mangna l’impôt, ling‐è ba Lévi, ko̱ kaou guèl mangna l’impôt, da Jésus sa hi nè: Mo gui fali.

Saint Marc 2:14

Ko̱ kème yé tana, kè ko̱ Lévi goune a Alphée, ko̱ mi kaou guèl mangna l’impôt, da Jésus mi sa hi nè: Mo gui fali. Da kème ourou siya ka sé fala Jésus.

Saint Matthieu 19:21

Jésus sa hi nè: Tokoré mome ji guina guédék mo sé ka jo̱l fèn noli bon, ka hi foïna njoukouli, da yé mo ma jing nguèra an nonkala. Da mo gui ka sé fali.

Saint Matthieu 9:9

Da ko̱ Jésus mi yé tana, kè ko̱ njoukouna mbéo ko̱ bi ling‐è ba Matthieu. Kè kaou guèl mangna l’impôt. Da Jésus sa hi nè: Mo gui fali. Da kè ourou siya ka sé falè.

Saint Matthieu 8:22

Da Jésus mi féré sa hi nè: Mo gui fali, mo yèng an houl mi goro houl klili fèn kli.

2 Corinthienli 12:16

Da mi na on, mè fèni mi tane ga fourou mone baï ya, da ba baï ko̱ mème jing cho̱kna bounabong ka ba oui jing ro̱ko̱nafèn jinguèl,

Saint Matthieu 4:18

Da ko̱ Jésus sé vongna bèl mbi Galilée, kè ko̱ yindi séré, Simon, kè on ko̱ kène ling‐è ba Pièrre, da André, yine nè, ko̱ bou ri mbi an bil mbi; baï ko̱ kli ba njou‐nzana njouïli.

Saint Matthieu 4:20

Da koukoulion, kli yèng ri aklili kon ka sé falè.