Saint Matthieu 3:7 - Féké Testament 1947

⁷ Da ko̱ kème ko̱ pharisienli da sadducéenli nyèta ko̱ gui baï yana baptême amè, kè sa hi kli: Oui mèran béké choïli, guème ko̱ wara oui baï ngouna hèrè on ko̱ mi nding baï guina lé?

Saint Matthieu 3:7 ပူးပေါင်းရင်းမြစ်များ

Saint Matthieu 12:34

Oui mèran béké choïli, ka mboro hane, ouime sa toul bèla fènli, ko̱ oui ba békékèli lé? baï ko̱ njaka njoukou mi sa baï toul fèn on ko̱ mi mba go̱rè.

1 Thessalonicienli 1:10

Da baï vora Goune nè an nonkala, kè on ko̱ kème tome nè an wora houli, Jésus fènè, kè on ko̱ mi lé mbèla an hèrè on ko̱ mi nding baï guina.

Romainli 1:18

Baï ko̱ hèrè a Ouone mi tèn gui ka nonkala, ka diri kon toul pongna Ouone bon, da ndingna maï maï a njoukouli bon on ko̱ mi moungnourou mboro babaï, ka mboro ndingna maï maï aklili,

Saint Matthieu 23:33

Oui choïli, oui mèran a béké choïli; yé oui ngou barabaï a guèl hèlè mahana ka fèn lé?

Romainli 5:9

Da mono ta nyèta guèbambèl ko̱ Ouone mi nding na gui guédék kassénaï ka séme nè, yé ma kou na an bil hèrè a Ouone mbo̱l kè.

Saint Matthieu 22:23

Ka name o̱kèo̱ sadducéen aïnli ko̱ sa ba tomnahoulkéli tane tiya, mi gui monè, da kli oui nè,

Saint Matthieu 16:6

Da Jésus mi sa hi kli: Oui pèng mone baï ka ngou vounafèn a pharisienli da sadducéenli.

Titili Takarata a Jean ko̱ dé 3:10

Ka mboro on ko̱ kli ma toutou goundi a Ouone tèn goundi a zabolo. Njoukou on ko̱ mi tane pane jing ndingna guédék ya, kè tane ti ba a Ouone ya, maléba njoukou ko̱ mi tane ga sé hang a yine nè ya.

Saint Jean 9:40

Ko̱ pharisien hanali on ko̱ kaou jing nè mi la baïnjaka aïn, kli sa hi nè: Na ba foukoura kéng lé?

Hébreuli 11:7

Ka mboro tounassaon mi ko̱ Noé, ko̱ Ouone wara nè toul fènli ko̱ kè pane ga ko̱ ya, kè ngou waou nona Ouone, da kè mosso kombone baï kouna njou‐voulèli; da ka mboro on kè sa baï kon toula njou‐koukoulali, da tèn njou‐yana pélé a guédék on ko̱ mi na ka mboro tounassaon.

Pinali a Njou‐Mboro‐Pinali 26:5

Klime ndé toutou mi on jinguèl, tokoré klime ji sana bongbaï ni, ka mboro lana njèrèn douk a tènrèn none baï ama, mè kaou ba pharisien.

Pinali a Njou‐Mboro‐Pinali 20:31

Baï toul baï aïn, oui pèng mone baï, ka bi laou baï rou, ko̱ ma saka saï tou, mè pane wara njoukouli mane mbéo mbéo bon, ka hangnachoung tèn séssé ka mbiléou.

Pinali a Njou‐Mboro‐Pinali 15:5

Da njoukou hanali an mèran pharisienli, kli on ko̱ mi la bilaou tou, mi ourou siya, ka sa: Dadaon an name i gassa hi kli ka sa bi njaka kli baï bouna fal guingna Moïse.

Pinali a Njou‐Mboro‐Pinali 5:17

Da zaworo sacrificateur da kli on bon ko̱ mi kaou jing nè ko̱ ba mèran sadducéenli mi ourou siya, da kli mba ka fanahang,

Saint Jean 8:44

Oui ba a baba baï zabolo, da ji baï ndingna nzala a baba baï. Baï ko̱ ka titilikè, kè ba njou‐ina njoukou, da tane ga kaou guèl babaï ya, baï ko̱ babaï mi tane ti bilè gounfènakè ya. Da ko̱ kème ba wo̱ko̱ kè sa baï ba amè fènè; baï ko̱ kè ba njou‐bana wo̱ko̱ da kè ba baba a wo̱ko̱.

Saint Jean 1:24

Njoukouli on ko̱ kli pi ba pharisien hanali.

Saint Luc 18:11

Da pharisien on mi o baï hiouna Ouone mahana ka on, guè toulè fènè: Ouone, mè kaou koukoula hi mo baï ko̱ mème tane ga ti mahana ka njoukou afékéli ya, kli on ko̱ ba njou‐sènafènli, maléba njou‐vaïnafènli maléba njou‐maïnli, maléba mahana ka njou‐mangna l’impôt aïn ya.

Saint Luc 16:14

Da pharisienli ko̱ hang kli mi na toul mbori ta mi la fènli on, da kli saka nè.

Saint Luc 7:30

da pharisienli da njou‐to̱ko̱na guingnali ko̱ klime ya baptême a Jean ya, kli bi guèfal badinafèn a Ouone ba a kli fèn kli.

Saint Marc 12:18

Da sadducéenli ko̱ mi sa ba tomnahoulkèli mi tane tiya, mi guè mona Jésus, ka oui nè ka sa:

Saint Marc 12:13

Da klime pi pharisien hanali tèn hérodienli guè mona Jésus, baï gnana nè ka nza njakè.

Saint Marc 8:15

Da Jésus mi wara kli ka sa: Oui pèng mone baï ka ngou vounafèn a pharisienli, tèn vounafèn a Hérode.

Saint Matthieu 22:34

Da ko̱ pharisienli mi la ko̱ Jésus mi dèn baï an sadducéenli tou, kli ndoï jing hana.

Saint Matthieu 22:15

Da pharisienli sé da bakèdakè jing hana, baï rou?-?koudia Jésus an kème pènrèn njaka.

Saint Matthieu 12:24

Da ko̱ pharisienli mi la baï on, kli sa: Njoukou aïn mi ni zabololi tèn kala ya, bo̱l ba ka njèran Béelzébul ko̱ ba zaworo zabololi.

Saint Matthieu 5:20

Baï ko̱, mème sa hi oui, tokoré ndingna guédék abaï mi tane ga ta ndingna guédék a njou‐to̱ko̱na bong guingnali da pharisienli ya, oui ba rina sé an bilkaou a nonkala tane tiya.

Hébreuli 6:18

Da baï ka mboro fènli on séré ko̱ mi na pouta jing fènli on ko̱ Ouone ma baï bana wo̱ko̱ jing rou ya, na bi hang na guè tiya ko̱ mi hi njèran hi na ko̱ na ngou guèl lénambèl mona ka mboro chingna oliya on, ko̱ mi na ambèl mona.

Saint Matthieu 15:12

Da on, njou‐séna bongli mi gui, ka sa hi nè: Mo tane ga tou ya ko̱ on mi tèn jing pharisienli ba fèn bèna, ko̱ klime la baïnjaka on.

Saint Matthieu 16:1

Da pharisienli da sadducéenli mi guè mona Jésus, da oui nè baï léna nè, an kème to̱ko̱ fèn to̱ko̱naké an nonkala hi kli.