Saint Matthieu 26:64 - Féké Testament 1947

⁶⁴ Jésus sa hi nè: Mo sa o̱ tou, da mè sa hi oui, da afal on, yé oui ko̱ Goune a njoukou mi yé kaouna an mboro wonron ndo̱ko̱ a njèran, da mi yé guina an toul yiri mbame an nonkala.

Saint Matthieu 26:64 ပူးပေါင်းရင်းမြစ်များ

Saint Marc 14:62

Da Jésus mi sa: Mè mini. Da yé oui ma ko̱ Goune a njoukou mi yé kaouna mboro wonron ndo̱ko̱ njèran Ouone, da mi yé guina jing yiri mbame an nonkala.

Hébreuli 1:3

Kè on ko̱ ba chana a jonafèn a Ouone, da kè ba gba dodok tétéme amè fènè, da tone fènli bon, ka baïnjaka njèran nè, ko̱ kè fènè mi tourou békéfènli bon guèfal tou, da kaou mboro wonron ndo̱ka Gangna a Ouone an sèkèrè guèl ndèk an nonkala.

Apocalypse 1:7

Oui ko̱, kè gui an bil yiri mbame. Da yé none a njoukouli bon ma ko̱ nè, da kli on ko̱ toung nè jinguèl; da yé mèran njoukouli kadouk bon an koukoula ma lé léou baï toulè. Mahana ka on, Amen!

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Saint Luc 21:27

Da on yé kli ma ko̱ Goune a njoukou mi yé guina an bil yiri mbame jing njèran tèn loukou jonafèn maïya.

Saint Matthieu 24:30

Da on, fèn to̱ko̱naké a Goune a njoukou ma tèn gui ka nonkala, da on mèran doukli bon an koukoula ma lé léou, da kli ma ko̱ Goune a njoukou mi yé guina an toul yiri mbame an nonkala, jing njèran da loukou jonafèn.

Saint Matthieu 26:25

Da Judas on ko̱ jo̱lè mi féré sa, ka sa: On ba mè lé, Rabbi? Jésus mi sa hi nè: Mo sa tou.

Saint Matthieu 25:31

Da ko̱ Goune a njoukou mi gui jing jonafèn amè bon, da angeli bon jing nè, da on kè ma kaou kangala njaka bara a jonafèn amè.

Saint Matthieu 16:27

Baï ko̱ Goune a njoukou ma gui an bil jonafèn a Baba nè, jing ange nèli; da ka name o̱kèo̱ yé kè ma hi toul ndo̱ko̱ hi njoukouli mbéo mbéo bon, mane pina nèli.

Apocalypse 20:11

Da mè ko̱ loukou pouki kangala njaka bara, da kè on ko̱ kaou toulkè, koukoula da nonkala ngou an nonè, da kli tane jing guèl kaouna akli ya.

1 Thessalonicienli 4:16

Baï ko̱ yé Nanjou fènè ma diri gui ka nonkala, ka hidi fèn da bouka ka njaka archange da oul gaga mbo̱sso̱ a Ouone, da yé kli on ko̱ mi hou ka bila Christ ma tome houl ti dambèl.

Pinali a Njou‐Mboro‐Pinali 1:11

da sa hi kli: Oui njoukouli an guèl Galilée, baïfèn da ouime o ka zaili none baï ènrèn sé guè nonkala on lé? Jésus aïn ko̱ mi hé sé guè nonkala an woro baï, yé kè ma kaïn féré ba aféké mahana ka on ko̱ ouime ko̱ nè baï séna guè nonkala.

Saint Jean 18:37

Da Pilate mi sa hi nè: Da mono on ko̱ mo ba nanjoukaou lé? Jésus mi féré sa: Mome ko̱ sa on ba mè ba nanjoukaou. Baï on mi mè tèn, da baï on mi mè gui mona njou‐koukoulali, baï sana bongbaï toul babaï. Njoukouli bon on ko̱ ba a babaï mi la mbo̱ko̱ ni.

Saint Luc 22:70

Da kli bon mi sa: Da on mo ba Goune a Ouone dé? Da kè féré sa hi kli. Oui sa ba mè ba kè.

Saint Matthieu 27:11

Da Jésus mi o mbèla njou‐name gangna, da njou‐name gangna mi oui nè, ka sa? Mo ba nanjoukaou a Juifli lé? Da Jésus mi sa hi nè: Mo sa on tou.

Romainli 14:10

Da amo, baïfèn da mome wal baï kon toula yine no lé? maléba amo, baïfèn da mome aïli yine no lé? baï ko̱ yé na bon ma o njaka bara walabaï a Ouone.

Saint Matthieu 8:20

Da Jésus mi féré sa hi nè: Kou a guéli mana, da ndoïli an nonkala makaou ka voula kli; da guèl mi tane ti an Goune a njoukou mi bi toulè guè rou ya.

Saint Matthieu 16:28

Babaï, mi mè sa hi oui, an wora kli on ko̱ mi o guèl aïn hanali ba houl tane tiya bo̱l tèn klime ko̱ Goune a njoukou mi yé guina an bilkaou nè.

Saint Matthieu 22:44

Nanjou fènè mi sa hi Nanjou ni, Mo kaou an mboro wonron ndo̱ko̱ ni, Bo̱l tèn ko̱ mème nding bakèlio̱ jing mo tèn ba fèn ndana ka bo̱ko̱.

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

Saint Luc 22:69

Da afal ka name aïn, yé Goune a njoukou ma kaou an mboro wonron ndo̱ko̱ njèran a Ouone.