Saint Matthieu 24:42 - Féké Testament 1947

⁴² Mono on oui zèng, baï ko̱ ouime tane tou name guina a Nanjou abaï ya.

Saint Matthieu 24:42 ပူးပေါင်းရင်းမြစ်များ

Saint Luc 21:36

Da oui zèng guèbassoko ka sa jo̱jo̱ Ouone baï jingna njèran ka pènrèn fèn aïnli bon ko̱ nding baï guina, da oui o an bo̱ko̱ nona Goune a njoukou.

1 Thessalonicienli 5:6

Mono dadaon, an name na name mahana ka gara njoukou afékéli ya, da bèlta an name zèng da mang mona.

Saint Matthieu 25:13

Mono on, oui zèng baï ko̱ oui tane tou namkè maléba l’heurekè ya.

Apocalypse 16:15

Oui ko̱, mè gui mahana ka njou‐riya. Jangnandaï mi ba baï a kè on ko̱ zéng, da pèng la amè, baï an kème sé bolok bo̱on ya, da an klime ko̱ chonron nè ya.

1 Corinthienli 16:13

Oui zèng, oui laïbi jing tounassaon, oui nding mahana ka njoukouli, oui kaou pou wang.

Saint Matthieu 24:36

Da baï a name o̱kèo̱ tèn l’heure o̱kèo̱, njoukouna mbéo mi tane tou ya, yé angeli an nonkala tou ya, maléba Goune, bo̱l ba Baba ni fènè ka ho̱kè.

Romainli 13:11

Da oui nding fèn on baï an ouime tou namkè, baï ko̱ kassénaï séssé mi mabongkè tou an ouime tome name. Baï ko̱ kassénaï yana‐baï‐toul ama mi gui diya ta name on ka titilikè jinguèl ko̱ name la bilaou.

Saint Matthieu 24:44

Mono on, oui pèng mone baï kéng, baï Goune a njoukou ma gui ka l’heure ko̱ ouime tane ga kèrè ya.

1 Titili Takarata a Pierre ko̱ dé 5:8

Oui mang mone baï, da zèng, baï bakèo̱ jing oui zabolo mi sèrè manguèl mahana ka mamou on ko̱ mi vou, baï nzana njoukou on ko̱ kè ma baï sonakè.

1 Titili Takarata a Pierre ko̱ dé 4:7

Da sèkèrèkè a fènli bon mi hèdi tou. Mono, oui kaou ka ho̱ko̱na da mang mone baï, da laïbi hiouna Ouone.

Saint Matthieu 24:43

Da oui tou aïn, ko̱ tokoré nanjou voulou mi toutou l’heure ènran fèn a hangnachoung ko̱ njou‐riya mi nding baï guina, kè ma zèng, da tane ga yèng an njou‐riya mi gui ka goro voulè ya.

Saint Matthieu 25:10

Da ko̱ klime sé baï zéna akli, njou‐bina waïn voulou mi gui; da kli on ko̱ rèk fèn akli tou, kli ndé ri sé voulou jing nè baï sona gnèna laka bina waïn voulou, da kli tou njaka mboro tou.

Saint Luc 21:34

Da oui pèng mone baï, maléba ka touya oui ma bi hang baï toul sona laka, tèn njona vone nyèta, tèn bina hang toul pina nyèta, yana aïn da name on gui mone baï mahana ka ndaou ko̱ ba mo,