Saint Matthieu 24:31 - Féké Testament 1947

³¹ Da kè ma pi ange nèli ko̱ ma oul gaga mbo̱sso̱ mbéta, da kli ma mang jing hana kli on ko̱ kème wal bi, ka mboro guèl koukounali nèng, da an sèkèrè guèl ndèk an nonkala bo̱l tèn mboro lèkè.

Saint Matthieu 24:31 ပူးပေါင်းရင်းမြစ်များ

1 Thessalonicienli 4:16

Baï ko̱ yé Nanjou fènè ma diri gui ka nonkala, ka hidi fèn da bouka ka njaka archange da oul gaga mbo̱sso̱ a Ouone, da yé kli on ko̱ mi hou ka bila Christ ma tome houl ti dambèl.

Saint Marc 13:27

Da afal on, yé kè ma pi angeli, baï mangna njoukouli on, ko̱ kème walbi, ka mboro guèl koukounali nèng, da ka an sèkèrè guèl ndèk an koukoula bo̱l tèn sèkèrè guèl ndèk an nonkala.

1 Corinthienli 15:52

koukoulion, mahana ka téna none, ka sèkèrè oula gaga‐mbo̱sso̱. Baï ko̱ yé gaga‐mbo̱sso̱ ma mbé, da houli ma tome, jing mone ko̱ mi ba poumna tane tiya, da ama, mone ama ma komo.

Saint Matthieu 13:41

Yé Goune a njoukou ma pi ange nèli da kli ma mang fènli bon on ko̱ bi fèn bèna, ka kli on ko̱ sél guingna, kon kala an bilkaou nè;

2 Thessalonicienli 2:1

Da name sa jo̱jo̱ baï yindi, toul name guina a Nanjou na Jésus‐Christ, da toul ndoïna ama jing nè,

Éphésienli 1:10

baï wéra none pina onatoul bi kala ko̱ namkè mi mafalkè tou, baï mangna fènli bon ka bila Christ, fènli an nonkalali tèn fènli an koukoula, ka bilè.

Saint Jean 11:52

Da tane ti ba baï pime pou aïn ho̱kè ya; da mono baï an kème ndoï goundi a Ouone bon on ko̱ mi yaïli manguèl toutoul ba mone mbéo.

Saint Matthieu 25:31

Da ko̱ Goune a njoukou mi gui jing jonafèn amè bon, da angeli bon jing nè, da on kè ma kaou kangala njaka bara a jonafèn amè.

Apocalypse 7:1

Da afal on mè ko̱ angeli nèng o guèl kouroukè nèng an koukoula; kli ba koukouna nèng an koukoula, mono on koukouna mbéo mi ma baï kouna an koukoula, malèba toul none loukou mbi tome, maléba toul di mbéo ya.

Apocalypse 8:2

Da mè ko̱ angeli difala‐séré on ko̱ o bèl mona Ouone, da mi hi gaga mbo̱sso̱li difala‐séré hi kli.

Romainli 10:18

Da mè sa: Klime lala tou ya lé? Kli lala ka babaï! Tiribaï kli mi ti ka sèrè mane toul koukoula bon, Da baïnjaka kli mi sé bo̱l tèn guè mona sèkèrè njou‐koukoulali bon.

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

Saint Matthieu 24:22

Da tokoré name o̱kèo̱ mi tane koung bi guè mbèl ya, yé naïn mone mbéo ba kouna tane tiya; da ba baï toula kli on ko̱ Ouone mi wal kli bi, mi ko̱ kème koung namkè bi.

Apocalypse 11:15

Da ange a difala‐sérékè mi oul. Da bo̱ko̱ baïli béta nyèta mi ti gui ka nonkala, ka sa: Bilkaou a koukoula gui ba bilkaou a Nanjou na tou, da a Christ nè; da kè ma na gangna kambèlè go̱ kambèlè.

Saint Luc 24:47

Da kli ma tissaon an pou Jérusalem baï sana mboura hèkèna da kona békéfèn pa ka bi ling‐è, hi pime pouli bon.

Apocalypse 1:20

ko̱ ba didissi fèn a mèssè aïnli difala‐séré ko̱ mo ko̱ an wonron ndo̱ko̱ ni, da gangnaguèl lampeli difala‐séré a l’or. Mèssè aïnli difala‐séré ba angeli a égliseli difala‐séré, da gangnaguèl lampeli aïnli difala‐séré ba égliseli difala‐séré.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:32

Da yé di njouï mi to̱ko̱ ébèlbaï hi oui. Ko̱ wanado̱ko̱kèli mi toung bourourou baï an goïkè mi lome, yé oui toutou ba zal mi hèdi tou.

Hébreuli 12:19

Da mbéna gaga mbo̱sso̱ da bounaka baïnjaka, kli on ko̱ mi la bo̱ko̱ baï on da kli sa jo̱jo̱ a Ouone nyèta an kème sa baï hi kli ba aféké ya,